KOLOS 2:18 - KARÚK-PËRIM KAWALU Nouveau Testament

¹⁸ Ñaan nan ci tsi puu lílan tsi kawelan-been kan cits ki kacär, ni tsi puu jintëla ngëwaanju, ind tsë wëtul na lacan ind tsi pëkamandër bëluk. Ñaan pi namënts un, atsu ibats tsi ngëko buwinal; bëlipalul aci bi ñaan-najin, a u tsuul tsi mguukandër mjënts.

KOLOS 2:18 ပူးပေါင်းရင်းမြစ်များ

MATEU 24:24

Par barata bafälar, ni bayëlia bafälar, bu ka natsa, bu kë ro ngëpibanaani ngëwiak, ni ngëko ngan pikran ngi, pa puu fälëna bañaan, te ŋal ban data biki, uci ba yil bëro.

ROOMA 1:25

Bukul, bu tsëtsëlan ucär Nasien-batsi ni butsup, a bu kë jintëla nga leempa ngi këleempa, bu kë leempar ngul, tsi pëjaa bu rëmban na leempi ngul, nul na n jaaree ngëwar pa sandëndën. Ameen!

ROOMA 16:18

par bamënts biki cits tsi pëleempar Këristu Ajug nja maa bë ci tsi pëleempar ipës bukul; a ni irim ilílal ni kafal, bu kë niaman ban kaats biki ko ni ñaan.

1 KORINTU 13:4

Bëŋal aci umiira, aci uwar. Bëŋal di ka koc, di ka píc, di ka rëmbandar,

1 KORINTU 3:3

par nda wama ci pi bañaan umundu. Bi nda wama bink a tsij mankocëlar ni pëŋom tsi pëncuaf ind, pibanats nda wama ci pi bañaan umundu, a nduu yandaar pi bañaan-bajin kë yandaar pi-a?

1 KORINTU 4:18

Balon tsi ind bë ci tsi mguukandar, ba ja ne in di ka n bi pëwin ind.

1 KORINTU 4:6

Batsaar ni nji, pa pëtsu ind pëme ngëko ngi uwar, a n pibanaan ngul tsi nji bërierin ni Apolos, pa undo ind pëme uwar ko un picana wi, aja: “Cats paran ko un picana wi;” pa ñaan tsë riang ñaan, në welan nacints.

1 KORINTU 8:1

Tsi uleka ngëko nga n jakana ngi tsi icap, ngë me ne n ja bëlieng ngë ci bajug-ume. Ume ka tsiji kariang-been, maa bëŋal ka natsan bun.

1 KORINTU 9:24

Nda meets biki kan túk biki di unkampu ja ba roon bu kë túk bëlieng, maa naloole rin ka yank un bëluk a? Nda túkan bi u ka bi pëtukaa pa pëtsënkan bul.

2 KORINTU 11:3

Maa, man lënkar ngëwejats ind përits coka, ndë pën ka lawan kafac-uwaas kan ci ki tsi Këristu; bi uko-pëtsats fal bunk Eewa ni maniamëlan.

2 KORINTU 12:20

Maa ko wi lënk wi, nji përits tsënk ind bi n ŋal bi, ubaandi nji; a ind buts pëwinin, tsi ko un pats wi ni wi nda ŋal wi. Ko wan ka tsiji pëŋom tsi pëncuaf ind, mankocar, uriab, mankicësar, ka jaar bañaan ngëwutsëtsuel, mankuetar, manguukandër, kangusëlar.

EFEESU 4:17

Wul ka wun, ko wi, wi n du n ja wun, a ndu n leents wul tsi Ajug: Ind tsë kaka yandaar bi ban cits bukunk Bajudeu kë yandaar bunk tsi ngëwejats bukul bërier bukul ngan kaats ngi bëkat.

EFEESU 5:6

Ñaan tsë fal ind ni irim in kaats yi bëkat; par uleka ngëko ngëmënts ngi ka wun uriab Nasien-batsi kë baandë-ni babuk karoots ko un jaka wi.

FILIIPUS 3:14

Koo n tukar pëband pii yank bëluk bi Nasien-batsi ruurin bi di batsi, tsi Këristu Yeesu.

KOLOS 2:23

tsi ucär, ngëtsua pi ngëmënts ngun aja nga roon ngë naam aci kameko, undo ka tsu ñaan pëforsaar beenul përo ngi bëga, ni pëwelan-been pan cits pi pëcar, ni përean uliaful mak bërierul. Maa ngul kaats nin bëkat, aci këci tsi pësuetsan uliaf.

KOLOS 2:4

Ma n ja ko wan, pa ñaan tsë fal ind ni irim ilílal.

KOLOS 2:8

Nda katan ibats pa ñaan tsë mob ind tsi pëgungan bëŋal-kameko, bul ban ci bi manfalar mjënts, ban pënë-ni bi tsi undimaan bañaan-bajin ni tsi ngëko umundu, maa pënënatsi tsi Këristu.

1 TIMOTEU 1:7

Bë ŋal pëci bajukan-ulua Nasien-batsi, maa bë meets ko wi ba ci wi tsi puu ja, ni irim i ba mob yi liincan.

1 TIMOTEU 4:1

Uwejats aja ko un jënts wi; ko wi u ja wi ci wun wi: Tsi ngëwal ngëtuami, balon ka wëtan uwak, bu ka mob tsi ngëwejats kafal ni bëjukan ngëcaay;

2 PER 2:14

Këkës bukul acum ni mjubi, a bu ri ka paaraar ujuban, bu kë fal ba liincats bukun tsi uwak, a ngëwaas bukul mob tsikariisan-ko; bë ci upäts bëjuats.

1 JOŊ 2:26

Man picari ind ngëko ngi, uleka ba n ja bukunk ba roon bu ka ŋal puu fal ind.

UPIBAN 12:9

A Uncababaan uwiak umënts wun watee, wul uko-pëtsats ujon, wi kanjaka wunk Ujabël ni Useetaani, unja wunk u roon uu raac bañaan umundu bëlieng tsi kafal. Awatee tsi utsia, wul ni ngëwaanju wul.

UPIBAN 13:14

A uu fal ban ciina biki utsia; koo falëna bukul ngëpibanaani ngi u wëla ngi përo tsi bërun un jar ucak wun. Wul aja ban ciina biki tsi utsia, ba roon bu ka leemp bënaam un jar u lupana wunk ni ulaac, a uu yafënts.

UPIBAN 13:8

Ban ciina biki bëlieng umundu, bu ka jintëla un jar umënts wun, bukul biki itim bukul picanaatsa yi, ki umundu juund ki, di ulibëru ubiira, wi Ubuk-unkaanel un jakana wi.

UPIBAN 19:10

A n yër tsi iyots wul pa pëjintëla wul, maa a u jain: “Teenan-e, cats ro! Man ci acintsu naleemp, a n ciind acints ban tsaar biki ni wi, ba mob biki tsi ngi Yeesu. Jintëlaan Nasien-batsi; par pëmob tsi ngi Yeesu, ci wun uwejats pëleents u meaatsa wi.”

UPIBAN 3:11

Mán baandi tsi ko un car wi. Moban liincan ko wi m ka wi, pa ñaan tsë yankënu ucapeu wi pësien.