KOLOS 3:8 - KARÚK-PËRIM KAWALU Nouveau Testament

⁸ Inkri, bi u ci bank, ind buts nda wëtani ngëmënts ngi ngul bëlieng: ukulëñ, ni uriab, ni kajuats-uwaas, ni pëja uwutsëtsuel tsi uleka ñaan, ni irim karika-kawa i kan pëni yi tsi itum ind.

KOLOS 3:8 ပူးပေါင်းရင်းမြစ်များ

MATEU 5:22

Maa nji, man ja ind: Nan diabatsari ni ba tsaari, në wata pëleents; a nanjai ni ba tsaari, raka, në wataa pëleents di kato kawat-pëleents kawiak; a na njai ni ba tsaari, nafuur, nii lacana pa nfeernu bërua.

MARKU 7:22

mjubi, kariisan-ko, kajuats-uwaas, pëlipëna ñaan, pëwëtandar tsi ngëko katúk-ufuts, mankocëlar, mankarar, mdiangar, bëfuur.

ROOMA 13:13

Nda ju ngë yandaar tsi bëmabal, pi ñaan ni ka yandaari tsi pënak ndakaŋ; ind tsë mob tsi buwaamal ni ukuj, nin ind tsë mob tsi mampiintsandar ni karika-kawa, nin ind tsë mob tsi pëŋom ni mankocar.

1 KORINTU 3:3

par nda wama ci pi bañaan umundu. Bi nda wama bink a tsij mankocëlar ni pëŋom tsi pëncuaf ind, pibanats nda wama ci pi bañaan umundu, a nduu yandaar pi bañaan-bajin kë yandaar pi-a?

2 KORINTU 12:20

Maa ko wi lënk wi, nji përits tsënk ind bi n ŋal bi, ubaandi nji; a ind buts pëwinin, tsi ko un pats wi ni wi nda ŋal wi. Ko wan ka tsiji pëŋom tsi pëncuaf ind, mankocar, uriab, mankicësar, ka jaar bañaan ngëwutsëtsuel, mankuetar, manguukandër, kangusëlar.

GALAASIA 5:15

Maa, uci nduu rumëlar a nduu yoorëlar tsi nda ci tsi, nda rukan ibats pa nda rits baalar.

GALAASIA 5:20

ni kajintëla icap, ni pëkaalam, ni mañaasëlër, ni katamb-ulats, ni pëyëkandar ko pëci wiicu, ni uriab, ni ukam, ni pëŋom, ni mankicësar,

GALAASIA 5:26

Nja tsuuts rëmbandar, pa puu tsu bañaan ba riabatsar bacints bukul, ni pëja bañaan, bu ka koc bacints bukul.

EFEESU 4:22

bi nda ka bi pëwëtan ñaan najon tsi bëci ind ban par bi, bi kan cok bi tsi karí-ko manfalar.

EFEESU 4:25

Wul ka wun, nda wëtani butsup, ndë ja nan ci nuu ñakanaan acintsul ko un ci wi ucär; par n ja bëlieng ngë ci incimëntsu uliaf uloole.

EFEESU 4:26

Uci nda riabats, ind tsë juban; te ind tsë wamand uriab a unu ka yër.

EFEESU 4:29

Përim pa waraatsa pi tsë pëni di itum ind, maa përim pa wara pi baŋ pa pëleempëna tsi pa fiera tsi, pë wël bëtseend pa ban te biki pul.

EFEESU 5:4

Irim i waraatsa yi buts, ni ngëñakan bëfuur oo ngan waraatsa ngi, ngëmënts ngan yukats; maa, u yuk wi aci puu baran Nasien-batsi.

KOLOS 3:5

Bi u ci bank, ngiic ind ngi umundu, nda tsuun ngul nga cäts, un ci wi: katúk-ufuts, bëtsopal, karí-ko kan pelëk ki, uŋal u waraatsa wi, nikariisan-ko, kul kan ci ki kajintëla-icap.

KOLOS 3:9

Ñaan tsë tsupar acintsul. Par nda pënan bëci bëjon, ni ngi ba uwakëtsa ngi përo,

1 TIMOTEU 1:13

nji nandoi ci nakarul, nakaman bafetsul, nacar-uriab. Maa a n yëkara ipës, par mando ka ndoona tsi kameets-ko, tsi kakaats-uwak.

1 TIMOTEU 1:20

Imeneu, ni Aleksandër, bu bof tsi bamënts bakan. Man gutsar bukul Useetaani, pa ba juk pëkatse pëkar Nasien-batsi.

BAYEBËREU 12:1

Unk n ja buts, bi bamaatir fay nja bink pi kasa kawiak, nda ju ngë wëtan ko un ci wi-ba këci wi ka wocan wi ñaan, nja ka wëtanaand ujuban, wul un car wi pëfaiyar tsi ñaan. A ni umiira, nda ju ngë ci tsi pëtuk pan tsua nja pi tsi bërun.

JAKOB 2:7

Cits bukul ka kar bukun katim kawar kan tsua ind ki -a?

1 PER 2:1

Wul ka wun, nda bëran kawaraatsa kan ci ki ba këci, ni bëlipal maniamëlan ban ci ba këci, ni kanguungu kan ci ki ba këci, ni mankocar, ni kajaar bañaan ngëwutsëtsuel kan ci ki ba këci.

2 PER 2:18

Bu ka ñakan irim upíc in kaats yi bëkat; tsi uŋal uliaf bukul, ni tsi mtsopi, bu kë raac bandu ka bueri di iñan ban ci biki tsi kaguus-ko.

2 PER 2:7

A na randan Lot, niints namabal, na njai na roon në juatsan, undo ngëñútsanuel ngi bameets-ngëtsua kë ro ngi.

JÚDAS 1:13

Bu ci pi ngëmaroŋ bërëk ngëjuatsal, ngi ka lëtsan ngi uñutsandar ngul bërier ngul. Bu ci pi ngëpesaj ngan meets ngi tsi nguu ya tsi; karëm síic ayecisa pa ngul, pa sandëndën.

JÚDAS 1:8

Aci unk buts di bañaan bamënts bukun niam dun tsi buwinal bukul, a ba tsopan ngëliaf bukul; a bu kë be bajug pëboos, bu kë kar ngi Batsi.

UPIBAN 16:9

A uwamël bërua uwiak, tër bañaan. A bu kë kar katim Nasien-batsi, nul nan kai pëyëlan tsi ngënjuatsia ngëmënts ngun; a bu yaarats ibats bu ka rëmbanul.