MARKU 10:30 - KARÚK-PËRIM KAWALU Nouveau Testament

³⁰ a na rits yank, ngëyaas useent tsi uwal wi, ito, ni batsaar ni nul, bayënts ni bakaats, ni banin, ni upäts, ni ireeŋ, ni pënoor-noorana; tsi umundu wi kan bi wi, në yank ubiira un dits wi ka ba.

MARKU 10:30 ပူးပေါင်းရင်းမြစ်များ

MATEU 12:32

A na njai ba kë ja përim pa mabats pi tsi uleka Abuk ñaan-najin, ka jampësaa; maa na njai ba kë ja përim pa mabats pi tsi uleka Uwejats-ujënts, di ka jampësaa, nin tsi umundu wi, nin tsi umundu wi kan bi wi.

MATEU 13:8

A ulon yër tsi tsëko mgiji, a u buk mbuk: ulon a buk këbuk useent, au ulon buk ngëntaaja paaj, au ulon buk ngëntaaja ngëwaants.

MATEU 6:33

Nda tsasan bërun pësienul ni bëmabalul, din ngëmënts ngan bëlieng kee watsësa ind.

LÚKAS 18:30

a na rits yank un pe wi tsi uwal wi, nii yankand ubiira un dits wi ka ba tsi uwal wi kan bi wi.”

KAKÚRAN-KAWAR YEESU KRISTU BI JOŊ LEENŢ BI KUL AJA 10:23

A Yeesu ci di kato-kayëman, a nuu yandaar tsi ukuera Salomon.

NGËRO 14:22

ee liinc-liincan ngëwaas bafets Yeesu, ba tseend bukul ibats pa ba mob tsi uwak ba liincan; a ba piban bukul u ci tsi unoor uwiak winja kë niajëna wun pësien Nasien-batsi.

NGËRO 16:25

A uu wokan myëŋ ucaak, Pol ni Silas kë ñaan, a bu kë ya koo bëndan Nasien-batsi, a barica bacints bukun kë cikëndën bukul.

NGËRO 5:41

A bapostolu pën di kato kawat-pëleents kawiak, a ba lílan, undo bi ba winaa bi ba tsënkan pëjaa bë kawarëna tsi undo Katím ki.

ROOMA 5:3

Cits umënts wan din, maa nja ka tsu buts mbëndandar nja tsi unoor; a ngë me unoor kë tsiji pëtambandër,

ROOMA 6:23

Par bëluk ujuban, aci pëcäts; maa utseend Nasien-batsi u lukaatsa wi, aci ubiira un dits wi ka ba, tsi Këristu Yeesu, nul Ajug nja.

2 KORINTU 6:10

wund kë juatsana ngëwaas ngënu bëlieng, maa wund ci tsi ulílan; wund ci tsi bëranj, maa wund kë tsu bacumal pëci barëmb; wund ban kaats biki ko, maa wund ka ngëko bëlieng.

FILIIPUS 3:8

Tsi ucär, man tsu ngëko bëlieng pi kaniaman-ko, undo ko un pe wi pëwara, un ci wi pëme Këristu Yeesu, Ajug nji. Tsi undoul a n niaman ngëko bëlieng. Man tsu ngul pi ngëtsopal ngan gutsaa ngi. Unk ka ka Këristu,

2 TESALONIKA 2:16

Ajug nja Yeesu Këristu bërierul, ni Asin nja Nasien-batsi, nul na ŋalnjai, a tsi bëtseend a na wël nja ka liinc-liincana ngëwaas kan dits ki ka ba, a na wëland nja uwats u wara wi.

1 TIMOTEU 4:8

Par, puu liinc-liincan uliaf aka bëkat tsi ngëko ngan cumats ngi, maa puu lënk Nasien-batsi aka bëkat tsi ngëko bëlieng, par awatsan ñaan ubiira inkri, ni ubiira wi kan bi wi.

1 TIMOTEU 6:6

A te aci ucär: Pëlënk Nasien-batsi ka tsiji ñaan pëka bëka mak, uci na liing tsi ko wi na ka wi.

JAKOB 1:12

Anaak, ñaan na miiree tsi pëteenam-na! Par, nan pei pëteenam-na, në yank kape ubiira wi Ajug watsan wi ba ŋalul biki.

JAKOB 5:11

Nda me koon, n ja koo ja, bu naak, ban tambandar biki. Nda te uleka umiira wi Job miira wi, a nda win ko wi Ajug tsuul wi pëtuamanaan; par Ajug acum ni mjampësa, ni kayëk-ipës.

1 JOŊ 2:25

Wi ci-un uwatsan wi na watsán nja wi: ubiira un dits wi ka ba.

1 JOŊ 3:1

Nda teenan bëŋal bëwiak bi Asin wël nja bi, a u tsënkëna‎ tsu nja puu jakaa upäts Nasien-batsi. Tsi ucär ngë ci upäts Nasien-batsi. Wul ka wun bañaan umundu meetsi nja par bu meetsul.

UPIBAN 2:9

‘Ma me unooru, ni bëranju, — maa m ci koon narëmb, — a me uñakan uwutsëtsuel ba nja biki bërier bukul bë ci Bajudeu, te bë cits, maa bë ci kato-kajúki Useetaani.

UPIBAN 3:18

Mán tseendu ibats m doon kë weel tsi nji uwëru un jëntsana wi di bërua, din kë ka bëka; weelandi iŋi-bëtiem ifaacal kë ci nan tiemee, din mkaw katiemaatsau-ko dits winaa; weelandi buts bëko pa pëkër këkësu, din kuu win.