KOLOS 1:5 - KARÚK-PËRIM KAWALU Nouveau Testament

⁵ Uwak umënts wun, ni bëŋal bëmënts bun apënë-ni tsi uwats un gaanga wi pa ind di batsi. Nda te ba uleka uwats umënts wun tsi përim ucär; pul ci pun Upetsan-uwar

KOLOS 1:5 ပူးပေါင်းရင်းမြစ်များ

LÚKAS 12:33

Nda waapan ngëko ngi nda ka ngi, ndë tseend baranj. Nda yecis ngënkuañ ind ngan dits ngi ka lúŋ, un ci wi bëka ban dits bi ka ba di batsi. Nakiej di ka band rul, nin ngëbob di ka cok.

NGËRO 10:36

Awëtani përimul pa babuk Israel, pa pëleents bukul Upetsan-uwar pëfac tsi Yeesu Këristu. Namëntsi ci-un Ajug bañaan bëlieng.

NGËRO 13:26

Batsaar ni nji, ind pëbuka Abraam, ni ban ci biki tsi pëncuaf ind ba lënk biki Nasien-batsi, ja wëlee bukun përim pëbuër pi.

NGËRO 23:6

Tsi Bëjúk bawat-pëleents bawiak, Pol ame kalon kajara aci ki Basaduseu, a kacints ci ki Bafariseu, a na kat përim aja: “Batsaar ni nji bayënts, nji man ci Nafariseu, abuk Nafariseu. Undo bi n wats bi tsi kanatsee-di-pëcäts, wul ka wun n du wata pëleents.”

NGËRO 24:15

Man ka uwats tsi Nasien-batsi, pi bamënts biki buts, un ci wi, kanatsee-di-pëcäts aci pa bamabal ni bamabats.

ROOMA 10:8

Maa we wi na ja wun? Aja: “Përim aci tsi kawoku, di mtumu, ni di uwaasu” pëmënts pi aci, përim uwak pi wund ci pi tsi pëleents.

1 KORINTU 13:13

Par inkri ngëko ngëwaants ngi ruka ngun: uwak, uwats, ni bëŋal; maa un pe wi pëci uwiak tsi ngul, aci bëŋal.

1 KORINTU 15:19

Uci uwats nja tsi Këristu tsañ tsi ubiira wi rin, ngë ci ban pe biki pëjampësan tsi bañaan bëlieng.

2 KORINTU 5:19

Par Nasien-batsi ci tsi Këristu, a nuu kakan bañaan umundu ba teelar ni nul bërierul; a teenats ngëjuban bukul, maa na wël nja përim pëtsu bañaan ba kak ba teelar.

2 KORINTU 6:7

ni tsi përim ucär, ni tsi pëyëlan Nasien-batsi, ni tsi wund pëtsij ikamanaani tsi bëmabal, puu jotëna ukam ni puu waayaraan;

GALAASIA 2:14

Maa, bi win bi ngi bu kë ro ngi mabats tsi ucär un ci wi tsi Upetsan-uwar, a nja Seefas tsi pëncuaf bañaan bëlieng: “Uci m ci Najudeu a kë yandaar pi ban cits biki Bajudeu, a m yandaarats pi Najudeu, we ka wun a kë tsu ban cits biki Bajudeu, puu yandaar pi Bajudeu?”

GALAASIA 2:5

A wund niiranats bukul ko wan, ŋal uwal uloole, unk pa ucär Upetsan-uwar pëci tsi pëncuaf ind.

GALAASIA 5:5

Par wund, tsi Uwejats Nasien-batsi, undo uwak, wund aci tsi pëlip uwats bëmabal.

EFEESU 1:13

tsi nul, ind buts, uwal wi nda te wi përim ucär, un ci wi Upetsan-uwar pëbuer ind, a nda wak tsi Këristu, nda tsua umarëka Uwejats-ujënts u watsana wi,

EFEESU 4:21

Nda te ulekaul tsi ucär, a nda jukana tsi nul ucär un ci wi tsi Yeesu;

KOLOS 1:23

Maa nda ka nda roon ndë liincandar tsi uwak, ndë ci tsi ujuundi ndë liincand; pa përits pënanaa tsi uwats Upetsan-uwar wi nda te wi, wul u leentsaa wi ajëk bañaan umundu bëlieng tsi utsia batsi, a wul wi n duka wun n ci naleempar, nji Pol.

KOLOS 1:27

Bukul biki Nasien-batsi ŋal bukun ba me bëka ban ci bi ba këci, bi un doots wink mea, ni përëmb wul, tsi pëncuaf ban cits biki Bajudeu, un ci wi: Këristu tsi ind, ci-un uwats përëmb.

KOLOS 3:16

Përim Këristu, ni bëka pul bëlieng, pa ciin tsi ind. Ni kameko bëlieng, nda ciin tsi puu jukan, ni tsi puu tseendar ibats. tsi ngëwaas ind, nda yaan Nasien-batsi iya ubëndan, ni iya-ubaran, ni iya tsi Uwejats-ujënts.

1 TESALONIKA 2:13

A wul ka wun buts wund wëtaants puu baran Nasien-batsi; par uwal wi nda yank wunk përim Nasien-batsi, pul pi nda te pi wund leents ind, nda niiran pul bi pa baaraan bi pëci. Cits pëjaa aci përim bañaan-bajin, maa aci përim Nasien-batsi, a puu leemp uleemp tsi ind ba uwak biki.

2 TESALONIKA 2:16

Ajug nja Yeesu Këristu bërierul, ni Asin nja Nasien-batsi, nul na ŋalnjai, a tsi bëtseend a na wël nja ka liinc-liincana ngëwaas kan dits ki ka ba, a na wëland nja uwats u wara wi.

1 TIMOTEU 1:15

Përim pi, aci pan waka pi, a pa ciind pi ka niirana pi pul bëlieng; iink di pa ja run: Këristu Yeesu abi tsi umundu pa pëbueran bajuban, a te nji n pe un pëci najuban.

2 TIMOTEU 4:8

Inkri, ucape-pësien wi bëmabal ayecisa pa nji, un ci wi, uluumpan undo ubiira ujëntsal: Ajug, nul nan ci nawat-pëleents namabal, ka wëlin wul tsi Unu umënts wan. A te cits nji rin ka wëla un, maa ba ŋal biki a bu kë lip ubaandariul, bukul bëlieng bu ka wëla wul.

TIITU 1:2

aci uwak ni ume, ngan ciina ngi tsi uwats ubiira un dits wi ka ba, wi Nasien-batsi kandi-katsup watsan wi bañaan, te ngëwal netse ro ci.

BAYEBËREU 7:19

— par ulua-Moises kaats ko wi u tsu wi, a ko umënts ba pëci uwar — maa uwats un pe wi pëwara, aniajanee, wi ngë yanaan wi pëwok Nasien-batsi.

1 PER 2:2

Pi upäts bandu bëka, nda fieran mak mtaw Uwejats Nasien-batsi mjënts. Unk nduu wiakëna tsi mul pa pëbuer,

1 PER 3:15

maa nda yëmani Këristu di ngëwaas ind, nul nan ci Ajug. Nda ciin ban bayecisër ngënu bëlieng, pa pëyankës na yepar indi ba këyepar, uleka uwats un ci wi tsi ind.

2 PER 1:12

Undo ko umënts wi ka wun n yecis, pa puu lesës ind ngëko ngëmënts ngi, ŋal bi nda me bink ngul, a nda mob aliincan tsi ucär wi ngë ciina wink.

1 JOŊ 3:3

A nan kai ba këka uwats umënts wi, na jëntsandari bërierul, bi Këristu ci bi najënts.