KOLOS 2:11 - KARÚK-PËRIM KAWALU Nouveau Testament

¹¹ tsi nul, nda welana kambac ki iñan ñaan welanats ki, ki kan pënan ki bëci uliaf uyamats, kambac ki Këristu welan ki;

KOLOS 2:11 ပူးပေါင်းရင်းမြစ်များ

MARKU 14:58

“Wund ate na ja: ‘Nji, mán gar kato-kayëman ki kañan ñaan-najin leemp kink; tsi ngënu ngëwaants ka niew kalon ki kañan ñaan-najin leempats ki.’”

LÚKAS 2:21

Bi u band bi unu uwasantsan, pa napäts pëwelana kambac, na tsua katim, Yeesu. Aci katim ki uwaanju tsuul ki, bi aninul netse bi seempaul.

NGËRO 17:24

Nasien-batsi na leempi umundu ni ngëko ngan ci ngi tsi wul, ci-un Ajug batsi ni utsia; a nul ri ka ciina kato ki iñan ñaan-najin leemp ki,

NGËRO 7:48

Maa, Kanpe pëci di ruets di ka ciina ito i leempëna yi ni iñan bañaan-bajin. Bi nayëlia Batsi ja bi:

ROOMA 2:29

maa Najudeu, aci nan ci-unk Najudeu di bametsuul, a kawela-kambac ci ki uwaas, kan pënë-ni ki tsi Uwejats; cits tsi bëpic. Namënts nun, cits bañaan-bajin ka rëmbanul bukun maa aci Nasien-batsi.

ROOMA 6:6

A ko wi, wi ngë ka wun pëme: Bëci nja bëjon arieŋa di kruus ni Këristu, pa uliaf ujuban pëcoka, unk ngë katse ka ci baluek ujuban;

ROOMA 7:24

Ko wi n ci wi ñaan-najin nan juatsani! Yën ka pënanin un tsi uliaf pëcäts wi?

2 KORINTU 5:1

Inkri, nja ngë me uci kato ki ngë ciina kink tsi utsia tsi, un ci wi unkundan wi, ka coka, nja ngë ka kato tsi Nasien-batsi; kato ka leempënaatsa ki iñan, kul kan dits ki ka coka, di batsi.

2 KORINTU 5:17

Unk, uci ñaan ci tsi Këristu, nul aci ñaan nawalu; ngëjon apar, a ngëwalu ruka ngink aci.

GALAASIA 2:20

Nji man yafënts, maa katse ci nji ka n yafënts un, aci Këristu ka yafëntsun di nji; a ubiira wi n ciina wink inkri tsi uliaf, mán tsijëna wul tsi uwak wi n ka wi tsi Abuk Nasien-batsi, nul na ŋalini, a na wël beenul bërierul undo nji.

GALAASIA 5:24

Bañaan ban ci biki biki Këristu Yeesu, bu rieŋ ngëliaf bukul di kruus ni uŋal ngul, ni ngi u rí ngi.

EFEESU 4:22

bi nda ka bi pëwëtan ñaan najon tsi bëci ind ban par bi, bi kan cok bi tsi karí-ko manfalar.

FILIIPUS 3:3

Par kawela-kambac, acnja, nja ban ja biki ngë roon, nja kë jintëlaana Nasien-batsi tsi Uwejats-ujënts, a nja kë pícëna tsi Këristu Yeesu, a ngë fiaarats ngëko uliaf.

KOLOS 3:5

Bi u ci bank, ngiic ind ngi umundu, nda tsuun ngul nga cäts, un ci wi: katúk-ufuts, bëtsopal, karí-ko kan pelëk ki, uŋal u waraatsa wi, nikariisan-ko, kul kan ci ki kajintëla-icap.

BAYEBËREU 9:11

Uwal wi Këristu bi wi pi nan pei pëci nawiak-bajakan tsi uleka ngëko ngëwar ngan ka ngi pëbaandi, apar-na unkundan un pe wi pëci uwiak, a u peand pëba pëci uwar, a te kañan ñaan-najin leempats wul; un ci wi, wul cits wi umundu u leempa wink.

BAYEBËREU 9:24

Par, Këristu niajats tsëko-tsëyëman tsan ci tsi uleemp kañan ñaan-najin, tsan ci tsi këci-unaamanaani tsëcar tsun. Maa aci koon batsi bi na niaj bun, pa në natsar nja inkri tsi bërun Nasien-batsi.