KAKÚRAN-KAWAR YEESU KRISTU BI JOŊ LEENŢ BI KUL AJA 6:27 - KARÚK-PËRIM KAWALU Nouveau Testament

²⁷ Ind tsë leempar bariala bi kan coka bi, maa nda leempari bariala bi kan ci bi pa ubiira un dits wi ka ba, bul bi Abuk ñaan-najin kë wël ind bi. Par, nul ni Nasien-batsi, Asin, markaar un ni tampoŋul.”

KAKÚRAN-KAWAR YEESU KRISTU BI JOŊ LEENŢ BI KUL AJA 6:27 ပူးပေါင်းရင်းမြစ်များ

MATEU 17:5

Bi na wama bi ka ñakan, a kasa fietsi ee kund bukul. A përim pëni di kasa, a pa ja: “Ni ci-un Abuk nji; ni ŋali, man lílandërul. Nda cikëndëniul!”

MATEU 25:46

Unk, bamënts biki ka tsëp pa pëpikaara pan dits pi ka ba; maa bamabal ka tsëp pa ubiira un dits wi ka ba.”

MATEU 3:17

Din a përim pëni di batsi a pa ja: “Ni ci-un Abuk nji na ŋalee; ma lílandërul mak.”

MATEU 6:19

Ind tsë wúkandar iyeen ind bëka tsi umundu wi, tsi krus ni ngëwëj kë cok tsi bul, ni tsi bakiej kë jëp tsiba lúŋan, bu ka kiej.

MATEU 8:20

A Yeesu jaul: “Ngëcuts aka iyar, a ngëko-ngëyits ka icang, maa Abuk ñaan-najin, kaats tsi nuu naakësaan tsi beenul.”

MARKU 1:11

A përim pëni di batsi a pa ja: “Wi ci-un Abuk nji na ŋalee; man lílandëru mak.”

MARKU 9:7

A kasa bi ee kund bukul. A përim pëni di kasa, a pa ja: “Ni ci-un Abuk nji, na ŋalee! Nda cikëndëniul!”

LÚKAS 3:22

Uwejats-ujënts welee tsi nul, anaami unk utuuba. Përim pëni di batsi, pa ja: “Wi ci-un Abuk nji na ŋalee; man lílandëru mak.”

LÚKAS 9:35

Përim pëni di kasa, pa ja: “Ni ci-un Abuk nji, nan datee; nda cikëndëniul!”

KAKÚRAN-KAWAR YEESU KRISTU BI JOŊ LEENŢ BI KUL AJA 10:28

Nji, mán wël ngul ubiira un dits wi ka ba; ngul di ka niaman yaas; nin ñaan di ka waj ngul tsi kañan nji.

KAKÚRAN-KAWAR YEESU KRISTU BI JOŊ LEENŢ BI KUL AJA 11:42

Ma me m ja m doon kuu cikëndënin. Maa, undo kandënd bañaan ba nats bikink afayin, wul ka wun nja ank, pa bukul pëfiaar u ci wi yëliin un.”

KAKÚRAN-KAWAR YEESU KRISTU BI JOŊ LEENŢ BI KUL AJA 14:6

A Yeesu jaul: “Nji n ci-un bëga, ni ucär, ni ubiira; kaats ñaan ni kan bii tsi Asin nji, uci na biinatsi tsi nji.

KAKÚRAN-KAWAR YEESU KRISTU BI JOŊ LEENŢ BI KUL AJA 15:24

Uci ndoots ndo tsi pëncuaf bukul ngëko ngi ñaan netse ngi ro yaas, bë bitse ka ka ujuban. Maa, inkri bu win ngul, a ba ñaasin, a ba ñaas Asin nji.

KAKÚRAN-KAWAR YEESU KRISTU BI JOŊ LEENŢ BI KUL AJA 17:2

bi m wëlul bunk pëyëlan tsi ruëts bañaan-bajin bëlieng, pa na wël ubiira un dits wi ka ba, pa biki m wëlul biki bëlieng.

KAKÚRAN-KAWAR YEESU KRISTU BI JOŊ LEENŢ BI KUL AJA 3:15

pa ñaan na waki tsi nul, në ka ubiira un dits wi ka ba.

KAKÚRAN-KAWAR YEESU KRISTU BI JOŊ LEENŢ BI KUL AJA 3:33

Ñaan na niirani ko wi na leents wi, apiban Nasien-batsi ci nacär.

KAKÚRAN-KAWAR YEESU KRISTU BI JOŊ LEENŢ BI KUL AJA 6:40

Maa tsi ucär, bëŋal Asin nji ci bun bi: Ñaan na wini Abuk, a na wak tsi nul, në ka ubiira un dits wi ka ba. Nji, mee n natsaniul di pëcäts tsi unu utuami.”

KAKÚRAN-KAWAR YEESU KRISTU BI JOŊ LEENŢ BI KUL AJA 6:47

Mán leents ind ucär: Na waki tsi nji, aka ubiira un dits wi ka ba.

KAKÚRAN-KAWAR YEESU KRISTU BI JOŊ LEENŢ BI KUL AJA 6:51

Nji n ci-un pëpom ubiira pa pëni punk batsi; uci ñaan de ko tsi pul, në ka ubiira pa sandëndën; a pëpom pi n du n wël pi pa bañaan umundu pëka ubiira, aci uyamats nji.”

KAKÚRAN-KAWAR YEESU KRISTU BI JOŊ LEENŢ BI KUL AJA 6:53

A Yeesu ja bukul: “Mán leents ind ucär: Uci nda reets uliaf Abuk ñaan-najin a nda raanats pëñaakul, nda kaats ubiira tsi ind bërier ind.

KAKÚRAN-KAWAR YEESU KRISTU BI JOŊ LEENŢ BI KUL AJA 6:54

Nan dei uliaf nji a na raan pëñaak nji, aka ubiira un dits wi ka ba. Nji, mee n natsaniul di pëcäts, tsi unu utuami.

KAKÚRAN-KAWAR YEESU KRISTU BI JOŊ LEENŢ BI KUL AJA 6:58

Pi ci pun pëpom pa pëni pi batsi awelee; naamats ni wi basin ind re wi, a ba cäts aatsum. Maa nan dei upom wi, në ka ubiira pa sandëndën.”

KAKÚRAN-KAWAR YEESU KRISTU BI JOŊ LEENŢ BI KUL AJA 6:62

A we kee ci wun, u ci ndee win Abuk ñaan-najin, a nu paya pëwitsa tsi na ro tsi ci ucäk?

KAKÚRAN-KAWAR YEESU KRISTU BI JOŊ LEENŢ BI KUL AJA 6:68

A Simon Per yankul aja: “Ajug, di yën di wund kë ya run? Wi ka un irim i ka wël yi ubiira un dits wi ka ba.

KAKÚRAN-KAWAR YEESU KRISTU BI JOŊ LEENŢ BI KUL AJA 8:18

Nji, ma nja n doon ka leents uleka nji bërierin, a Asin nji na yëliini kë leents buts uleka nji.”

NGËRO 10:38

bi Nasien-batsi tulari bi Yeesu Uwejats-ujënts ni pëyëlan, nul Kanpënë-ni-nasaret, a nuu yaana ngëleka bëlieng, nuu ro uwar, a nuu yësan bañaan bëlieng biki Ujabël tsu biki tsi pëluëk, par Nasien-batsi aci ni nul.

NGËRO 2:22

Bayënts Israel, nda cikëndëni irim yi! Yeesu Kanpënë-ni-nasaret, niints ni Nasien-batsi niirani tsi bërun ind, tsi undo bawitsa, tsi ngëko ngan pikran ngi, ni ngëpibanaani ngi Nasien-batsi roona ngi tsi nul tsi pëncuaf ind, ind bërier nda me;

ROOMA 4:11

a u ba, kajín kawela-kambac du wëlaul pi umarëka bëmabal, wi na kaana wi tsi uwak uwal wi na netse wi wela kambac. A unk di na ci run asin bañaan ba uwak biki bëlieng, ŋal bi ba welaatsa bi kambac, pa bukul buts pëtsua bamabal.

ROOMA 6:23

Par bëluk ujuban, aci pëcäts; maa utseend Nasien-batsi u lukaatsa wi, aci ubiira un dits wi ka ba, tsi Këristu Yeesu, nul Ajug nja.

1 KORINTU 6:13

Bariala aci pa pëpës, a pëpës ci pa bariala. Maa Nasien-batsi kee ba ni ngan bëlieng. Uliaf cits pa ngëko katúk-ufuts, maa aci pa Ajug, a Ajug ci pa uliaf.

1 KORINTU 9:2

Uci n cits Napostolu pa balon, maa pa ind man ci Napostolu; par ind ci bukun umarëka un piban wi nci Napostolu tsi Ajug.

2 KORINTU 4:18

Nja ngë tsuuts ibatsi njatsi ngëko ngi ka wina ngi, maa tsi ngan dits ngi ka wina; par ngëko ngi ka wina ngi, aci ngan dits ngi ka jon; a ngan dits ngi ka wina, ci ngan dits ngi ka ba.

GALAASIA 5:6

Par tsi Këristu Yeesu, nin kawela-kambac, nin kawelaatsa-kambac kaats bëlon bëkat; maa un ka wi bëkat, aci uwak wi ka leemp wi bi bëŋal.

FILIIPUS 2:13

Par, Nasien-batsi ci-un nan ci tsi pëleemp tsi ind, pa pëwël ind uŋal, ni përo bi utsaagul uwar ci bi.

KOLOS 1:29

Wul ka wun n ci tsi uleemp uñatsal, a ndu n kamanaan uyëlan Këristu, wi ka leemp wi ni pëyëlan tsi nji.

KOLOS 2:22

Ngëmënts ngi bëlieng, aci pa ngëko ngi ka coka ngi, uba ngul pëleempënaa. Par ngul aciina tsi ngëtsua bañaan-bajin, ni tsi bëjukan bukul.

KOLOS 3:2

Nda tsuun ibats ind tsi ngëko ruets, cits tsi ngi utsia.

1 TESALONIKA 1:3

Wund wëtaants puu les ngi uwak ind piban ngi, ni ngi bëŋal ind ro ngi, ni umiira uwats ind tsi Ajug nja Yeesu Këristu, ni tsi bërun Nasien-batsi nja Asin.

2 TIMOTEU 2:19

Maa ujuundi uliincal, di Nasien-batsi natsan di, lëg-lëgaats. Tampoŋ dul ci run përim pi: “Ajug ame ban ci biki bayiicul;” ni përim pi buts: “Na n jai ba këja abof ni Ajug, na lawani ngëko-kamabats.”

BAYEBËREU 12:16

Nda katandi ibats pa naro ngëko katúk-ufuts tsë ci, nin narispitaarats ko Nasien-batsi pi Esau, nul na waapi ngan ka ngi pëci ngiicul, ngi bajan, undo pëlat pëloole baŋ pi bariala.

BAYEBËREU 4:11

Bi u ci bank, nda ju ngë tambandër pa pëniaj tsi pënaakësa pëmënts pun, pa ñaan tsë yër, nul tsë fets bukul tsi karika-ro ko un jaka wi.

JAKOB 1:11

Unu natsee, a bunu tabi, a pëtsats kay a pëtsiañ pul yii, din a kawara pul ba. Unk di ubiira narëmb kë naam dun pi ko undots wi, a u ba.

1 PER 1:24

Par ñaan nan ci ba këci, aci pi pëtsats, a përëmbul ci pi pëtsiañ pëtsats; pëtsats ka kay, pëtsiañ ka yër,

2 PER 1:17

Par ayank urispiitu ni përëmb, di Nasien-batsi, Asin; bi përim pëni bi di Përëmb Batsi abi pa nul, a pa ja: “Ni ci-un Abuk nji na ŋalee, man lílandërul mak.”