MATEU 13:39 - KARÚK-PËRIM KAWALU Nouveau Testament

³⁹ A nabër nan saalunk pul, ci Ujabël. A kacët, ci ubaar umundu; a bacët, ci ngëwaanju.

MATEU 13:39 ပူးပေါင်းရင်းမြစ်များ

MATEU 12:32

A na njai ba kë ja përim pa mabats pi tsi uleka Abuk ñaan-najin, ka jampësaa; maa na njai ba kë ja përim pa mabats pi tsi uleka Uwejats-ujënts, di ka jampësaa, nin tsi umundu wi, nin tsi umundu wi kan bi wi.

MATEU 13:22

A utul u yër wunk tsi buwuul iyu, aci ban te biki përim, maa gëtaag ubira ni karí përëmb umundu nëts përim a kaats bëkat.

MATEU 13:25

A bi bañaan ci bi tsi bëŋooy, a nabërul baandi ee saal pëmaanamaan di pëncuaf umaani, a na pën atsëp.

MATEU 13:28

A na ja bukul: ‘Aci nabër ro un ko umënts wun.’ A baleemp jaul: ‘M ŋal wund pëtsëp wund kee rët pul-a?’

MATEU 13:40

Bi pëmaanamaan rëta bunk a pa gutsa di bërua, unk ri wii ci run tsi ubaar umundu.

MATEU 13:49

Unk di wii roaa run tsi ubaar umundu. Ngëwaanju kee nga bi, ngii patsës ba waraatsa biki tsi pëncuaf bamabal,

MATEU 24:3

Bi na tsoar bi tsi untunda Mëoliwa, a bafetsul bi tsi nul tsi ufaai, a ba jaul: “Leents wund-e lum di ngëmënts ngan kii ci run? A wom upibanaani kee piban wun pëbiu, ni ubaar umundu?”

MATEU 25:31

Uwal wi Abuk ñaan-najin kë bi wi di përëmbul, ni ngëwaanju bëlieng, në tsoar tsi pëtsoari-pësien, pi përëmbul.

MATEU 28:20

nda jukani bukul puu mob tsi ngi n tsu ind ngi, ngul bëlieng. Nda teenan-e, mán ci ni ind ngënu bëlieng, te uba umundu.”

1 KORINTU 10:11

Ngëko ngi abaandë-ni bukul, pa nga ci upibanaani inkri; a nga picana, pa pëcar pëleentsi nja nja biki uwal utuami kë tsënki biki.

2 KORINTU 11:3

Maa, man lënkar ngëwejats ind përits coka, ndë pën ka lawan kafac-uwaas kan ci ki tsi Këristu; bi uko-pëtsats fal bunk Eewa ni maniamëlan.

2 KORINTU 2:17

Par wund cits pi balon bañaan bacumal, biki kan júlats biki përim Nasien-batsi; maa, tsi Këristu, wund kë ñakan ni ucär tsi bërun Nasien-batsi, bi nul Nasien-batsi yëlii wund bi.

EFEESU 2:2

bi nda ro bi ci uwal ujon, bi nda ro bi ka fets bëci umundu wi; bi nda ro bi ka fets pëyëlan nasien nan ci tsi ufuts; wul uwejats umënts wun ka leemp wun inkri tsi babuk karoots ko un jaka wi.

BAYEBËREU 1:2

Maa tsi ngënu ngëtuami ngi, añakanaan ni nja aparanaan tsi Abuk; nul ni na tsu un pëci narukanda ngëko bëlieng, a nul ni na leempëna un ngëmundu.

BAYEBËREU 9:26

Par, u ro ci ank, Këristu ka ro ka na roon në noor aa ngëyaas ngëcumal, ki umundu leempa ki. Maa inkri, tsi uba ngëwal, apibandari uyaas uloole baŋ, unk ni bëjakan ubiiraul në pënan ujuban.

1 PER 5:8

Nda lesari, ndë waay. Ujabël un ci wi nabër ind ka fayësa pi ulioŋ wi ka ŋuulënts wi, a uu tsas ñaan ni u rei.

JÚDAS 1:14

A Enoki nan ci napaajantsan ni nalon pëkur-ni di Adam, aleents buts u meaatsa wi tsi uleka bukul aja: “Nda teenan-e! Ajug ka bi ink tsi pëncuaf ngëmiil ngan yëlanaatsa ngi pëpina, ngi bayëmanul,

UPIBAN 12:9

A Uncababaan uwiak umënts wun watee, wul uko-pëtsats ujon, wi kanjaka wunk Ujabël ni Useetaani, unja wunk u roon uu raac bañaan umundu bëlieng tsi kafal. Awatee tsi utsia, wul ni ngëwaanju wul.

UPIBAN 13:14

A uu fal ban ciina biki utsia; koo falëna bukul ngëpibanaani ngi u wëla ngi përo tsi bërun un jar ucak wun. Wul aja ban ciina biki tsi utsia, ba roon bu ka leemp bënaam un jar u lupana wunk ni ulaac, a uu yafënts.

UPIBAN 19:20

A unjar umënts wun moba, wul ni nayëlia natsup nun, nandon unk ka ro ngëpibanaani tsi bërun wul, ngi na falëna ngi ba yank bukunk umarëka unjar, a bu kë jintëla bënaam wul. Ngul ngëtëb ngun agutsa ngëyësal di pëwal bërua tsi ucof kë yëk tsi.