MATEU 13:23 - KARÚK-PËRIM KAWALU Nouveau Testament

²³ A utul u yër wunk tsi mgiji, aci ban tee kiki përim, a pa jënts bukul, a pa ka bëkat: ulon abuk këbuk useent, a ulon buk ngëntaaja paaj, a ulon buk ngëntaaja ngëwaants.”

MATEU 13:23 ပူးပေါင်းရင်းမြစ်များ

MATEU 12:33

Uci bëko wara, mbuk bul ka wara; oo bëko waraatsa, mbuk bul di ka wara. Par, bëko ka meena mbuk bul.

MATEU 13:8

A ulon yër tsi tsëko mgiji, a u buk mbuk: ulon a buk këbuk useent, au ulon buk ngëntaaja paaj, au ulon buk ngëntaaja ngëwaants.

MATEU 3:10

Pëtibi pëwús yecisa pink ba tsi ibuul mko; bëko ban bëkats bi mbuk mwar, bu kënta bu gutsara bërua.

MATEU 3:8

Nda pibani ngi nduu ro ngi ci ngi kayaar-ibats,

MARKU 10:15

Mán leents ind ucär: Ñaan na niiranatsi pësien Nasien-batsi pi napäts, yaas a në niaj di pul.”

MARKU 4:20

Maa balon bañaan, bë ci pi utul un gura wunk tsi tsëko mgiji; bu te përim a ba niiran pul, a ba ka bëkat; nalon a tsij këbuk ngëntaaja ngëwaants, nacints këbuk ngëtaaja paaj, a nacints kak këbuk useent.”

LÚKAS 13:9

uci bee buk, u wara. Ucits ank, kë tsu bul ba kënta.’”

LÚKAS 8:15

Utul u yër wunk tsi tsëko mgiji, aci ba nja biki ba te përim Nasien-batsi, bu ka gaang pul di ngëwaas nga wara ngi a nga maband, ba tambandar, a bu kë buk mbuk.”

LÚKAS 8:8

Ulon kak yër tsi tsëko mgiji, a u mayi. A uja pëbuk pëloole, pë buk këbuk useent.” Bi Yeesu ja bi ko wan a nuu ba, na kat përim, aja: “Nan kai ibats iteeni, na teen.”

KAKÚRAN-KAWAR YEESU KRISTU BI JOŊ LEENŢ BI KUL AJA 15:16

Cits ind ratin bukun; maa man dat ind, a n tsu ind nda tsëp, ndë tsij mbuk, mbuk ind kë cirin. Pa ko wi nda yep wi ba këyep Asin tsi katim nji, në wël ind wul.

KAKÚRAN-KAWAR YEESU KRISTU BI JOŊ LEENŢ BI KUL AJA 8:47

Nan ci ñaan Nasien-batsi, ka cikëndën irim Nasien-batsi. Maa ind nda ri ka cikëndën, par nda cits biki Nasien-batsi.”

NGËRO 16:14

a u ka nalon ŋaats, ka jaka Liidia; aci najúla iseenda ijankal caw, apënë-ni përaasa Tiatiira; aci na lënki Nasien-batsi. Aci tsi pëcikëndën wund, a Ajug waantsul uwaas pa pëcikëndën uwar ngi Pol ci ngi tsi pëja.

NGËRO 17:11

Maa, bamënts biki ape bañaan Tesalonika pëwaants ngëwaas, par bë yank përim ni uŋal ngëwaas bukul; a ba ja kara unu, bu kë teen tsi Bëpican ne ngi ba leentsa ngi aci unk.

2 KORINTU 9:10

A ni ka wëli bagúur ucapi, a nuu wëland bukul pëpom pa barialaul, ka wël ind buts ucapi në watsës wul, në tsu mbuk bëmabal ind muu wiaka.

FILIIPUS 1:11

Unk ndë cum ni ko wi bëmabal kë buk wi, wi kan pënë-ni wi tsi Yeesu Këristu, pa përëmb Nasien-batsi ni ubëndanul.

FILIIPUS 4:17

Nji n cits këci tsi pëtsas n tseenda ko, maa mán tsas këtsas bëkat bi ka watsës bi bëka ind.

KOLOS 1:10

Unk, nduu yandaar tsi ko u mab wi tsi Ajug, tsi puu ro ko u lílul wi ba këlíl; nduu ka bëkat tsi ko wi nduu ro wi ba këro, u wara wi, nduu ya këya bërun tsi ume Nasien-batsi.

KOLOS 1:6

un baandi wi tsi ind. A bi u buk bunk a uu ya këya bërun tsi umundu bëlieng, unk di u ci run tsi përo tsi pëncuaf ind, ki unu wi nda te wunk uleka bëtseend Nasien-batsi a nda me bul tsi ucär.

1 TESALONIKA 4:1

Pa pëtuamës, ind batsaar ni wund, wund ajukan ind bi nda ka bi puu yandaar pa Nasien-batsi pëlilandër ind. Te, unk di nda ci run tsi përo. Maa wund añaan ind këñaan a wund kë tseend ind ibats tsi Yeesu Ajug, nda moban tsi përo ank nda pean kak.

2 TESALONIKA 2:10

Bul, buu roond ngëkoraar manfalar bëlieng tsi kamabats, pëniaman iyeen bukul, par bë niiraants bëŋal ucär din bu ka buerana.

BAYEBËREU 4:2

Par nja buts, ngë ci ba leentsa biki upetsan-uwar pi bamënts bukun; maa përim pi ba cikëndën pi kaats bëkat tsi ngëbiira bukul, par ban cikëndën biki pul bu bofanats pul ni uwak.

BAYEBËREU 6:7

Par utsia wi kan daan wi mlik usubal ma nja mi man doon muu yëri tsi wul, a uu mayani mbuk man kaar mi ban ka biki u jaaraa bëkat, wul ka yank kafa tsi bëbeenir Nasien-batsi.

BAYEBËREU 8:10

Ajug aja: ‘Ki ci kun karo-pëloole ki ndu ndo ki ni kato Israel, upar uwal umënts, mán tsu ngëtsua nji tsi ngëwejats bukul, ka pican ngul di ngëwaas bukul. Mán ci Nasien-batsi bukul, bu ka ci bañaan nji.

2 PER 3:18

Maa nda wiakaan tsi bëtseend ni tsi ume Yeesu Këristu Ajug nja Nabueran. Nul na wëlaan përëmb inkri, pa sandëndën. Ameen!

1 JOŊ 5:20

A ngë me Abuk Nasien-batsi bi, a na wël nja ume, pa n ja pëyëkëran Nacar nun. Nja ngë ci tsi Nacar nun, un ci wi, tsi Abukul, Yeesu Këristu. Namëntsi ci-un Nasien-batsi Nacar, ni ubiira un dits wi ka ba.