MARKU 9:50 - KARÚK-PËRIM KAWALU Nouveau Testament

⁵⁰ Pënam, awara; maa uci pa katse tap, we wi ndu kakanaan wun pul pa tap? Nda kaan pënam tsi ngëbiira ind, ndë ka pëfac tsi nda ci tsi.”

MARKU 9:50 ပူးပေါင်းရင်းမြစ်များ

MATEU 5:13

Ind ci bukun pënam umundu. Maa uci pënam katse tap, we ka kakanaan wun pul pa tap? Katse ka bëkat; aruka ci pul pëgutsara utsand, bañaan këpoos pul.

MARKU 9:34

Maa ba yëŋandar, par tsi bëga, bu ro ka ŋom, pëme nan pei pëci nawiak.

MARKU 9:49

Par, kara ñaan ka waayanaana bërua.

ROOMA 12:18

uci u yëla bëro, nda ciin tsi pëfac ni bañaan bëlieng; aruka rukëna tsi ind.

2 KORINTU 13:11

A tsi utuami batsaar ni nji, nda ciin ni ulílan, nda leempari pëci ba band biki, nda liinc-liincandari, nda teelari, nda ciin tsi pëfac. Nasien-batsi bëŋal ni pëfac ka ci ni ind.

GALAASIA 5:22

Maa ko wi Uwejats Nasien-batsi kë buk wi aci: bëŋal, ni ulílan, ni pëfac, ni umiira, ni karo uwar, ni kawara-uwaas, ni kamob-tsi-uwak,

EFEESU 4:29

Përim pa waraatsa pi tsë pëni di itum ind, maa përim pa wara pi baŋ pa pëleempëna tsi pa fiera tsi, pë wël bëtseend pa ban te biki pul.

FILIIPUS 1:27

Maa ko uloole rin, nda yandaari bi u ka bi pëci tsi Upetsan-uwar Këristu. Unk, uci ank n bi a n win ind, oo uci ank n cits a n te uleka ind, ka me nda ci tsi pëliincandër tsi kabof-uwejats uloole, a nduu bof ukam tsi uwaas uloole, pa uwak Upetsan-uwar.

KOLOS 3:12

Bi u ci bank, undo nda ci biki Nasien-batsi ban data biki, ba yëman biki, ba ŋalaa biki, nda tiemaan kayëk-ipës, ni kawara-uwaas, ni kawelan-been, ni kajuab-uwaas, ni umiira;

KOLOS 4:6

Përim ind pa lílan ngëwal bëlieng, pa tean pënam, ndë me bi u ka bi pëja nan ci bi nu jankma bi acintsul.

1 TESALONIKA 5:13

Nda wëlan bukul urispiitu mak, tsi bëŋal, undo uleemp bukul. Nan ci tsi ind nuu yandaar tsi pëfac ni bacintsul.

2 TIMOTEU 2:22

Túkan ngëko ngi pëtsasa kë rí ngi, kë mob tsi bëmabal, ni tsi uwak, ni tsi bëŋal, ni tsi pëfac, kë bof ni biki kandu biki Ajug ni ngëwaas ngëjëntsal.

BAYEBËREU 12:14

Nda tsasan pëfac pëci tsi ind ni bañaan bëlieng, ndë tsasand puu ci ni ubiira ujëntsal; par ucits ba ubiira ujëntsal, nin ñaan di ka win Ajug.

JAKOB 1:20

Par, uriab ñaan-najin di ka ro ko u mab wi, wi Nasien-batsi ŋal wi.

1 PER 3:8

Pa pëtuamës, nda kaan bëlieng ngëtsaag ngëloole, ni katúkëlar pëñaak, ni pëŋalëlar tsi nda tsaar tsi, ni kayëk-ipës, ni kawelan-been.