JÚDAS 1:3 - KARÚK-PËRIM KAWALU Nouveau Testament

³ Ind ba ŋala biki, man cësara mak pëpicari ind tsi uleka pëbuer nja pi ngë bofara pi. Man win ka pëpicari ind, pëliinc-liincan ind ngëwaas pa ind pëkamandër uwak wi bayëma wël a wi uyaas uloole, pa sandëndën.

JÚDAS 1:3 ပူးပေါင်းရင်းမြစ်များ

NGËRO 17:3

a nuu leents bukul koo piban bi Këristu ro bi ka pënoorana, a uu ba, në natsee di bacäts. A na ja bukul: “Aci Yeesu namëntsi, ni n du leents ind ink, ci-un Këristu.”

NGËRO 18:28

Par, ni uyëlan irimul, na gaañaar Bajudeu tsi këkës bañaan, bi nuu piban bi tsi Bëpican u ci Yeesu ci-un Këristu.

NGËRO 20:27

Par, nji n wëtats pëleents ind ko wi Nasien-batsi tsaag wi.

NGËRO 28:28

Bi u ci bank, nda mean pëbuër Nasien-batsi awëlee pa ban cits biki Bajudeu; bu ka te pul.”

NGËRO 4:12

Pëbëër ciinats tsi nalon; par tsi utsia batsi, kaats kalon katim ka wëla ki tsi bañaan-bajin, ki ngë ka ki pëbuërëna.”

NGËRO 6:7

Unk, a përim Nasien-batsi kë laar mak, ucumara bafets Yeesu kë pe këpe pëwatsësar di Jerusalem, a kandënd bajakan niiran uwak.

NGËRO 9:13

Maa, Ananias jankma aja: “Ajug! Man te bacumal kë ñakan ngëko ngëcumal nga waraatsa ngi, tsi uleka niintsi, ngi na ro ngi bayëmanu di Jerusalem.

NGËRO 9:22

Maa, Sol ru pe këpe pëlincandër tsi pëpiban u ci Yeesu ci-un Këristu, a na pikra n Bajudeu ban ciina biki Damaasku.

1 KORINTU 15:3

Tsi ucak ko, nji ma wël ind ko wi n yanki wi buts, un ci wi: Këristu acäts undo ngëjuban nja bi Bëpica n ja bi,

GALAASIA 2:5

A wund niiranats bukul ko wan, ŋal uwal uloole, unk pa ucär Upetsan-uwar pëci tsi pëncuaf ind.

GALAASIA 3:28

Unk, katse ka Najudeu nin nagërek; katse ka naluek nin nafacal; katse ka niints nin ŋaats; par ind bëlieng nda ci baloole tsi Këristu Yeesu.

GALAASIA 6:11

Nda teenan-e urëmbar ngëpic ngi n picandëri ind ngi, ni kañan nji bërierin!

EFEESU 1:1

Pol, Napostolu Yeesu Këristu tsi uŋal Nasien-batsi, pa bayëman ban ci biki di Efeesu, ba mob biki tsi Yeesu Këristu.

FILIIPUS 1:1

Pol ni Timoteu, baleempar Këristu Yeesu, pa bayëman bëlieng tsi Këristu Yeesu, ban ci biki di Filiipus, bukul ni bawaay, ni batsënk.

FILIIPUS 1:27

Maa ko uloole rin, nda yandaari bi u ka bi pëci tsi Upetsan-uwar Këristu. Unk, uci ank n bi a n win ind, oo uci ank n cits a n te uleka ind, ka me nda ci tsi pëliincandër tsi kabof-uwejats uloole, a nduu bof ukam tsi uwaas uloole, pa uwak Upetsan-uwar.

KOLOS 1:2

pa bayëman ban ciina biki Kolos, batsaar ni wund, ban mob biki tsi Këristu. Bëtseend ba wëlaan ind ni pëfac, pëpën-ni tsi Nasien-batsi, Asin nja.

1 TESALONIKA 2:2

Wund aro ci tsi unoor a wund tsijaa pëtsija pa waraatsa pi di Filiipus, bi nda me bunk. Maa ŋal bi ukam ci bi uwiak, wund aliincan ngëwaas tsi Nasien-batsi wund, pëleents ind Upetsan-uwar Nasien-batsi.

1 TIMOTEU 1:18

Timoteu, napäts nji! Përim pi n du n tsuu pi pëmob, bi u jaka bi tsi irim in car yi aleentsa tsi ulekau, aci wi pëkaman ukam u wara wi, bi irim imënts ja bi;

1 TIMOTEU 6:12

Kamani ukam u wara wi, wi uwak; moban liincan ubiira un dits wi ka ba, wi m duuree wi, a m leents uwar uleka uwaku, tsi bërun bacumal ba maatir biki.

2 TIMOTEU 1:13

Teenëni irim iwar i n leents yunk a m te; liincandari ni uwak ni bëŋal tsi Këristu Yeesu.

TIITU 1:4

Pa Tiitu, napäts nji nacär tsi uwak un bofaraa wi: Bëtseend ba wëlaanu ni pëfac, pëpën-ni tsi Nasien-batsi, Asin nja ni tsi Këristu Yeesu, Nabueran nja.

BAYEBËREU 13:22

Batsaar ni nji, man buara ind pa nda roon ndë niiran përim pan ci pink katseend-ibats; te man picandëri ind a n runkëtën kërunkëtën.

BAYEBËREU 6:9

Maa ind ba ŋalaa biki, ŋal bi wund ñakan bi unk, wund afiaar koon ngëko ngan pe ngi pëwara tsi uleka ind, nga yandaar ngi ni pëbuer.

1 PER 5:12

Aci Silwaanu, nul natsaar ni ind na mobi tsi uwak, ni fiaari, nul tsënkin un a n picandëri ind uletar uties wi, pa pëliinc-liincan ind ngëwaas, ni pëleents ind u ci tsi bëtseend Nasien-batsi bëcär, bi nda ciina bun.

2 PER 1:1

Simon Per naleemp, a na ciind Napostolu Yeesu Këristu, pa ban tsënkan bukunk uwak un ka wi bëkat pi wiic nja tsi bëmabal Nasien-batsi nja, ni Yeesu Këristu Nabueran.

2 PER 2:21

Par, aro mat bukul përoots me bëga bëmabal yaas, ni pëjaa bu me bul a uu ba, a ba ru wëtan utsua uyëman wi ba wëla wi.

JÚDAS 1:1

Júdas, naluek Yeesu Këristu, a na ci buts nan tsaari ni Jakob; pa bandua biki, biki Nasien-batsi Asin ŋal biki, a ba waaya tsi Yeesu Këristu.

JÚDAS 1:17

Maa ind ba ŋala biki, nda lesan irim yi bapostolu Yeesu Këristu Ajug nja ro yi car aleents.

JÚDAS 1:20

Maa ind ba ŋala biki, nda liinc-liincandari mak tsi uwak ind uyëman, nduu ñaan tsi Uwejats-ujënts.

UPIBAN 12:11

Bë kukëna wul pëñaak Ubuk-unkaanel, ni përim pi ba ja pi tsi uleka ko wi ba maatir wi. Bë ŋalats ubiira bukul, te ŋal pëcäts.

UPIBAN 2:10

Cats lal nin ko tsi ngi kë ciina ngi tsi unoor. Teenan-e! Ujabël ka guts balon tsi ind di ukalabus, pa ndë teenamana. Ndu noor-noorana te ngënu untaaja. Moban tsi uwak, te tsi pëcäts, din kee wëlu ucape-pësien, wi ubiira.