KAKÚRAN-KAWAR YEESU KRISTU BI JOŊ LEENŢ BI KUL AJA 9:39 - KARÚK-PËRIM KAWALU Nouveau Testament

³⁹ Din, a Yeesu jaul: “Man bi tsi umundu wi, pa kawat-pëleents; pa ban dits biki ka win, bu kë win; a biki ka win biki, bu ka witsa ka ci bakuel.”

KAKÚRAN-KAWAR YEESU KRISTU BI JOŊ LEENŢ BI KUL AJA 9:39 ပူးပေါင်းရင်းမြစ်များ

MATEU 11:5

Bakuel akak koo win, a balab kë yandaar, a ba maak biki kantseul-kajankal kë jëntsana; a barika-te kë te, a bacäts kë natsee di pëcäts, a Upetsan-uwar leentsa baranj.

MATEU 15:14

Nda wëtan bukul; bë ci bakuel batsëpand bakuel. Te, uci nakuel kë tsëpand nakuel, bu kee yër bëlieng baar!”

MATEU 6:23

maa, pëkësu waraatsa ba, din uliafu bëlieng ka ci tsi kërëm. Unk, uci ufac un ci wi tsi wi ci kërëm, din kërëm ka ci kawiak!

LÚKAS 1:79

pa pëfiets ban ci biki tsi karëm, a pëcäts límtsan kul, pa pëkaŋan iyots nja tsi bëga bi kan tsij nja bi tsi pëfac.”

LÚKAS 13:30

Unk, aka batuami, biki keen ci biki bacak; a u ka bacak, biki keen ci biki batuami.”

LÚKAS 2:34

Simeon ja ngëwar, na ja Maaria, anin napäts: “Teenan-e! Napatsi atsua pëci ni kan kai bañaan Israel bacumal kë yër, bacumal kë natsa; na tsuunda pëci upibanaani wi kan pokaa wi,

LÚKAS 4:18

“Uwejats Ajug aci tsi nji, par aratin pa pëleents baranj, Upetsan-uwar; ayëliin pa pëleents bamoba pëfacana, ni bakuel pëkak pëwin, ni pëwëtan ban tsua biki tsi unoor ba fac,

LÚKAS 7:21

Tsi uler umënts wun, Yeesu yësan bañaan bacumal mmaak bukul, ni mlupi bukul, na ruakand ngëcaay ngëjuatsal tsi bukul, na tsu bakuel bacumal a bu kë win.

KAKÚRAN-KAWAR YEESU KRISTU BI JOŊ LEENŢ BI KUL AJA 12:31

Inkri, kawat umundu wi pëleents abaandi; a tsi inkri, kantsijëna umundu wi ka gutsa di utsand.

KAKÚRAN-KAWAR YEESU KRISTU BI JOŊ LEENŢ BI KUL AJA 12:46

Nji nan ci ufac, man bi tsi umundu pa ñaan na waki ba këwak tsi nji, di ka ci di krëm.

KAKÚRAN-KAWAR YEESU KRISTU BI JOŊ LEENŢ BI KUL AJA 3:17

Nasien-batsi yëlatsi Abukul tsi umundu pii wat bañaan umundu pëleents, maa pa bañaan umundu pëbueranaana tsi nul.

KAKÚRAN-KAWAR YEESU KRISTU BI JOŊ LEENŢ BI KUL AJA 3:19

A kawat-pëleents kamënts ci kun ki: Ufac abi tsi umundu, a bañaan-bajin ŋal krëm mak apean ufac, par ngi bu kë ro ngi waraatsa.

KAKÚRAN-KAWAR YEESU KRISTU BI JOŊ LEENŢ BI KUL AJA 8:12

A Yeesu kaka ñakanaan bukul aja: “Nji n ci-un ufac umundu; ñaan nan ci tsi pëfetsin, di ka yandaar tsi krëm, yaas; maa ka ka ufac ubiira.”

KAKÚRAN-KAWAR YEESU KRISTU BI JOŊ LEENŢ BI KUL AJA 8:15

Ind, nda ja nda roon ndu wat ñaan pëleents pi bëro bañaan-bajin. Nji, in di ka n wat ñaan pëleents.

KAKÚRAN-KAWAR YEESU KRISTU BI JOŊ LEENŢ BI KUL AJA 9:25

A na ja bukul: “Uci na ci najuban, nji n meets. Ko uloole wi n me wun: man do n ci nakuel, maa inkri a ndu n win.”

NGËRO 26:18

kë waants bukul këkës, kë pënani bukul di karëm, pa ba bi tsi ufac; kë pënani bukul di pëyëlan Useetaani pa ba bi tsi Nasien-batsi, bu ka jampësaa ngëjuban, bu ka yank kafa bërukanda tsi ban patsanaana biki uwak tsi nji.’

2 KORINTU 2:16

Pa ban ci bukun tsi pëniam, aci pëñal pëcäts pi kan fiŋ pi; maa ban ci biki tsi pëbuer, aci pëñal ubiira pi ka wël pi ubiira. Maa, yën kësar un uleemp umënts wan?

EFEESU 5:14

par nga wina ngi bëlieng aci ufac. Wul ka wun u jaka: “Teenani, wi ni ka ŋooyi, natsaan tsi pëncuaf bacäts, Këristu ka fietsu.”

2 TESALONIKA 2:10

Bul, buu roond ngëkoraar manfalar bëlieng tsi kamabats, pëniaman iyeen bukul, par bë niiraants bëŋal ucär din bu ka buerana.

1 PER 2:9

Maa ind, nda ci uraasa un data wi, bëjúk baro-ijakan nasien, ucaak uyëman, bañaan ban ci biki bëka Nasien-batsi, pa pëleents ngëko ngëwiak, ngi nandui ind unk di karëm, pa ufacul upikërënuel;

1 JOŊ 2:11

Maa, ñaan na ñaasi ni ba tsaari, aci tsi karëm, a nuu yandaar tsi karëm, a meets tsi nuu ya tsi, par karëm akuelëtsanul këkës.