KAKÚRAN-KAWAR YEESU KRISTU BI JOŊ LEENŢ BI KUL AJA 6:63 - KARÚK-PËRIM KAWALU Nouveau Testament

⁶³ Uwejats ka wël wun ubiira, uliaf kaats bëkat. Irim nja ind yi, aci Uwejats, a i ci ubiira.

KAKÚRAN-KAWAR YEESU KRISTU BI JOŊ LEENŢ BI KUL AJA 6:63 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 5:21

Par, bi Asin kë natsani bunk bacäts në wël bukul ubiira, unk buts, Abuk ka wël ubiira pa biki na ŋal biki pëwël.

KAKÚRAN-KAWAR YEESU KRISTU BI JOŊ LEENŢ BI KUL AJA 6:68

A Simon Per yankul aja: “Ajug, di yën di wund kë ya run? Wi ka un irim i ka wël yi ubiira un dits wi ka ba.

NGËRO 5:20

“Nda tsëpan ndii pibandar di kato-kayëman, ndë leents bañaan irim njaka yi bëlieng, yi ubiira yi.”

ROOMA 10:17

Unk, uwak apënë-ni tsi pëcikëndën, a pëcikëndën ciina tsi përim Këristu.

ROOMA 2:25

Tsi ucär kambac aka bëkat, uci m mob tsi përo ko wi ngëtsua ja wi; maa uci m ci naro ko wi ngëtsua pok wi, kawela-kambacu ka witsa ka ci kawelaatsa-kambac.

ROOMA 8:2

Par ngëtsua Uwejats, wi ka wël wi ubiira tsi Këristu Yeesu, afacanu tsi ngëtsua ujuban ni wi pëcäts.

1 KORINTU 15:45

Par iink picana run: “Ñaan nacäk, un ci wi Adam, awula ubiira.” Maa Adam natuami aci uwejats wi ka wël wi ubiira.

GALAASIA 5:25

Bi ngë kaana bink ubiira tsi Uwejats Nasien-batsi, nda ju ngë yandaar buts tsi Uwejats Nasien-batsi.

GALAASIA 5:6

Par tsi Këristu Yeesu, nin kawela-kambac, nin kawelaatsa-kambac kaats bëlon bëkat; maa un ka wi bëkat, aci uwak wi ka leemp wi bi bëŋal.

GALAASIA 6:15

Par, nin kawela-kambac, nin kawelaatsa-kambac cits ulon ko; maa un ka wi bëkat, aci pëci ñaan nawalu.

1 TESALONIKA 2:13

A wul ka wun buts wund wëtaants puu baran Nasien-batsi; par uwal wi nda yank wunk përim Nasien-batsi, pul pi nda te pi wund leents ind, nda niiran pul bi pa baaraan bi pëci. Cits pëjaa aci përim bañaan-bajin, maa aci përim Nasien-batsi, a puu leemp uleemp tsi ind ba uwak biki.

1 TIMOTEU 4:8

Par, puu liinc-liincan uliaf aka bëkat tsi ngëko ngan cumats ngi, maa puu lënk Nasien-batsi aka bëkat tsi ngëko bëlieng, par awatsan ñaan ubiira inkri, ni ubiira wi kan bi wi.

BAYEBËREU 13:9

Ind tsë wët ngëkoraar bëjukan ba meaatsa bi, bul pëpënand ind pëtsëp. Par awara u roon, bëtseend kë wël uwaas uyëlan; cits ngëre ka wël ngun, ngul kaats bëkat pa bamob tsi ngul.

BAYEBËREU 4:12

Par, përim Nasien-batsi aka ubiira a pa kaand pëyëlan; pul are ape ulaac un de wi ngëjara ngëtëb. Aja pa roon pë niaj te pë kicës uwaas ni uwejats, ngësúk uliaf ni pëluŋ; a pa yëlan pëyëkëran ngi uwaas ciina ngi, ni ngi u wejats ngi.

JAKOB 1:18

abukëni nja përim ucär, tsi uŋalul, pa nja ka yëlan përo pi ngë ci bacäk tsi ngëkoul ngi na leemp ngi.

1 PER 1:23

Par nda bukënaatsa uyaas ucints tsi ucapi wi kan coka wi, maa un dits wi ka coka; tsi përim Nasien-batsi pëyësal, a pa ci pa sandëndën.

1 PER 3:18

Këristu, nul anoor bëyaas bëloole baŋ pa ngëjuban, pa sandëndën, nul namabal pa bamabats, pa pëtsëpand ind di Nasien-batsi. Nul tsi uliaf, afiŋa; maa tsi Uwejats Nasien-batsi a na kak nayësal.

1 PER 3:21

A mlik mmënts mi ci mun ulimënts bëmijan ban bueran ind bink inkri, cits pa pëjëntsan mtsopi ngëliaf, maa pëjaankëma Nasien-batsi ni utsaag uwar tsi undo bi Yeesu natsee bi di pëcäts.