MARKU 12:14 - KARÚK-PËRIM KAWALU Nouveau Testament

¹⁴ Bi ba band bi, a ba jaul: “Najukan! Wund ame m ci nacӓr; m fierats pëme ko wi ñaan ci wi, a m di kë teena bënaam bañaan; maa m ja m doon kuu jukan bëga Nasien-batsi tsi ucär. Pëluk Seesar uraasa, aci ko u niirana wi oo niiranaatsa-a? Ngë ka pëluk oo ngë kaats pëluk-a?”

MARKU 12:14 ပူးပေါင်းရင်းမြစ်များ

MATEU 22:16

A ba yël bafets bukul ni bañaan Eroodis di nul, bee ba jaul: “Najukan, wund ame m ci naleents ucär, a kë jukan bëga Nasien-batsi tsi ko un ci wi ucär bëlieng, te m di kë lënk ñaan, par m teenënats ko wi ñaan ci wi.

MATEU 22:17

Leents wund-e ko wi m wejats wi tsi ko wi: Pëluk Seesar uraasa, aci ko u niirana wi oo niiranaatsa?”

MARKU 12:13

A ba yël balon tsi Bafariseu ni balon tsi bañaan Eroodis; bu yël bukul di Yeesu, pa pii mobunul tsi përim.

MARKU 12:15

Maa Yeesu me kanguungu bukul, a na ja bukul: “We ka wun ndu teen-teenanin? Nda iin-e pëdinaariu mán teen.”

MARKU 14:45

Ubaandiul wun, din a na kika awok Yeesu, a na jaul: “Rabi!” A na wúnkëraul.

LÚKAS 20:22

Nja pëluk Seesar uraasa, aniirana oo niiranaatsa?”

LÚKAS 23:2

Ba kur pëtumtsarul, a bu kë ja: “Wund atsënk niintsi, nuu cok ucaak nja; aci tsi pëlaaŋ bañaan pëluk Seesar uraasa, nuu ja, nul bërierul ci-un Këristu nasien.”

KAKÚRAN-KAWAR YEESU KRISTU BI JOŊ LEENŢ BI KUL AJA 7:18

Ñaan ni ka ñakandar ulekaul bërierul, namënts un ka tsas këtsas Përëmbul bërierul; maa, ñaan ni kan tsasi Përëmb na yëliuli, namënts un aci nacär, a kamabats cits tsi nul.

ROOMA 13:6

Undo ko umënts wi buts, ka wun ndu luk uraasa, par msien aci baleempar Nasien-batsi, a ma mob tsi përo uleemp umënts wi.

2 KORINTU 2:17

Par wund cits pi balon bañaan bacumal, biki kan júlats biki përim Nasien-batsi; maa, tsi Këristu, wund kë ñakan ni ucär tsi bërun Nasien-batsi, bi nul Nasien-batsi yëlii wund bi.

2 KORINTU 2:2

Par uci n juatsan ind ngëwaas, yën ka tsuin un ka lílan, un cits wi ni n juatsan unk uwaas?

2 KORINTU 4:1

Par Nasien-batsi tsi kayëk-ipësul, awël wund uleemp wi, a cätsanats wund ngëwaas.

2 KORINTU 5:11

A tsi inkri, wund ame ko un ci wi pëlënk Nasien-batsi, wund ka tsas pëbaar pëtsu bañaan ba fiaar; Nasien-batsi ame wund, a nji a n fiaar, ind tsi ngëwejats ind nda me wund buts.

2 KORINTU 5:16

Unk, pëpën tsi inkri, wund tsi uyamats, wund kaats ñaan ni wund mei. A uci wund ro me Këristu tsi uyamats, tsi inkri, cits unk di wund meul run.

GALAASIA 1:10

Inkri, ane mán tsas këtsas bañaan-bajin pëcikëndënin, oo Nasien-batsi? Oo mán tsas këtsas bañaan-bajin pëlilandërin-a? Uci wama ka tsas bañaan-bajin pëlilandërin, i bitse ka ci naleempar Këristu.

GALAASIA 2:6

Maa tsi uleka ban tsua bukunk pëci bawiak, bu kaats ko wi ba lakin wi. A ko wi ba ro wank ci tsi ulon uwal, fieranatsin; Nasien-batsi di ka teenëna bënaam ñaan-najin.

1 TESALONIKA 2:4

Maa bi Nasien-batsi teenaman wund bunk, a na tanan wund Upetsan-uwar, unk di wund kë leents run përim; cits pa bañaan pëlilandër wund, maa Nasien-batsi pëlilandër wund, nul nateenaman ngëwaas wund.