KOLOS 3:4 - KARÚK-PËRIM KAWALU Nouveau Testament

⁴ Upibandari Këristu, nul nan ci ngëbiira ind, din ind buts ndë pibandari ni nul tsi përëmb.

KOLOS 3:4 ပူးပေါင်းရင်းမြစ်များ

MATEU 13:43

Din, bamabal kë kul pi unu, di pësien Asin bukul. Nan kai ibats iteeni, na tean!

LÚKAS 17:30

Unk di wii ci run tsi unu wi Abuk ñaan-najin, kë pibanaa wi.

KAKÚRAN-KAWAR YEESU KRISTU BI JOŊ LEENŢ BI KUL AJA 11:25

A Yeesu jaul: “Nji n ci-un kanatsee-di-pëcäts, a nji n ci-un ubiira. Ñaan na waki tsi nji, ŋal ank na cäts, në ka aatsum ubiira.

KAKÚRAN-KAWAR YEESU KRISTU BI JOŊ LEENŢ BI KUL AJA 14:3

A uci n ya ee n yecis ind tsëko, ka bi kak, kee jej ind n tsëpand tsi nji bërierin, pa tsi n ci tsi, ind buts ndë ci tsul.

KAKÚRAN-KAWAR YEESU KRISTU BI JOŊ LEENŢ BI KUL AJA 14:6

A Yeesu jaul: “Nji n ci-un bëga, ni ucär, ni ubiira; kaats ñaan ni kan bii tsi Asin nji, uci na biinatsi tsi nji.

KAKÚRAN-KAWAR YEESU KRISTU BI JOŊ LEENŢ BI KUL AJA 17:24

Paapa, ma ŋal tsi n ci tsi, biki m wëlin biki ka ci buts tsul ni nji, pa bukul pëwin përëmb nji pi m wëlin pi. Par, umundu ruka ka leempa, a m ŋalin.

KAKÚRAN-KAWAR YEESU KRISTU BI JOŊ LEENŢ BI KUL AJA 20:31

Maa, ngëko ngi apicanaa, pa ind pëfiaar u ci Yeesu ci-un Mesia, Abuk Nasien-batsi, pa uwal wi nda ci wi tsi pëwak, ndë ka ubiira tsi katimul.

NGËRO 3:15

A nda fiŋ Kantsijëna ubiira nul ni Nasien-batsi natsanii di bacäts, a wund ci bamaatir.

ROOMA 8:18

Nji man wejats a nja, ngënoor uwal inkri wi di ka jaaka ni përëmb pi kee pibana pi tsi nja.

ROOMA 8:19

Ngan leempa ngi, ka lip ni pëcësa upibandar babuk Nasien-batsi.

1 KORINTU 1:7

pa ind përits ranj nin ulon utseend Nasien-batsi, ndë ci tsi pëlip upibandari Yeesu Këristu, Ajug nja.

1 KORINTU 15:43

Ka saala tsi mkaw, u natsee tsi përëmb; u saala tsi bërafal, u natsee tsi pëyëlan.

2 KORINTU 4:17

Par unoor nja urafal inkri, ka tsiji nja përëmb pa n jaakaatsa pi, pan dits pi ka ba; pan pe pi unoor inja.

GALAASIA 2:20

Nji man yafënts, maa katse ci nji ka n yafënts un, aci Këristu ka yafëntsun di nji; a ubiira wi n ciina wink inkri tsi uliaf, mán tsijëna wul tsi uwak wi n ka wi tsi Abuk Nasien-batsi, nul na ŋalini, a na wël beenul bërierul undo nji.

FILIIPUS 3:21

nii witsës ngëliaf nja ngul ngan tienkëtsana ngi, në tsu ngul ngë naam ni uliaful wi përëmb. Ka roona ko wan tsi pëyëlan pi na ka pi, pi nu tsuuna pi ngëko bëlieng, nga fets përimul.

1 TESALONIKA 4:17

A uu ba, n ja ban ci biki bayësal, n ja ban duka biki, nja ka wajaa ni bukul pëtsëp tsi ruets isa, pa pëjëk ni Ajug di ruets. Unk, nja ka ci ni Ajug, pa sandëndën.

1 TIMOTEU 6:14

Moban tsi utsua, wul un tsopats wi, a kaats ulaci; moban tsi wul aa upibandari Ajugnja Yeesu Këristu.

2 TIMOTEU 1:1

Pol, Napostolu Këristu Yeesu, tsi uŋal Nasien-batsi, undo kawatsana ubiira un ci wi tsi Këristu Yeesu,

2 TIMOTEU 4:8

Inkri, ucape-pësien wi bëmabal ayecisa pa nji, un ci wi, uluumpan undo ubiira ujëntsal: Ajug, nul nan ci nawat-pëleents namabal, ka wëlin wul tsi Unu umënts wan. A te cits nji rin ka wëla un, maa ba ŋal biki a bu kë lip ubaandariul, bukul bëlieng bu ka wëla wul.

TIITU 2:13

nja kë lip uwats unaakal, ni upibandari përëmb Nasien-batsi nja nawiak a na ciind Nabueran, nul Yeesu Këristu.

BAYEBËREU 9:28

unk buts Këristu ajakan ubiiraul uyaas uloole baŋ, pëpënan ngëjuban bacumal. Nul, ka pibandari uyaas ucints tsi ban ci biki tsi pëlipul undo pëbuer, te di ka ci-undo ujuban.

1 PER 1:13

Wul ka wun, nda yecisëri tsi ume ind, ndë ci baliingëlën-ko, ndë baar uwats tsi bëtseend bi nda ka bi pëtsijee upibandari Yeesu Këristu.

1 PER 5:4

A uwal wi Nayafan nan pei pëci nawiak kë pibandari wi, ndë wëla ucape-kape, wi përëmb, un dits wi ka coka.

1 JOŊ 2:28

A inkri upäts uties, nda moban tsi pëci di nul, pa uwal wi nu pibandari wi, nja ka ka uwatsar, pa ngë rits pëni ri nul ni mkaw, uwitseeul.

1 JOŊ 3:2

Bamiñ ba ŋala biki, ngë ci upäts Nasien-batsi inkri; ko wi nja kii ci wi netse pibana. Ngë me, uwal wi Këristu pibandari wi, nja ka naam ni nul, par nja ka winul bi na ci bi ja.

1 JOŊ 5:12

Ñaan nan kai Abuk, aka ubiira. Ñaan nan kaatsi Abuk Nasien-batsi, kaats ubiira.

JÚDAS 1:24

Nasien-batsi ka un pëyëlan përandan ind pëyër pan ci pi-ba këci, ni pëtsu ind pëci ban kaats biki ulaci tsi bërun përëmbul, ni ulílan.

UPIBAN 2:7

Nan kai kabats, na tean ko wi Uwejats ci wi tsi pëja iriisia. Nakuk, mán wëlul na re ko tsi bëko ubiira, bul ban ci bi di tsëko-ngëlílal Nasien-batsi.’”

UPIBAN 22:1

A uwaanju umënts wun pibanin kabulaŋ mlik ubiira; aci kajielal pi kabiirdi, a kuu pëni tsi pëtsoari-pësien, pan ci punk pi Nasien-batsi ni Ubuk-unkaanel;

UPIBAN 22:14

Bë naak, ba nij biki iŋi bukul yi bëtiem [tsi pëñaak Ubuk-unkaanel,] pa bukul pëbofara bëko ubiira bun, ni bukul pëpar-na ilëman ba niaj përaasa.