MATEU 16:16 - KARÚK-PËRIM KAWALU Nouveau Testament

¹⁶ A Simon Per ja: “Wi ci-un Këristu, Abuk Nasien-batsi nayësal.”

MATEU 16:16 ပူးပေါင်းရင်းမြစ်များ

MATEU 1:16

Jakob buk un Juse, ayën Maaria nan buki Yeesu, nul ni ka n jakee Këristu.

MATEU 14:33

A ban ci biki tsi kanawa jintëla Yeesu, a ba ja: “Ucar, wi ci-un Abuk Nasien-batsi!”

MATEU 16:15

A na ja bukul: “Maa ind, yën ni nda ja un man ci?”

MATEU 26:63

A Yeesu yëŋandar tsi na yëŋandar tsi. A nan pei pëci nawiak-bajaka n jaul: “Man ñaanu këñaan tsi Nasien-batsi nayësal: uci wi ci-un Këristu, Abuk Nasien-batsi, leents wund.”

MATEU 27:54

A bi kapëton basondaari, ni ban ci biki ni nul tsi pëwaay Yeesu, win bi utsia usiintsar bi, ni ngandola ngi, a ba lënk mak, a ba ja: “Tsi ubaaraari, namëntsi ron un ci Abuk Nasien-batsi!”

MATEU 4:3

A nateen-teenan kika awokul, a na jaul: “Uci bi m ci bank Abuk Nasien-batsi, jaan ilaak yi i witsa upom.”

MARKU 14:61

Maa a Yeesu yëŋandar tsi na yëŋandar tsi, yankësats ko. A nan pei pëci nawiak-bajakan kaka yeparul aja: “Wi ci-un Mesia, Abuk Ka n jaara ngëwar-a?”

LÚKAS 2:11

Nabuëran, un ci wi Kristo, Ajug, abëkara ind ntsari di përaasa Dawid.

KAKÚRAN-KAWAR YEESU KRISTU BI JOŊ LEENŢ BI KUL AJA 1:49

Din, a Natanael yankul aja: “Rabi, wi ci-un Abuk Nasien-batsi! Wi ci-un Nasien Israel.”

KAKÚRAN-KAWAR YEESU KRISTU BI JOŊ LEENŢ BI KUL AJA 11:27

A Maarta ja Yeesu: “Eey-e Ajug, ma wak, wi ci-un Këristu, Abuk Nasien-batsi, ni kan bii tsi umundu.”

KAKÚRAN-KAWAR YEESU KRISTU BI JOŊ LEENŢ BI KUL AJA 20:31

Maa, ngëko ngi apicanaa, pa ind pëfiaar u ci Yeesu ci-un Mesia, Abuk Nasien-batsi, pa uwal wi nda ci wi tsi pëwak, ndë ka ubiira tsi katimul.

KAKÚRAN-KAWAR YEESU KRISTU BI JOŊ LEENŢ BI KUL AJA 6:57

Bi Asin nji nan kai ubiira yëliin bink, a nji buts a n kaana ubiira tsi Asin nji, unk buts, ñaan ni n ci barialaul, në ka ubiira tsi nji.

KAKÚRAN-KAWAR YEESU KRISTU BI JOŊ LEENŢ BI KUL AJA 6:68

A Simon Per yankul aja: “Ajug, di yën di wund kë ya run? Wi ka un irim i ka wël yi ubiira un dits wi ka ba.

KAKÚRAN-KAWAR YEESU KRISTU BI JOŊ LEENŢ BI KUL AJA 6:69

Wund awak a wund me u ci wi ci-un Nayëman, nan pënë-nii tsi Nasien-batsi.”

NGËRO 14:15

aja: “Bayënts! We ka wun a ndu ro ko wi? Wund aci buts bañaan-bajin pi ind, wund kë wejats pi ind. A wund leents ind Upetsan-uwar, pa ind pëwëtan ngëko ngan kaats ngi bëkat, ndë witsësee pa Nasien-batsi nayësal na leempi batsi, ni utsia, ni bërëk, ni ngëko ngan ci ngi rul bëlieng.

NGËRO 8:36

Ba repa bëga pëtsëp, a ba band tsëlon tsëko tsan tsij tsi mlik, a niints nan kasa unk ja: “Teenan-e, mlik mi! We ka laaŋin wun pëmijana?” [

NGËRO 8:37

A Filip yankës aja: “Aniirana, uci m wak tsi uwaasu bëlieng.” A niints yankës aja: “Man wak u ci Yeesu Këristu ci-un Abuk Nasien-batsi.”]

NGËRO 9:20

A tsi uyëk umënts wun, Sol kur pëleents di ito-ijuki koo ja, Yeesu ci-un Abuk Nasien-batsi.

ROOMA 1:4

Maa, na baaraan pëci Abuk Nasien-batsi tsi pëyëlan, tsi Uwejats pëci nayëman, tsi pënatseeul di bacäts, nul Yeesu Këristu, Ajug nja.

2 KORINTU 1:19

Par Abuk Nasien-batsi, un ci wi Yeesu Këristu, cits nan ci Eey-e ni an-a. Maa Eey-e aciina tsi nul! Nul ni wund leents ind un, nji ni Silwaanu, ni Timoteu.

2 KORINTU 3:3

Awina nda ci uletar Këristu wi na tergaar wi tsi uleemp wund. Wul un picanaatsa wi ni untíint, maa ni Uwejats Nasien-batsi nayësal; un picanaatsa wi tsi itagëba ilaak, maa tsi itagëba uyamats, tsi ngëwaas.

2 KORINTU 6:16

Kato-kayëman Nasien-batsi abof we ni icap? Par nja, ngë ci Kato-kayëman Nasien-batsi nayësal, bi nul Nasien-batsi bërierul ja bi: “Mán ciina tsi pëncuaf bukul, koo yandaar, ka ci Nasien-batsi bukul, bukul bu ka ci bañaan nji.”

1 TESALONIKA 1:9

Par bukul bërier bukul, bë ci tsi pëñakanaan uleka wund, bi bu kë leents bi pëwelan pi nda welan wund pi, ni bi nda witsësa bi pa Nasien-batsi. A nda wëtan icap, pa pëleempar Nasien-batsi nayësal a na ciind nacär.

1 TIMOTEU 3:15

maa uci n bi n faatsan pëbi, kë me bi bañaan ka bi përo di kato Nasien-batsi, un ci wi, Ngëriisia Nasien-batsi nayësal; ngul Ngëriisia ci ngun pëcap ni ujuundi ucär.

1 TIMOTEU 4:10

Nja ka cib tsi uleemp, a nja kë kaman, par ngë tsu uwats nja tsi Nasien-batsi nayësal, nul nan ci Nabueran bañaan bëlieng, andes ba uwak biki tsi nul.

BAYEBËREU 10:31

Pëyër tsi iñan Nasien-batsi nayësal, aci ko u lënkan wi!

BAYEBËREU 12:22

Maa nda baandi tsi Untunda Sion, tsi përaasa Nasien-batsi nayësal, Jerusalem batsi, tsi ngëwaanju ngëmiil bupinaats nga júk ngi tsi karo ufesta.

BAYEBËREU 3:12

Nda katan ibats, ind batsaar ni nji, pa nin nalon tsi ind tsë tsij koon këtsij uwaas ujuatsal, wi karika-wak, u tsuul pëpën tsi Nasien-batsi nayësal.

BAYEBËREU 9:14

andes pëñaak Këristu, tsi Uwejats un dits wi ka ba, nul bërierul na wëli Nasien-batsi ubiiraul, a u ci bëjakan ban kaats bi ujink. Pul ka jëntsan pun ume-kabats nja pa pëpënan tsi wul ngëko ngan dolaa ngi, ngi kan tsëpand ngi ñaan pëcäts. Unk, nja ka yëlan puu leempar Nasien-batsi nayësal.

1 JOŊ 4:15

Ñaan na niirani ba Yeesu ci-un Abuk Nasien-batsi, Nasien-batsi amob tsi pëci di nul, a nul na mob tsi pëci di Nasien-batsi.

1 JOŊ 5:20

A ngë me Abuk Nasien-batsi bi, a na wël nja ume, pa n ja pëyëkëran Nacar nun. Nja ngë ci tsi Nacar nun, un ci wi, tsi Abukul, Yeesu Këristu. Namëntsi ci-un Nasien-batsi Nacar, ni ubiira un dits wi ka ba.

1 JOŊ 5:5

Yën kuk un umundu, ucits ba na waki u ci Yeesu ci-un Abuk Nasien-batsi?

UPIBAN 7:2

A n win uwaanju ucints, apëni apayee bi kajara umay-unu, a tsij untamp Nasien-batsi nayësal. A u kat përim mak aliar ngëwaanju ngëbaakër nga wëla ngunk pëtsënkan pëcok utsia, ni bërëk;