KOLOS 1:9 - KARÚK-PËRIM KAWALU Nouveau Testament

⁹ Wul ka wun, wund buts, ki unu wi wund te wi ko wan, wund wëtaants pëñaandar ind, ni pëyep nda roon ndë cum ni ume uŋalul tsi kameko kan ci ki ba këci, ni tsi bëlipal, ngul ngi Uwejats Nasien-batsi kë wël ngi.

KOLOS 1:9 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 7:17

Uci ñaan ŋal përo uŋal Nasien-batsi, në me ne bëjukan bi apënë-ni tsi Nasien-batsi, oo ne mán ñakan uleka nji bërierin.

NGËRO 12:5

Unk a Per ríca di ukalabus, maa, bañaan Ngëriisia wëtanats pëtambandar pëñaan Nasien-batsi pa nul.

ROOMA 12:2

Ind tsë ro bi bañaan umundu wi kë ro bi, maa, nda wëtan uwejats uwalu un ci wi di ind, u butan ind bëci; unk, ndë yëkëran un ci wi uŋal Nasien-batsi, wël u wara wi, a u líl, a u kës.

1 KORINTU 1:5

Par tsi nul, a ngë rëmbana tsi ngëko bëlieng; tsi irim in ci ba këci, ni tsi ume un ci wi-ba këci.

EFEESU 1:8

bi Nasien-batsi cuman bi tsi nja ni kameko kan ci ki ba këci ni bëlipal.

EFEESU 5:10

Nda yëkërani ko u líl wi Ajug;

EFEESU 5:17

Wul ka wun, ind tsë ci bafuur; maa nda yëkërani ko wi Ajug ŋal wi.

EFEESU 6:6

Ind tsë ro ank tsi këkës bañaan-bajin din, pa bukul pëlilandër ind; maa nda ciin pi baluek Këristu, ndë mob tsi përo uŋal Nasien-batsi ni ngëwaas ind bëlieng.

FILIIPUS 1:4

Tsi ngëwal bëlieng, aja kara buñaan bi ndu n ñaandar ind bi ind bëlieng, ka ñaan ni ulílan,

KOLOS 1:6

un baandi wi tsi ind. A bi u buk bunk a uu ya këya bërun tsi umundu bëlieng, unk di u ci run tsi përo tsi pëncuaf ind, ki unu wi nda te wunk uleka bëtseend Nasien-batsi a nda me bul tsi ucär.

KOLOS 3:16

Përim Këristu, ni bëka pul bëlieng, pa ciin tsi ind. Ni kameko bëlieng, nda ciin tsi puu jukan, ni tsi puu tseendar ibats. tsi ngëwaas ind, nda yaan Nasien-batsi iya ubëndan, ni iya-ubaran, ni iya tsi Uwejats-ujënts.

KOLOS 4:12

Epafëras, nul nan pënë-nii tsi ind, naleempar Këristu Yeesu, aleeni ind. tsi ngëwal bëlieng, aci tsi pëkamandër ind tsi bëñaan, pa ndë liincandar, ndë jëŋ, nduu ro ko wi Nasien-batsi ŋal wi ba këŋal.

KOLOS 4:5

Nda yandaari ni kameko, tsi bëci ind ni bañaan utsand. Nda jalaan tsi uwal un ci wi-ba këci.

1 TESALONIKA 1:3

Wund wëtaants puu les ngi uwak ind piban ngi, ni ngi bëŋal ind ro ngi, ni umiira uwats ind tsi Ajug nja Yeesu Këristu, ni tsi bërun Nasien-batsi nja Asin.

1 TESALONIKA 5:17

Nda ñaanan, ind tsë wëtan.

2 TESALONIKA 1:11

Wul ka wun buts, wund ci tsi pëñaandar ind tsi ngëwal bëlieng. Unk Nasien-batsinjaka tsu ind ndë wina nda tsënkan pëbof tsi karuaul, ni tsi pëyëlanul në ba përo uwar wi nda ŋal wi ba këŋal, ni ko wi uwak ind kë ro wi.

FILEMON 1:4

Ma n ja n doon koo baran Nasien-batsi nji, tsi ngëwal bëlieng, bi n du n lesu bi tsi bëñaan nji.

FILEMON 1:6

Unk, kambofu tsi uwaku, ka ciin kan ka ki pëyëlan, tsi pëme uwar ko u wara wi-ba këwara, wi ngë ka wi tsi Këristu.

BAYEBËREU 10:36

Nda fier pëtambandar, pa uwal wi nda ro wi uŋal Nasien-batsi, ndë yank ko u watsana wunk.

BAYEBËREU 13:21

Na yecis ind tsi ko u wara wi-ba këwara, ndë yëlan përo uŋalul. Nuu ro tsi ngëbiira nja ko wi nuu lílandër wi. Yeesu Këristu ka ro un ko wan; përëmb pa ciin pa nul, pa sandëndën. Ameen!

JAKOB 1:5

Uci nalon tsi ind kaats kameko, na yepan kul Nasien-batsi, nul na njai na roon nuu wël unk bañaan bëlieng, te di ka leentsar ñaan. Na yepul kul, në wëlaa.

JAKOB 3:17

Maa, kameko kan pënë-ni ki batsi, acakësaan pëci kajëntsal, a ka ru ci kan tsiji ki pëfac, ni kajuab-uwaas, ni manteelar, ni pëcum ni kayëk-ipës, ni ngëwar ngan dola ngi; kul di ka kicës bañaan, kaats kanguungu.

1 PER 2:15

Par uŋal Nasien-batsi, aci uwal wi ndu ro wi uwar, ndë tsu bafuur ba yëŋandar tsi kameets-ko bukul.

1 PER 4:2

Unk tsi ngënu ngi nda rukanda ngi pëka tsi uliaf, nda katse ka ci tsi karí-ko ñaan-najin, maa tsi uŋal Nasien-batsi.

1 JOŊ 2:17

Te umundu ka par bëlieng ni karí-ko wul; maa ñaan nan ci tsi përo uŋal Nasien-batsi, ka mob tsi pëci pa sandëndën.

1 JOŊ 5:20

A ngë me Abuk Nasien-batsi bi, a na wël nja ume, pa n ja pëyëkëran Nacar nun. Nja ngë ci tsi Nacar nun, un ci wi, tsi Abukul, Yeesu Këristu. Namëntsi ci-un Nasien-batsi Nacar, ni ubiira un dits wi ka ba.