KOLOS 1:6 - KARÚK-PËRIM KAWALU Nouveau Testament

⁶ un baandi wi tsi ind. A bi u buk bunk a uu ya këya bërun tsi umundu bëlieng, unk di u ci run tsi përo tsi pëncuaf ind, ki unu wi nda te wunk uleka bëtseend Nasien-batsi a nda me bul tsi ucär.

KOLOS 1:6 ပူးပေါင်းရင်းမြစ်များ

MATEU 24:14

Upetsan-uwar pësien Nasien-batsi wi, ka leentsa di umundu bëlieng, pa pëci upibanaani pa ban cits biki Bajudeu bëlieng. Din, utuami ka baandi.

MATEU 28:19

Bi u ci bank, nda tsëpan, ndë tsu bañaan ban cits biki Bajudeu bëlieng pëci bafetsin; nda mijani bukul di katim Asin, ki Abuk, ni ki Uwejats-ujënts;

MARKU 16:15

A na ja bukul: “Nda tsëpan tsi umundu bëlieng, nda leentsan bañaan bëlieng Upetsan-uwar.

MARKU 4:8

A ulon yër tsi tsëko mgiji, a u natsa wiaka, a u buk mbuk; pëlon buk këbuk ngëntaaja ngëwaants, a pëlon buk ngëntaaja paaj, a pëlon buk useent.”

KAKÚRAN-KAWAR YEESU KRISTU BI JOŊ LEENŢ BI KUL AJA 15:16

Cits ind ratin bukun; maa man dat ind, a n tsu ind nda tsëp, ndë tsij mbuk, mbuk ind kë cirin. Pa ko wi nda yep wi ba këyep Asin tsi katim nji, në wël ind wul.

KAKÚRAN-KAWAR YEESU KRISTU BI JOŊ LEENŢ BI KUL AJA 17:19

Mán patsandar bërierin, undo bukul, pa bu ka ci buts ban patsanaana biki ucär.

KAKÚRAN-KAWAR YEESU KRISTU BI JOŊ LEENŢ BI KUL AJA 4:23

Maa uler ka band, aci inkri, wi bajintëla bacar kë jintëla wi Asin ni uwejats, ni ucär. Par bajintëla pi bamënts bëkun, ci bëkun biki Asin kë tsas biki.

NGËRO 11:18

Bi ba te bi ko wan, a ba tsëkandar, bu kë rëmban Nasien-batsi koo ja: “Tsi ucär, Nasien-batsi awël ban cits biki Bajudeu kayaar-ibats, pa ba ka ubiira.”

NGËRO 12:24

A tsi uwal umënts wun, përim Nasien-batsi ru pe këpe pëwiaka ni pëlaar.

NGËRO 16:14

a u ka nalon ŋaats, ka jaka Liidia; aci najúla iseenda ijankal caw, apënë-ni përaasa Tiatiira; aci na lënki Nasien-batsi. Aci tsi pëcikëndën wund, a Ajug waantsul uwaas pa pëcikëndën uwar ngi Pol ci ngi tsi pëja.

NGËRO 26:18

kë waants bukul këkës, kë pënani bukul di karëm, pa ba bi tsi ufac; kë pënani bukul di pëyëlan Useetaani pa ba bi tsi Nasien-batsi, bu ka jampësaa ngëjuban, bu ka yank kafa bërukanda tsi ban patsanaana biki uwak tsi nji.’

ROOMA 1:13

Batsaar ni nji, in ŋalats ind pëmeets ne, ngëyaas ngëcumal ngi n yecis ngi pëbi di ind, pii ka buts këlon këbuk tsi ind, bi n ka bi buts tsi ban cits biki Bajudeu; maa te inkri a n laaŋa.

ROOMA 15:19

tsi pëyëlan ngëpibanaani ni ngëko ngan pikra n ngi undo pëyëlan Uwejats Nasien-batsi; unk, a n leents Upetsan-uwar Këristu a n jëkëlan, pëpën tsi Jerusalem ni ngëcaak ngan fay ngi dul, te di Iliriku.

ROOMA 15:28

Maa uwal wi n ba wi pëwël bukul bëtseend bëmënts bi, ka pën pëtsëp Españ, ka pari di ind.

ROOMA 16:26

maa inkri, a u pibanaa, a bañaan bëlieng me wul, undo Bëpican bayëlia, bi Nasien-batsi narika-ba tsu bi, pa ban cits biki Bajudeu bëlieng pëniiran përimul, undo uwak.

2 KORINTU 10:14

Par wund par-paranats iniibi wund, pi wund baandatsi te di ind, maa wund acakës abaandi bërun te di ind ni Upetsan-uwar Këristu.

2 KORINTU 6:1

A wund biki ka leemp biki ni Nasien-batsi, wund abuara ind, ind tsë tienkëtsan bëtseend bi nda yank bi di Nasien-batsi.

EFEESU 3:2

uci nda te pëlesar bëtseend Nasien-batsi bi na wëlin bi pa pëleemp tsi ind,

EFEESU 4:21

Nda te ulekaul tsi ucär, a nda jukana tsi nul ucär un ci wi tsi Yeesu;

EFEESU 4:23

Nda ka pëkak bëci buwalu tsi Uwejats, tsi bëtsaag ind

EFEESU 5:9

par ko wi ufac kë buk wi aci karo-uwar kan ci ki ba këci, ni bëmabal ban ci bi ba këci, ni ucär un ciwi-ba këci.

FILIIPUS 1:11

Unk ndë cum ni ko wi bëmabal kë buk wi, wi kan pënë-ni wi tsi Yeesu Këristu, pa përëmb Nasien-batsi ni ubëndanul.

FILIIPUS 4:17

Nji n cits këci tsi pëtsas n tseenda ko, maa mán tsas këtsas bëkat bi ka watsës bi bëka ind.

KOLOS 1:10

Unk, nduu yandaar tsi ko u mab wi tsi Ajug, tsi puu ro ko u lílul wi ba këlíl; nduu ka bëkat tsi ko wi nduu ro wi ba këro, u wara wi, nduu ya këya bërun tsi ume Nasien-batsi.

KOLOS 1:23

Maa nda ka nda roon ndë liincandar tsi uwak, ndë ci tsi ujuundi ndë liincand; pa përits pënanaa tsi uwats Upetsan-uwar wi nda te wi, wul u leentsaa wi ajëk bañaan umundu bëlieng tsi utsia batsi, a wul wi n duka wun n ci naleempar, nji Pol.

1 TESALONIKA 1:5

Par, Upetsan-uwar wund, baandatsi tsi ind ni irim din, maa buts ni pëyëlan, ni Uwejats-ujënts, ni pëfiaar mak u ci-un ci wi. Nda me bi wund ro bi ci ja tsi pëncuaf ind, pa uwar ind.

1 TESALONIKA 2:13

A wul ka wun buts wund wëtaants puu baran Nasien-batsi; par uwal wi nda yank wunk përim Nasien-batsi, pul pi nda te pi wund leents ind, nda niiran pul bi pa baaraan bi pëci. Cits pëjaa aci përim bañaan-bajin, maa aci përim Nasien-batsi, a puu leemp uleemp tsi ind ba uwak biki.

2 TESALONIKA 2:13

Batsaar ni wund, ind biki Ajug ŋal biki, wund aka pëbaran Nasien-batsi tsi uleka ind, tsi ngëwal bëlieng. Par ki ujuundi, Nasien-batsi aratar ind pëbuer. Nul aparanaan ko wan tsi Uwejats wi ka yëman wi, ni tsi pëwak tsi ucär.

1 PER 5:12

Aci Silwaanu, nul natsaar ni ind na mobi tsi uwak, ni fiaari, nul tsënkin un a n picandëri ind uletar uties wi, pa pëliinc-liincan ind ngëwaas, ni pëleents ind u ci tsi bëtseend Nasien-batsi bëcär, bi nda ciina bun.