LÚKAS 6:49 - KARÚK-PËRIM KAWALU Nouveau Testament

⁴⁹ Maa, nan cikëndëni irim nji a fetsats yul, anaam ni ñaan na niewi kato tsi mboos, te tsuuts ujuundi. A uwëk-wëk bi ee kob kato kamënts ki, din ka yër abaar utsia, ka coka aba bëlieng.”

LÚKAS 6:49 ပူးပေါင်းရင်းမြစ်များ

MATEU 23:3

Nda roon ngëko ngi bu kë ja ind ngi bëlieng, nda roon ngul, ndë mob tsi ngul, maa ind tsúuts ro ngi bu kë ro ngi. Par bu ka ja, te bë ri ka ro.

MATEU 24:10

Din, u ci ko wi ka wat wi bacumal; bu ka yalër ufets, bu kë ñaasëlër.

MARKU 4:17

Maa bukul bërier bukul bu liincӓts, bë ci ban dits biki ka jon; ubaandi unoor, oo pënoor-noorana tsi undo përim, din bu ka wëtan uwak.

LÚKAS 12:47

Naleemp na mei ko wi nawiakul ŋal wi, maa a yecisats, nindoots bi nawiakul ŋal bi, ka kobaa ngëkob ngëcumal.

LÚKAS 19:14

Maa bañaan ban bof biki ucaak ni nul, bu ñaasul; a ba yël bañaan tsi ufetsul, bee ba ja: ‘Wund ŋalats namëntsi pësien wund.’

LÚKAS 19:27

Maa ba ñaasin bukunk, ba ŋalats bukunk ndoon ka sien bukul, nda tsiji bukul tsi, ndë fiŋ bukul tsi bërun nji.’”

LÚKAS 6:46

We ka wun nduu ruin, koo ja: ‘Ajug, Ajug,’ te nda ja nda roon, nda ri ka ro ko wi n ja wi?

LÚKAS 6:48

Anaam ni ñaan nan ci tsi pëniew kato, na jëp tsëko awandan, na tsu ujuundi tsi bëlaak. A mlik mcum natsee, a uwëk-wëk bi ee kobar tsi kato kamënts kun, maa yëlaants pëlëg-lëgan kul, par aci kato ka niewa ki uwar.

LÚKAS 7:1

Bi Yeesu ba bi pëleents irim yan bëlieng tsi bërun bañaan, na tsëp Kafarnaum.

KAKÚRAN-KAWAR YEESU KRISTU BI JOŊ LEENŢ BI KUL AJA 15:2

Kana kan ci ki-ba këci tsi nji a tsijats mbuk, në fal kul; a kan tsij ki mbuk, në jëntsan kul pa ka pe këpe pëtsij mbuk.

NGËRO 20:29

Ma me, u ba nji pëpën, din ngënjurtu ngëjuatsal ka niaji tsi pëncuaf ind, ngul ngan dits ngi ka yëkar pëtan ngënkaanel ipës.

NGËRO 26:11

Man pikaar bukul ngëyaas ngëcumal di ito-ijuki bëlieng; te a n tsu bukul ni uyëlan puu kar Nasien-batsi. Ni uriab uwiak wi tsijar wi bukul, a ndu noor-nooran bukul, te ŋal di iraasa itsooŋ.

1 TESALONIKA 3:5

Wul ka wun, bi katse bi yëlan pëmiira, a n yëli Timoteu pa pëme uleka uwak ind. Man lënkar pëjaa Nateen-teenan a bi teen-teenan ind, a mcibi wund ka ruka ci man kaats mi bëkat.

2 PER 2:20

Bi u ci bank, uci ba bueri di mtsopi umundu, tsi undo ume Yeesu Këristu Ajug nja Nabueran, a uu ba, a ba kaka witsa ka tsopandar tsi mul, a man pe bukul pëyëlan, bëci bukul butuami ka witsa ka pe bucak pëjuats.

1 JOŊ 2:19

Bukul bë pënëna tsi pëncuaf nja maa bë cits bayiic inja; par uci ba ro ci bayiic nja bu ka ro mob tsi pëci ni inja. Maa bë pën atsëp, a u piban, bukul bëlieng bë cits bayiic inja.