MATEU 13:44 - KARÚK-PËRIM KAWALU Nouveau Testament

⁴⁴ Pësien batsi anaam pi bëka ban beka bi di tsëlon tsëko; a ñaan bi win bul, a na bek bul. A na tsëp ni ulílan, a nee waap bëkaul bëlieng, a na weel tsëko tsëmënts tsun.

MATEU 13:44 ပူးပေါင်းရင်းမြစ်များ

MATEU 13:24

A Yeesu tib bukul pëlon përim kak, aja: “Pësien batsi anaam pi nints nan saali tsi mleempnaul.

MATEU 13:46

a bi nee win pëlaants pëloole, pëñatsal, a na pën ee waap ko wi na ka wi bëlieng, a na weel pul.

MATEU 13:47

Pësien batsi akaka naam pi pëtseenk pan gutsa pi di bërëk, a pa mob ngëkoraar ngëtsëb bëlieng.

MATEU 19:21

A Yeesu jaul: “Uci m ŋal pëci nan bai pëci nawar, tsëpan kii waap ko wi m ka wi bëlieng kë tseend baranj uncaam, kii ka bëka di batsi. Din, kë pëni kë fetsin.”

MATEU 19:27

A Per yankul ajaul: “Wund wëtan bikink ngëko bëlieng, a wund fetsu. We wi wund kii ka wun?”

MATEU 19:29

Ñaan na wëtani ito, tsi undo nji, oo ban tsaar biki ni nul, bayënts oo bakaats, asinul oo aninul, upätsul, oo ireeŋul, nii yank un pe wi përëmb, aa ngëyaas useent; në kaand ubiira un dits wi ka ba.

MATEU 6:21

Par, tsi bëkau ci tsi, rul ri uwaasu kë ci run buts.

LÚKAS 14:33

Unk buts, tsi ind, ñaan na wëtanatsi ba ngiicul bëlieng, di ka yëlan pëci nafetsin.

KAKÚRAN-KAWAR YEESU KRISTU BI JOŊ LEENŢ BI KUL AJA 6:35

A Yeesu ja bukul: “Nji n ci-un pëpom pi ka wël pi ubiira; nan bii tsi nji, yaas a në bonats; a na waki tsi nji, yaas a në lofënts.

ROOMA 15:4

Par un do wi picana ba bëlieng uwal ujon, apicandara pëjukan nja pa nja ka ka uwats, tsi undo umiira ni kaliinc-liincan uwaas ki Bëpican wël ki.

KOLOS 2:3

tsi nul tsi bëka ban ci bi ba këci bekëna tsun, bëka kameko ni bi ume.

KOLOS 3:16

Përim Këristu, ni bëka pul bëlieng, pa ciin tsi ind. Ni kameko bëlieng, nda ciin tsi puu jukan, ni tsi puu tseendar ibats. tsi ngëwaas ind, nda yaan Nasien-batsi iya ubëndan, ni iya-ubaran, ni iya tsi Uwejats-ujënts.

BAYEBËREU 10:34

Par, unoor barica are ind; a te nda niiran ni ulílan pëcaa ngëko ind, par nda me nda ka bërier ind bëka ban pe bi pëci bëwar, a buu jon.

UPIBAN 3:18

Mán tseendu ibats m doon kë weel tsi nji uwëru un jëntsana wi di bërua, din kë ka bëka; weelandi iŋi-bëtiem ifaacal kë ci nan tiemee, din mkaw katiemaatsau-ko dits winaa; weelandi buts bëko pa pëkër këkësu, din kuu win.