KAKÚRAN-KAWAR YEESU KRISTU BI JOŊ LEENŢ BI KUL AJA 8:28 - KARÚK-PËRIM KAWALU Nouveau Testament

²⁸ Din, a Yeesu ja bukul: “Uwal wi ndu riang wi Abuk ñaan-najin, ndë me, nji MAN CI, a kaats ko wi n du n do wi, wi n tsuur wi përo wul; maa ko wi Asin nji jukanin wi, wul wi n du n ja wun.

KAKÚRAN-KAWAR YEESU KRISTU BI JOŊ LEENŢ BI KUL AJA 8:28 ပူးပေါင်းရင်းမြစ်များ

MATEU 24:5

Par bacumal kee ba bi, bu ka tsuar katim nji; uja nan dooni nuu ja: ‘Nji n ci-un Këristu;’ bu kee fäl bañaan bacumal.

MARKU 13:6

Par bacumal ka biini tsi katim nji, bu kë ja: ‘Aci nji.’ Bu ka fal bañaan bacumal.

LÚKAS 21:8

Na yank bukul aja: “Nda rukan ibats, pa ñaan tsë fal ind. Par bacumal ka biini tsi katim nji, bu kë ja: ‘Aci nji!’ Oo bu kë ja: ‘Uwal awokani.’ Ind tsë fets bukul.

KAKÚRAN-KAWAR YEESU KRISTU BI JOŊ LEENŢ BI KUL AJA 11:42

Ma me m ja m doon kuu cikëndënin. Maa, undo kandënd bañaan ba nats bikink afayin, wul ka wun nja ank, pa bukul pëfiaar u ci wi yëliin un.”

KAKÚRAN-KAWAR YEESU KRISTU BI JOŊ LEENŢ BI KUL AJA 13:19

Inkri, man leents ind ko wan, tsini u ruka ka baandi; pa uwal wi u baandi wi, ndë wak, nji MAN CI.

KAKÚRAN-KAWAR YEESU KRISTU BI JOŊ LEENŢ BI KUL AJA 16:10

tsi uleka bëmabal, par mán tsëp di Asin, a nda katse ka winin;

KAKÚRAN-KAWAR YEESU KRISTU BI JOŊ LEENŢ BI KUL AJA 18:32

Unk, a u bandan përim Yeesu, pi na ja pi tsi uleka pëcäts pi na yecis pi pëcäts.

KAKÚRAN-KAWAR YEESU KRISTU BI JOŊ LEENŢ BI KUL AJA 19:18

tsul, a ba rieŋul di kruus, nul ni balon batëb; ni tsi kajara ki, nun tsi kajara kun, a Yeesu ci tsi pëncuaf.

KAKÚRAN-KAWAR YEESU KRISTU BI JOŊ LEENŢ BI KUL AJA 3:11

Mán leentsu ucär: Wund aja wund roon wund kë ja ko wi wund me wi, a wund kë leents ko wi wund win wi; maa, nda ri ka niiran ko wi wund kë ja wi.

KAKÚRAN-KAWAR YEESU KRISTU BI JOŊ LEENŢ BI KUL AJA 3:14

Bi Moises riang bunk uko-pëtsats utsak di ulaalats, unk di Abuk ñaan-najin ka run përiangaa,

KAKÚRAN-KAWAR YEESU KRISTU BI JOŊ LEENŢ BI KUL AJA 4:26

A Yeesu jaul: “Nji n ciul un, ni ka ñakanaanu ink.”

KAKÚRAN-KAWAR YEESU KRISTU BI JOŊ LEENŢ BI KUL AJA 5:19

A Yeesu yank bukul aja: “Mán leents ind ucär: Abuk yëlaants përo ulon ko bërierul, ucits ba wi na win wi Asindo. Par ko wi Asin kë ro wi, Abuk buts, unk di nu ro run wul.

KAKÚRAN-KAWAR YEESU KRISTU BI JOŊ LEENŢ BI KUL AJA 5:30

Nji, in yëlaants përo ko bërierin; a bi n te bi, unk ri ka n wat run pëleents; a kawat-pëleents nji ci kamabal, par in di ka n tsas uŋal nji, maa uŋal na yëliini.

KAKÚRAN-KAWAR YEESU KRISTU BI JOŊ LEENŢ BI KUL AJA 6:38

Par man welee di batsi, cits përo uŋal nji bërierin, maa uŋal na yëliini.

KAKÚRAN-KAWAR YEESU KRISTU BI JOŊ LEENŢ BI KUL AJA 8:24

Wul ka wun nja ind, ndu cätsand ngëjuban ind. Par uci nda wakats nji MAN CI, ndë cätsand ngëjuban ind.”

KAKÚRAN-KAWAR YEESU KRISTU BI JOŊ LEENŢ BI KUL AJA 8:27

Maa bukul, bë meets u ci uleka Asin, wi na ro wun ci tsi pëñakanaan bukul.

KAKÚRAN-KAWAR YEESU KRISTU BI JOŊ LEENŢ BI KUL AJA 8:58

A Yeesu ja bukul: “Mán leents ind ucär: Abraam aruka ka ci, nji MA N CI.”

NGËRO 2:41

A ba niiran biki përimul mijana; tsi unu umënts wun, bëruakan bañaan ngëmiil ngëwaants (3.000).

NGËRO 4:4

Maa bacumal tsi ban te biki përim wak tsi Yeesu, a upinara bayënts ba uwak biki watsësar aruakan ngëmiil kañan (5.000).

ROOMA 1:4

Maa, na baaraan pëci Abuk Nasien-batsi tsi pëyëlan, tsi Uwejats pëci nayëman, tsi pënatseeul di bacäts, nul Yeesu Këristu, Ajug nja.