KAKÚRAN-KAWAR YEESU KRISTU BI JOŊ LEENŢ BI KUL AJA 4:48 - KARÚK-PËRIM KAWALU Nouveau Testament

⁴⁸ A Yeesu jaul: “Uci nda winats ngëpibanaani, ni ngëko ngan pikran ngi, nda ri ka wak, yaas.”

KAKÚRAN-KAWAR YEESU KRISTU BI JOŊ LEENŢ BI KUL AJA 4:48 ပူးပေါင်းရင်းမြစ်များ

MATEU 16:1

A Bafariseu ni Basaduseu tsëp di Yeesu. Pa pëgunganul, a ba yepul na piban bukul upibanaani un pëni wi batsi.

MATEU 24:24

Par barata bafälar, ni bayëlia bafälar, bu ka natsa, bu kë ro ngëpibanaani ngëwiak, ni ngëko ngan pikran ngi, pa puu fälëna bañaan, te ŋal ban data biki, uci ba yil bëro.

MATEU 27:42

“Abueran balon, a yëlants pëbueran beenul! Aci nasien Israel ank, na welee-e di kruus, din nja ka fiaarul!

MARKU 13:22

Par barata batsup, ni bayëlia batsup, bu ka natsa, bu kë ro ngëpibanaani, ni ngëko ngan pikran ngi, pa puu falëna bañaan, te ŋal ban data biki, uci u yëla bëro.

LÚKAS 10:18

Din, Yeesu ja bukul: “Man win Useetaani, uyëri wul di batsi, pi kalikajan.

LÚKAS 16:31

Maa Abraam jaul: ‘Uci ba cikëndënats Moises ni bayëlia, ŋal ank nalon ka natsee di bacäts bë ri ka waak.’”

KAKÚRAN-KAWAR YEESU KRISTU BI JOŊ LEENŢ BI KUL AJA 12:37

Ŋal bi Yeesu ro bi ngëpibanaani ngëcumal tsi bërun bukul, bë wakats tsi nul.

KAKÚRAN-KAWAR YEESU KRISTU BI JOŊ LEENŢ BI KUL AJA 15:24

Uci ndoots ndo tsi pëncuaf bukul ngëko ngi ñaan netse ngi ro yaas, bë bitse ka ka ujuban. Maa, inkri bu win ngul, a ba ñaasin, a ba ñaas Asin nji.

KAKÚRAN-KAWAR YEESU KRISTU BI JOŊ LEENŢ BI KUL AJA 2:18

A Bajudeu yeparul aja: “Wom upibanaani ka piban wund wun m yëlan përo ngëko ngi?”

KAKÚRAN-KAWAR YEESU KRISTU BI JOŊ LEENŢ BI KUL AJA 20:29

A Yeesu jaul: “Tomaas! Undo m winin, a m wak-a? Bu naak, ba winats biki a ba uwak.”

KAKÚRAN-KAWAR YEESU KRISTU BI JOŊ LEENŢ BI KUL AJA 4:49

A nawiak basondaari nasie n jaul: “Ajug! Júŋee, tsini abuk nji kë cats.”

NGËRO 14:3

Pol ni Barnabas ro rul ko un jon wi, bu kë ñakan ni bëyeentsal tsi uleka Ajug. Ajug baaraan pëpiban përim pi bu kë leents pi tsi uleka betseendul ci ucär; a na tsu bukul bu kë ro ni iñan bukul ngëpibanaani, ni ngëko ngan pikran ngi.

NGËRO 15:12

A kandënd bañaan yëŋandar bëlieng, a bu kë cínkëndan Barnabas ni Pol, ban ci biki tsi pëleents ngëko ngan pikra n ngi, ni ngëpibanaani ngi Nasien-batsi roona ngi tsi iñan bukul, tsi pëncuaf ban cits biki Bajudeu.

NGËRO 2:19

Mán do ngëko ngan pikran ngi di ruëts batsi, ni ngëpibanaani tsi utsia tsi: Pëñaak, bërua, ni uwamël urú.

NGËRO 2:22

Bayënts Israel, nda cikëndëni irim yi! Yeesu Kanpënë-ni-nasaret, niints ni Nasien-batsi niirani tsi bërun ind, tsi undo bawitsa, tsi ngëko ngan pikran ngi, ni ngëpibanaani ngi Nasien-batsi roona ngi tsi nul tsi pëncuaf ind, ind bërier nda me;

NGËRO 2:43

Uja kara ñaan në lënk; a bapostolu kë ro ngëko ngëcumal ngan pikran ngi, ni ngëpibanaani.

NGËRO 4:30

kë colan kañan pa puu yësan bañaan, puu ro ngëpibanaani ni ngëko ngan pikërën ngi, tsi katim Yeesu, naleempu nayëman.’”

NGËRO 5:12

A iñan bapostolu ro ngëpibanaani ngëcumal, ni ngëko ngan pikran ngi tsi pëncuaf bañaan. A ba baar bëlieng pëloole, a ba ja ba roon bu kë juk di Ukuëra Salomon.

NGËRO 6:8

A Estefan cum bëtseend ni pëyëlan, a nuu ro ngëko ngan pikran ngi, ni ngëpibanaani ngëwiak tsi pëncuaf bañaan.

NGËRO 7:36

Moises namëntsi, pënani un bukul di Ejipët, a nuu ro ngëko ngan pikran ngi, ni ngëpibanaani, di Ejipët, di bërëk bëjankal, ni di ulaalats, tsi ko un do wi ngëwaanu ngëntaaja ngëbaakër.

ROOMA 15:19

tsi pëyëlan ngëpibanaani ni ngëko ngan pikra n ngi undo pëyëlan Uwejats Nasien-batsi; unk, a n leents Upetsan-uwar Këristu a n jëkëlan, pëpën tsi Jerusalem ni ngëcaak ngan fay ngi dul, te di Iliriku.

1 KORINTU 1:22

Par, Bajudeu aci tsi pëyep upibanaani, a Bagërek kë tsas kameko.

2 KORINTU 12:12

Ngëpibanaani pëci Napostolu arolaa tsi pëncuaf ind, umiira tsi mteenamana man ci mi ba këci, tsi ngëpibanaani tsi ngëko ngan pikra n ngi, ni tsi pëyëlan.

2 TESALONIKA 2:9

Bëro Useetaani ka tsiji bun ubaandari Kanfetsats-ngëtsua; a tsi kafal buu ro ngëkoraar ngan ci ngi ba këci, ngi bawitsa, ni ngi ngëpibanaani, ni ngi ngëko ngan pikra n ngi.

BAYEBËREU 2:4

A Nasien-batsi kë piban pul tsi ngëpibanaani, ni tsi ngëko ngan pikra n ngi, ni tsi ngëko bawitsa ngan ci ngi ba këci, ni tsi ngëtseend Uwejats-ujënts, ngan faa ngi bi na ŋal bi ja.