Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




KOLOS 2:8 - KARÚK-PËRIM KAWALU Nouveau Testament

8 Nda katan ibats pa ñaan tsë mob ind tsi pëgungan bëŋal-kameko, bul ban ci bi manfalar mjënts, ban pënë-ni bi tsi undimaan bañaan-bajin ni tsi ngëko umundu, maa pënënatsi tsi Këristu.

အခန်းကိုကြည့်ပါ။ ကော်ပီ




KOLOS 2:8
38 ပူးပေါင်းရင်းမြစ်များ  

Nda rukan ibats tsi bañaan, par bu ka tsëpand ind di ito kawat-pëleents; bu ka bup ind di ito-ijuki.


A Yeesu ja bukul: “Nda rukan ibats mak tsi uleka bëko Bafariseu bëlëntsëntsaani ni bi Basaduseu.”


Nda rukan ibats tsi bayëlia batsup; bi bu bi bi tsi ind ni kawara urafaal; maa di bametsu bukul, bë ci ngënjurtu ngëjuatsal.


A balon bafets bëjukan nameko ni ka n jakee Epikureus, ni bëjukan nalon ni ka n jakee buts Estoikus, ci buts tsi pëtotëlar irim ni nul; a balon yeparul aja: “Natamb uñakan ni, wee na ŋal wun pëja?” Balon kë ja: “Anaam ne, aci naleents irim ngëcaay ngan meaatsa ngi.” Par, Pol aro ka leents Upetsan-uwar tsi uleka Yeesu, ni tsi uleka kanatsee-di-pëcäts.


A bi ba te bi Pol kë ñakan tsi uleka kanatsee bañaan di pëcäts, a balon ci tsi përiatul, maa balon kë ja: “Tsi uleka ko wan, wund kee cikëndënu ulon unu.”


Batsaar ni nji, man buara ind pa nda ruk ibats tsi uleka ba nja biki ba roon bu kë tsiji ngëkicës ni pëtsu bañaan ba yër, ba ja ba roon bu kë pok bëjukan bi nda jukana bi; nda lawani bukul,


Unk, na wini na nats aliinc, na rukan ibats pa na rits yër.


Maa nda roon bëtsaag, pa pëfacana ind përits tsu barafal ba yër tsi ujuban.


ni mdiangar ma ci mi ba këci a muu natsara pëcok ume Nasien-batsi; wund ka tsu ngëtsaag bañaan bëlieng ngan cikëndën Këristu, ngë niiranul.


Man do pe bacumal tsi ngëraan nji ni bañaan-ucaak nji pëmob tsi bëga Bajudeu, a nja doon ka yëkandar ngëndimaan basin nji mak.


Unk n ja buts, uwal wi ngë wam wi upäts, a ngë ro ka luekandar tsi pëfets bëro bañaan umundu;


maa bi nda me bink Nasien-batsi inkri, te aci Nasien-batsi me ind un, um bi nda witsa bun kak di bëro ban daf bi a ba ciind bëra n jal, a nda kaka ŋal pëci baluek bul?


Maa, uci nduu rumëlar a nduu yoorëlar tsi nda ci tsi, nda rukan ibats pa nda rits baalar.


bi nda ro bi ci uwal ujon, bi nda ro bi ka fets bëci umundu wi; bi nda ro bi ka fets pëyëlan nasien nan ci tsi ufuts; wul uwejats umënts wun ka leemp wun inkri tsi babuk karoots ko un jaka wi.


Maa ind, cits unk di nda juk run Këristu.


Ñaan tsë fal ind ni irim in kaats yi bëkat; par uleka ngëko ngëmënts ngi ka wun uriab Nasien-batsi kë baandë-ni babuk karoots ko un jaka wi.


Nda katan ibats tsi uleka ngëbuus! Nda katan ibats tsi uleka baro-ngëko-kawaraatsa! Nda katan ibats tsi uleka kawela-kambac kan cits ki kacär!


Ñaan nan ci tsi puu lílan tsi kawelan-been kan cits ki kacär, ni tsi puu jintëla ngëwaanju, ind tsë wëtul na lacan ind tsi pëkamandër bëluk. Ñaan pi namënts un, atsu ibats tsi ngëko buwinal; bëlipalul aci bi ñaan-najin, a u tsuul tsi mguukandër mjënts.


Uci bi nda cäts bunk ni Këristu, a u tsu ind a nda pën tsi ngëko umundu, we ka wun a nduu luekandar tsi përo ngi ngëtsua ja ngi, pi nda wama ci biki umundu,


Ngëmënts ngi bëlieng, aci pa ngëko ngi ka coka ngi, uba ngul pëleempënaa. Par ngul aciina tsi ngëtsua bañaan-bajin, ni tsi bëjukan bukul.


tsi ucär, ngëtsua pi ngëmënts ngun aja nga roon ngë naam aci kameko, undo ka tsu ñaan pëforsaar beenul përo ngi bëga, ni pëwelan-been pan cits pi pëcar, ni përean uliaful mak bërierul. Maa ngul kaats nin bëkat, aci këci tsi pësuetsan uliaf.


Wi, Timoteu! Gaangan uwar ko wi m tananaa wi, kuu rand ngëñakan karika-rispitaar Nasien-batsi, ni irim mantotëlër in ci yi kafal maa a i jaka aci ume;


A bajuats-ngëwaas ni bafal-bañaan, ngi bu kë ro ngi koo peelar pëci ngëjuatsal; bu kë fal bañaan, bu kë falaa buts.


Ind tsë wët ngëkoraar bëjukan ba meaatsa bi, bul pëpënand ind pëtsëp. Par awara u roon, bëtseend kë wël uwaas uyëlan; cits ngëre ka wël ngun, ngul kaats bëkat pa bamob tsi ngul.


Nda katan ibats, ind batsaar ni nji, pa nin nalon tsi ind tsë tsij koon këtsij uwaas ujuatsal, wi karika-wak, u tsuul pëpën tsi Nasien-batsi nayësal.


Nda mean u cits ngëko ngi kan coka ngi, pi uncaam, oo uwëru, ngi Nasien-batsi lukëna ngun pëbuer ind, tsi bëci ind ban katats bi, bi nda yank bi di basin ind;


Bi u ci bank, bamiñ ba ŋala biki, bi nda car bink ame ngëko ngëmënts ngi, nda rukan ibats; ind tsë wët bameets-ngëtsua, ba tsëpand ind di mtsopi bukul, a ndii yër tsi uwak ind wi nda natsëna wi.


Ind bërier ind, nda rukan ibats pa ind përits niaman ko wi wund ro wi tsi ind, maa pa ind pëyank bëluk ban kës bi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ