KOLOS 2:1 - KARÚK-PËRIM KAWALU Nouveau Testament

¹ Man ŋal ind pëme ukam uwiak wi n ci wi tsi pëkamandër ind, ni ban ci biki di Laodiseeya, ni bañaan bëlieng ba winats biki urostu nji tsi uyamats.

KOLOS 2:1 ပူးပေါင်းရင်းမြစ်များ

LÚKAS 22:44

Bi na juatsan bi, na ru pe këpe pëmob tsi bëñaan; mcíbiul witsësa ci pi ngëjopat pëñaak ka tolar ngun utsia.]

NGËRO 20:25

Tsi inkri, man me ne ind biki yaana biki bëlieng, a n dë leents uleka pësien Nasien-batsi, nda katse ka win urostu nji.

NGËRO 20:38

Ko un tsu wi bukul a ba juatsan, aci përim pi na ja pi bukul, bë katse ka win urostuul. A ba ñuatsanul te di bëntsian.

GALAASIA 4:19

Upäts nji, ind biki ci biki tsi pëmiirara urear uliaf-kabuk kak, te Këristu tsënkëna ka leempa di ind.

FILIIPUS 1:30

Nduu kaman ukam uloole wun, wi nda win wunk n kaman, a inkri a nda te n wama n ci tsi pëkama wul.

KOLOS 1:24

Inkri, man lílan tsi ngënoor ngi par-na ngi tsi undo ind. A ngan duka ngi tsi ngënoor Këristu, mán tuam ngul tsi uyamats nji, undo uliaful, un ci wi Ngëriisia.

KOLOS 1:29

Wul ka wun n ci tsi uleemp uñatsal, a ndu n kamanaan uyëlan Këristu, wi ka leemp wi ni pëyëlan tsi nji.

KOLOS 2:5

Par, ŋal bi n winaatsa bi tsi uliaf, maa tsi uwejats, man ci ni ind, a n lílan tsi pëwin bëci ind ci bëwar, a nda liincand uwak tsi Këristu.

1 TESALONIKA 2:2

Wund aro ci tsi unoor a wund tsijaa pëtsija pa waraatsa pi di Filiipus, bi nda me bunk. Maa ŋal bi ukam ci bi uwiak, wund aliincan ngëwaas tsi Nasien-batsi wund, pëleents ind Upetsan-uwar Nasien-batsi.

BAYEBËREU 5:7

Nul Yeesu, uwal wi na wam wunk tsi umundu wi, a uja ni mliandar, ni mŋand, nuu ñaan, nuu rugar na yëlan unk pëbueranul tsi pëcäts. A na niiranaa, undo alënk Nasien-batsi.

1 PER 1:8

Nul ni nda winatsi, maa nda ŋalul; ni nda winatsi inkri, maa nda wak tsi nul. Nda jucan ni ulílan u yëlaatsa wi bëleents, ni përëmb,

UPIBAN 1:11

aja: “Ko wi kë win wi, picani wul di ulon ulibëru, kë wëtan wul pa iriisia paaj yun ni ngëlon: Pa Efeesu, pa Sëmirna, pa Peergamu, pa Tiatiira, pa Sardis, pa Filadeelëfia, ni pa Laodiseeya.”