KOLOS 2:6 - KARÚK-PËRIM KAWALU Nouveau Testament

⁶ Bi u ci bank, bi nda niiran bink Këristu Yeesu, nul Ajug, nda moban unk tsi puu yandaar ni nul;

KOLOS 2:6 ပူးပေါင်းရင်းမြစ်များ

MATEU 10:40

A na welan indi, awelanin; a na welanini, awelan ka yëliin.

KAKÚRAN-KAWAR YEESU KRISTU BI JOŊ LEENŢ BI KUL AJA 13:20

Mán leents ind ucär: Na welani ñaan ni n yëli, awelanin; a na welanini, awelan na yëliini.”

KAKÚRAN-KAWAR YEESU KRISTU BI JOŊ LEENŢ BI KUL AJA 14:6

A Yeesu jaul: “Nji n ci-un bëga, ni ucär, ni ubiira; kaats ñaan ni kan bii tsi Asin nji, uci na biinatsi tsi nji.

1 KORINTU 1:30

Maa ind nda ci bayiicul tsi Këristu Yeesu, nul nan dukee ciir nja ka meko kan pënë-ni ki tsi Nasien-batsi, ni bëmabal, ni uyëman, ni kaluk-pëbuer.

2 KORINTU 5:7

Par nja ka yandaaraan tsi uwak, cits tsi uwinar.

GALAASIA 2:20

Nji man yafënts, maa katse ci nji ka n yafënts un, aci Këristu ka yafëntsun di nji; a ubiira wi n ciina wink inkri tsi uliaf, mán tsijëna wul tsi uwak wi n ka wi tsi Abuk Nasien-batsi, nul na ŋalini, a na wël beenul bërierul undo nji.

GALAASIA 3:26

Par ind bëlieng nda ci babuk Nasien-batsi, tsi undo uwak ind tsi Këristu Yeesu;

EFEESU 4:1

Wul ka wun, nji narica nan ci tsi Ajug, man buara ind nda ru kë yandaar uwar tsi karua ki nda ruuree ki,

FILIIPUS 1:27

Maa ko uloole rin, nda yandaari bi u ka bi pëci tsi Upetsan-uwar Këristu. Unk, uci ank n bi a n win ind, oo uci ank n cits a n te uleka ind, ka me nda ci tsi pëliincandër tsi kabof-uwejats uloole, a nduu bof ukam tsi uwaas uloole, pa uwak Upetsan-uwar.

KOLOS 1:10

Unk, nduu yandaar tsi ko u mab wi tsi Ajug, tsi puu ro ko u lílul wi ba këlíl; nduu ka bëkat tsi ko wi nduu ro wi ba këro, u wara wi, nduu ya këya bërun tsi ume Nasien-batsi.

KOLOS 3:17

Ko wi nduu ro wi ba këro, tsi irim oo tsi karo-ko, nda roan wul tsi katim Yeesu, Ajug; tsi nul nduu baran Nasien-batsi, Asin.

1 TESALONIKA 4:1

Pa pëtuamës, ind batsaar ni wund, wund ajukan ind bi nda ka bi puu yandaar pa Nasien-batsi pëlilandër ind. Te, unk di nda ci run tsi përo. Maa wund añaan ind këñaan a wund kë tseend ind ibats tsi Yeesu Ajug, nda moban tsi përo ank nda pean kak.

BAYEBËREU 3:14

Par ngë ruka ci ban bof biki ni Këristu, uci ngë mob ci uwak wë ngë wak wë tsi ujuundi aliincan, te tsi utuami,

1 JOŊ 2:6

Ñaan na njai amob tsi pëci di nul, aka pëyandaar bi Yeesu Këristu yandaar bi.

1 JOŊ 5:20

A ngë me Abuk Nasien-batsi bi, a na wël nja ume, pa n ja pëyëkëran Nacar nun. Nja ngë ci tsi Nacar nun, un ci wi, tsi Abukul, Yeesu Këristu. Namëntsi ci-un Nasien-batsi Nacar, ni ubiira un dits wi ka ba.

JÚDAS 1:3

Ind ba ŋala biki, man cësara mak pëpicari ind tsi uleka pëbuer nja pi ngë bofara pi. Man win ka pëpicari ind, pëliinc-liincan ind ngëwaas pa ind pëkamandër uwak wi bayëma wël a wi uyaas uloole, pa sandëndën.