KAKÚRAN-KAWAR YEESU KRISTU BI JOŊ LEENŢ BI KUL AJA 6:45 - KARÚK-PËRIM KAWALU Nouveau Testament

⁴⁵ Iink ri u picana run di ulibëru bayëlia: ‘Bu ka ci bëlieng biki Nasien-batsi jukan biki.’ Wul ka wun, ñaan nan cikëndëni Asin nji, a na niiran bëjukanul, ka bi tsi nji.

KAKÚRAN-KAWAR YEESU KRISTU BI JOŊ LEENŢ BI KUL AJA 6:45 ပူးပေါင်းရင်းမြစ်များ

MATEU 11:27

Asin nji awëlin ngëko bëlieng. A ñaan meets Abuk, ucits ba Asin; a ñaan meets Asin, ucits ba Abuk, ni biki Abuk ŋal biki pëpiban bukul nul.

MATEU 17:5

Bi na wama bi ka ñakan, a kasa fietsi ee kund bukul. A përim pëni di kasa, a pa ja: “Ni ci-un Abuk nji; ni ŋali, man lílandërul. Nda cikëndëniul!”

MARKU 1:2

Apicana di ulibëru Isaaya Nayëlia, aja: “Teenan-e, mán wëtani nayëlia nji tsi bërunu, ni kan yecis bëgau.

LÚKAS 1:70

aci ko wi na ro wi ja, ajaana wël tsi mtum bayëliaul bayëman, ki uwal ujon;

LÚKAS 18:31

Yeesu laayatsaanda bafetsul, untaaja bukun ni batëb, a na ja bukul: “Nja ka kata bikink pëtsëp Jerusalem; ngëko bëlieng ngi bayëlia pican ngi tsi uleka Abuk ñaan-najin, ka rolaa;

KAKÚRAN-KAWAR YEESU KRISTU BI JOŊ LEENŢ BI KUL AJA 10:27

Ngënkanel nji ka cikëndën përim nji. Nji, man me ngul, a nga ja nga roon nguu fetsin.

KAKÚRAN-KAWAR YEESU KRISTU BI JOŊ LEENŢ BI KUL AJA 6:37

Bañaan biki Asin nji wëlin biki bëlieng, bu ka bi tsi nji; a nan bii tsi nji, yaas a ka gutsarul utsand.

KAKÚRAN-KAWAR YEESU KRISTU BI JOŊ LEENŢ BI KUL AJA 6:65

A na kaka ja: “Wul ka wun n ja ind: ñaan yëlanats pëbi tsi nji, uci Asin nji tsijatsiul.”

NGËRO 13:40

Nda roon bëwaar pa ko wi bayëlia ro wi ja urits baandë-ni ind:

NGËRO 7:42

Maa Nasien-batsi akikësa bukul, a na wët unk bukul tsi karëmban ngëko batsi, bi u picana bi di ulibëru bayëlia aja: ‘Kato Israel, ane nji ni m fiŋar un ngëcaam, ni ijakan bëtseend di ulaalats, tsi ko undo wi ngëwaanu ngëntaaja ngëbaakër-a?

EFEESU 1:17

Nasien-batsi Yeesu Këristu Ajug nja nul Asin, nan dëmbanee, na wëlan ind uwejats kameko ni upiban, u tsu ind ndë meul.

FILIIPUS 3:15

Bi u ci bank, n ja bëlieng ban jëŋ biki, nda ju ngë tsij uwejats umënts wun. A uci ko ci, wi nda pats wi buwejatsar tsi wul, Nasien-batsi kee jëntsan ind wul buts.

1 TESALONIKA 4:9

A tsi uleka pëŋalëlar tsi nda tsaar tsi, nda fierats pëpicandara ko, par ind bërier ind Nasien-batsi ajukan ind puu ŋalëlar.

BAYEBËREU 10:16

“Ajug aja: ‘Karo-pëloole ki n du n do ki ni bukul upar ngënu ngëmënts ngun, ci kun ki: Mán tsu ngëlua nji tsi ngëwaas bukul, ka pican ngul tsi ngëwejats bukul.’”

1 JOŊ 2:27

Maa ind, Uwejats ujënts wi Këristu tular ind wi, amob tsi pëci di ind, unk nda katse fier ñaan pëjukan ind; maa bi Uwejats jukan ind bunk uleka ngëko bëlieng, aci ucär, cits butsup. Nda moban tsi nul, bi na jukan ind bi.