LÚKAS 9:60 - KARÚK-PËRIM KAWALU Nouveau Testament

⁶⁰ Maa, Yeesu jaul: “Wëtan bacäts, ba mooy bacäts bukul. Maa wi, tsëpan kuu leents uleka pësien Nasien-batsi.”

LÚKAS 9:60 ပူးပေါင်းရင်းမြစ်များ

MATEU 4:23

Yeesu kë yaana Galileeya bëlieng, nuu jukan di ito-ijuki bukul, nuu leents Upetsan-uwar uleka pësien batsi, nuu yësanaand maak bëlieng, ni basal ban ci bi ba këci tsi bañaan.

MATEU 8:22

Maa, a Yeesu yankul, aja: “Fetsin, kë wët bacäts ba mooy bacäts bukul.”

LÚKAS 15:24

Par abuk nji ni, aro cats, a nul kaki ink nayësal; aro niam, a nul wina ink.’ Din a ba kur ulílan.

LÚKAS 15:32

Maa ngë ka ngë roon nja ka lílan, nja ka juc ni ulílan. Par atsau ni, aro cäts, a nul kaki ink nayësal; aro niam, a nul wina ink.’”

1 KORINTU 9:16

Uci ndu n leents Upetsan-uwar, nji n kaats puu píc, par aci ko wi n tsua wi. Cay nji, uci n leentsats Upetsan-uwar!

EFEESU 2:1

A ind bando biki cats tsi undo ngëlaci ind ni tsi ngëjuban,

EFEESU 2:5

n ja ban do biki wama cäts tsi karo ngëwutsëtsuel, na awël nja ubiira ni Këristu, — a tsi bëtseend ka bun nda buer.

1 TIMOTEU 5:6

Maa nan catsëndani ayënul a na mob tsi ngëko umundu wi, a cäts, ŋal bi na wama bi ka yafënts.

2 TIMOTEU 4:2

Leentsan përim Nasien-batsi; uwal wara oo u waraatsa ank, moban tsi puu leents pul. Pibani un cits wi ucär, leentsari nan kai pëleentsara, liinc-liincani ngëwaas bañaan; kuu ro ank ni umiira bëlieng, kuu jukanaand.

2 TIMOTEU 4:5

Maa wi, moban beenu tsi ko un ci wi-ba këci, miiraan tsi unoor, leempan uleemp naleents Upetsan-uwar, leempan bëlieng uleemp wi m duuree wi.

UPIBAN 3:1

Picari uwaanju Ngëriisia ngan ci ngunk di Sardis, ja: “Kantsij ngëwejats paaj ngun ni ulon, ngi Nasien-batsi, ni ngëpesaj paaj ngun ni ulon, pi ci pun pi na ja pi: ‘Ma me ngi m ja ngi m doon kuu ro: M jaka m ka ubiira, maa m cats!