KOLOS 2:2 - KARÚK-PËRIM KAWALU Nouveau Testament

² Unk bu ka liinc-liincana ngëwaas, bu ka ci baloole tsi bëŋal. Din tsi bëka ban ci bi ba këci, bu ka tsënkan pëcum ni bëlipal, pëme wi Nasien-batsi undoots wunk mea, un ci wi Këristu;

KOLOS 2:2 ပူးပေါင်းရင်းမြစ်များ

MATEU 11:25

Tsi uwal umënts wun, a Yeesu ja: “Man bëndanu, Paapa, Ajug batsi ni utsia. Par, m bek ngëko ngëmënts ngi, m lawan ngul bameko ni balipal, a m piban ngul upäts uties.

MATEU 11:27

Asin nji awëlin ngëko bëlieng. A ñaan meets Abuk, ucits ba Asin; a ñaan meets Asin, ucits ba Abuk, ni biki Abuk ŋal biki pëpiban bukul nul.

MATEU 13:11

A Yeesu yank bukul aja: “Par ind, nda wëla pëme ngi pësien batsi, ngandoots ngunk mea. Maa bukul, bu wëlaatsa pëme ngul.

LÚKAS 1:1

Teofilu, niints nawiak! Bañaan bacumal, ro ko wi ba yëlan wi përo, ba pican ko undola wi tsi pëncuaf wund.

KAKÚRAN-KAWAR YEESU KRISTU BI JOŊ LEENŢ BI KUL AJA 10:30

Nji ni Asin nji, wund aci baloole.”

KAKÚRAN-KAWAR YEESU KRISTU BI JOŊ LEENŢ BI KUL AJA 10:38

Maa uci n do ngul, ŋal bi nda wakats bi tsi nji, nda wakan tsi nga dola ngi, pa ind pëme, ndë yëkëran Asin nji ci di nji, a n ci di Asin nji.”

KAKÚRAN-KAWAR YEESU KRISTU BI JOŊ LEENŢ BI KUL AJA 16:15

Ko wi Asin nji ka wi ba këka, aci umiñ; wul ka wun n ja ind, wul ka jej tsi umiñ, u leents ind wul.

KAKÚRAN-KAWAR YEESU KRISTU BI JOŊ LEENŢ BI KUL AJA 17:3

A ubiira un dits wi ka ba, aci bukul pëmeu, wi rin Nasien-batsi nacär, ni Yeesu Këristu, nul ni m yëlii.

KAKÚRAN-KAWAR YEESU KRISTU BI JOŊ LEENŢ BI KUL AJA 5:17

A Yeesu ja bukul: “Asin nji aci tsi uleemp te inkri, nji buts man ci tsi uleemp.”

KAKÚRAN-KAWAR YEESU KRISTU BI JOŊ LEENŢ BI KUL AJA 5:23

pa bañaan bëlieng përëmban Abuk bi ba rëmban bi Asin.

KAKÚRAN-KAWAR YEESU KRISTU BI JOŊ LEENŢ BI KUL AJA 6:69

Wund awak a wund me u ci wi ci-un Nayëman, nan pënë-nii tsi Nasien-batsi.”

NGËRO 4:32

A kandënd bañaan ba uwak biki ci uwaas uloole ni uwejats uloole; njn ñaan di ka ja tsi ibatsul, ko ulon tsi bëkaul aci wiicul bërierul; maa bë bofara ngëko bëlieng.

ROOMA 15:13

Nasien-batsi uwats, na cumani ind ulílan un ci wi-ba këci, ni pëfac, tsi uwak; pa ind pëka uwats uwiak tsi pëyëlan Uwejats-ujënts.

ROOMA 16:25

Përëmb pa wëlaan nan ka unk pëyëlan pa pënatsan ind, bi n leents ind bi Upetsan-uwar, ni përim pi Yeesu Këristu leents pi, bi na piban bunk undoots wunk meaa, a u ro gaangaa ki ngëwal ngan par ngi;

ROOMA 2:4

Oo m be përëmb kawara-uwaasul, ni pi umiiraul, ni pi karo-ngëwarul; nin m yëkëranats kawara-uwaas Nasien-batsi ci pa pëtsuu kë yaar ibats-a?

1 KORINTU 14:31

Par ind bëlieng nda yëlan pëleents nga meaatsa ngi, naloole naloole, pa bañaan bëlieng pëjuk, bu ka liincana ngëwaas.

1 KORINTU 2:12

Wund, wund yankats uwejats umundu, maa wund yank Uwejats un pënë-ni wi di Nasien-batsi, pa wund pëme ngëko ngi Nasien-batsi wël wund ngi bëlukats.

GALAASIA 3:28

Unk, katse ka Najudeu nin nagërek; katse ka naluek nin nafacal; katse ka niints nin ŋaats; par ind bëlieng nda ci baloole tsi Këristu Yeesu.

EFEESU 1:7

tsi nul, tsi ngë lukaraana pëbuer, tsi pëñaakul, pa pëjampësaa ngëjuban; tsi undo përëmb bëtseendul,

EFEESU 3:16

pa tsi bëka përëmbul, Uwejatsul ka wël ñaan nametsu di ind, uyëlan ni pëyëlan.

EFEESU 3:3

par aci Nasien-batsi tsuin un pëme undoots wi mea, bi ndo bi picandar ind ba irim in kës yi ko.

EFEESU 6:22

Man yëli ind nul pa umënts wan, ni ind pëme bi wund ro bi, në juabutsan ind ngëwaas.

FILIIPUS 2:1

Bi u ci bank, uci kalon kaliinc-liincana ngëwaas tsi Këristu ci, uci kalon kajuabutsana-ngëwaas tsi bëŋal ci, uci kalon kambof tsi Uwejats-ujënts ci, a uci kalon kajuab-uwaas ni kayëk-ipës ci,

FILIIPUS 3:8

Tsi ucär, man tsu ngëko bëlieng pi kaniaman-ko, undo ko un pe wi pëwara, un ci wi pëme Këristu Yeesu, Ajug nji. Tsi undoul a n niaman ngëko bëlieng. Man tsu ngul pi ngëtsopal ngan gutsaa ngi. Unk ka ka Këristu,

KOLOS 1:26

Aci-un doots wunk mea a u bekaa aro ngëwal ni ngëraan, maa inkri, a u pibanaa bayiicul bayëman.

KOLOS 1:27

Bukul biki Nasien-batsi ŋal bukun ba me bëka ban ci bi ba këci, bi un doots wink mea, ni përëmb wul, tsi pëncuaf ban cits biki Bajudeu, un ci wi: Këristu tsi ind, ci-un uwats përëmb.

KOLOS 1:9

Wul ka wun, wund buts, ki unu wi wund te wi ko wan, wund wëtaants pëñaandar ind, ni pëyep nda roon ndë cum ni ume uŋalul tsi kameko kan ci ki ba këci, ni tsi bëlipal, ngul ngi Uwejats Nasien-batsi kë wël ngi.

KOLOS 2:19

Nul, awëtan puu mob tsi Been, bul ban tsijëna bi uliaf bëlieng a u mobular uwar tsi ngësúk ni tsi intaañ, a uu wiaka bi Nasien-batsi tsu bi wul puu wiaka.

KOLOS 3:14

A tsi ruets ngëmënts ngan bëlieng, nda tiemaan bëŋal, un ci wi, ko wi ka mobulan wi ngul bëlieng tsi pëba pëwara.

KOLOS 4:3

nduu ñaandar wund buts, pa Nasien-batsi pëwaants wund pëlëman, pëleents përim, pa puu leents wi Këristu undoots wunk mea; undo wul buts ka wun n dica.

KOLOS 4:8

Man yëliul tsi ind, pa ndë me ngi wund ciina ngi, në liinc-liincan ind ngëwaas.

1 TESALONIKA 1:5

Par, Upetsan-uwar wund, baandatsi tsi ind ni irim din, maa buts ni pëyëlan, ni Uwejats-ujënts, ni pëfiaar mak u ci-un ci wi. Nda me bi wund ro bi ci ja tsi pëncuaf ind, pa uwar ind.

1 TESALONIKA 3:2

A wund yëli Timoteu, nul natsaar ni njaa na ci naleemp ni Nasien-batsi tsi pëleents Upetsan-uwar Këristu. Wund ayëliul pa pëliincan ind, ni pëliinc-liincan ind ngëwaas tsi uwak ind,

1 TESALONIKA 5:14

A wund kë buara ind, ind batsaar ni wund, nda leentsari batsuunk-uleemp, nda liinc-liincani ngëwaas baraf-katsëb, nda tsënkan ban ci biki barafal, nda miiraan bañaan bëlieng.

1 TIMOTEU 3:16

Tsi ucär, undoots wunk mea, wi kalënk-Nasien-batsi, arëmb: Nan pibandarii ni uliaf, Uwejats apiban na ci namabal; ngëwaanju awinul; aleentsaa tsi ban cits biki Bajudeu; bañaan awak tsi nul di umundu; atsëpanda përëmb batsi.

BAYEBËREU 10:22

nda ju ngë wok Nasien-batsi ni uwaas un ci wi ucär, ni tsi kacum uwak, a ngëwaas jëntsana ume-kabats un tsij wi ko u waraatsa wi, a ngëliaf ñawaa ni mlik mjëntsal.

BAYEBËREU 6:11

Wund aŋal u roon, kara ñaan tsi ind, nuu piban kabaar-ibats kamënts kun te tsi utuami, pa pëtsu uwats ind u baar pëci ko un ci wi.

2 PER 1:10

Wul ka wun, batsaar ni nji, nda tambandari kara bëyaas tsi puu piban nda ci ban duee biki, a nda rataa; uci nda ro ank, nda katse ka yër yaas.

2 PER 1:3

Pëyëlan Nasien-batsi awël nja ngë ko bëlieng, ngi kan tsu nja ngi pëka ubiira ni puu lënk Nasien-batsi, ni pëtsu nja pëme uwar nan duuri nja unk përëmbul ni kawara-uwaasul.

2 PER 3:18

Maa nda wiakaan tsi bëtseend ni tsi ume Yeesu Këristu Ajug nja Nabueran. Nul na wëlaan përëmb inkri, pa sandëndën. Ameen!

1 JOŊ 3:19

Tsi ko wi, tsinja kë meena tsun ngë ci biki ucär: nja ka welan ngëwaas nja tsi bërun Nasien-batsi.

1 JOŊ 5:7

Par aka bawaants ba leents biki ko wi [di batsi: Asin, Përim, ni Uwejats ujënts. A bawaants bamënts biki ci baloole.