MARKU 13:9 - KARÚK-PËRIM KAWALU Nouveau Testament

⁹ Nda rukan ibats, par bu ka gutsar ind ito kawat-pëleents, a di ito-ijúki, bu ka tucan ind. Tsi undo nji, nduu tsëpanda tsi bërun ba tsijëna-këboos, ni tsi bërun basien; unk, ndë piban bukul nda ci ba maatir biki ngan dola ngi.

MARKU 13:9 ပူးပေါင်းရင်းမြစ်များ

MATEU 5:22

Maa nji, man ja ind: Nan diabatsari ni ba tsaari, në wata pëleents; a nanjai ni ba tsaari, raka, në wataa pëleents di kato kawat-pëleents kawiak; a na njai ni ba tsaari, nafuur, nii lacana pa nfeernu bërua.

MARKU 1:44

a na jaul: “Teenan-e, tsë ja ñaan ko, maa tsëpan band di najakan, kë bëtseend pa mjëntsandaru, bi Moises tsu bi; u ci upibanaani pa bañaan.”

MARKU 13:5

Din, a Yeesu kur pëja bukul: “Nda rukan ibats, pa ñaan tsë fal ind.

MARKU 13:8

Par ucaak ka natsara pëkaman ucaak ucints, pësien ka natsara pëkaman pësien pëcints. Utsia koo siintsar tsi ngëleka ngëcumal, ubon kuu ci buts. Ngëmënts ngan aci ujuundi urear uliaf-kabuk.

MARKU 6:11

A uci di tsëlon tsëko, bañaan welanats ind a bë cikëndënats ind, upën ind tsul ndë raaf kandëpe iyots ind pa pëpibanaan ba lac.”

LÚKAS 9:5

Tsi ba welanats ind tsi, upën ind tsi përaasa pëmënts nda raafan kandëpe ka pën tsi itsiim ind, pa pëpibanaan ba lac.”

KAKÚRAN-KAWAR YEESU KRISTU BI JOŊ LEENŢ BI KUL AJA 15:20

Nda lesan përim pnja ind pi: Naluek peets ajugul. Uci ba noor-nooranin, bu ka noor-nooran ind buts; a uci ba mob tsi përim nji, bu ka mob buts tsi përim ind.

KAKÚRAN-KAWAR YEESU KRISTU BI JOŊ LEENŢ BI KUL AJA 16:2

Bu ka pënan ind di ito-ijúki. Maa uwal ka bi, uja ñaan fiŋ ind, në ja ne aci tsi pëleempar Nasien-batsi.

NGËRO 21:11

Na bi di wund, a na jej katël Pol atanar itsiim ni iñan, a na ja: “Iink di Uwejats-ujënts ja run: ‘Niints nan kai katël ki, unk di Bajudeu kë tanul run di Jerusalem bu ka gutsul tsi iñan ban cits biki Bajudeu.’”

NGËRO 7:54

A bu kë te ko wan, a ngëwaas bukul cokee, bu kë ñaamarul irumaj.

NGËRO 9:16

Mán pibanul bi na ka bi pënoor, undo katim nji.”

FILIIPUS 1:29

Par nda wëla bëtseend, tsi undo Këristu. Cits pëwak tsi nul rin, maa buts pënoorarul.

2 TESALONIKA 1:5

Ngul apiban kawat-pëleents ki Nasien-batsi kë wat ki ci kamabal. Unk ngul, ngë tsu ind pëtsënkan pëci biki pësien Nasien-batsi, pul pi nda ci pi tsi pënoorar.

2 JOŊ 1:8

Ind bërier ind, nda rukan ibats pa ind përits niaman ko wi wund ro wi tsi ind, maa pa ind pëyank bëluk ban kës bi.

UPIBAN 1:9

Nji Joŋ, nan tsaari ni ind, acints ind tsi unoor, ni tsi pësien, ni tsi pëtambandar tsi Yeesu, man ci di unjiu Patëmos, undo përim Nasien-batsi ni pëleents uleka Yeesu.

UPIBAN 2:10

Cats lal nin ko tsi ngi kë ciina ngi tsi unoor. Teenan-e! Ujabël ka guts balon tsi ind di ukalabus, pa ndë teenamana. Ndu noor-noorana te ngënu untaaja. Moban tsi uwak, te tsi pëcäts, din kee wëlu ucape-pësien, wi ubiira.

UPIBAN 2:13

‘Ma me tsi m ciina tsi: tsul tsi pëtsoari-pësien Useetaani ci tsun. Maa, m mob tsi katim nji m liincan, a m wëtaants uwak nji, ŋal uwal wi Antipas fiŋa wi, nul nan ci namaatir-ngëmiñ, na mobi tsi ngul; afiŋa tsi pëncuaf ind, tsul tsi Useetaani ciina tsi.