KAKÚRAN-KAWAR YEESU KRISTU BI JOŊ LEENŢ BI KUL AJA 3:3 - KARÚK-PËRIM KAWALU Nouveau Testament

³ A Yeesu yankul aja: “Mán leentsu ucär, ñaan nan bëkaatsee kabuka-kawalu, yëlanats pëwin Pësien Nasien-batsi.”

KAKÚRAN-KAWAR YEESU KRISTU BI JOŊ LEENŢ BI KUL AJA 3:3 ပူးပေါင်းရင်းမြစ်များ

MATEU 16:17

A Yeesu ñakan kak ajaul: “M naak, Simon, abuk Jonas; par cits uyamats ni pëñaak pibanu ngun ko wan, maa aci Asin nji nan cii di batsi.

MATEU 19:24

A ndu nja ind kak: A pe përaf pë ja ungilëm pëpar bi baar kagúja, ni pëjaa narëmb na niaj pësien Nasien-batsi.”

MATEU 21:31

Naom tsi batëb biki do un uŋal asin?” A ba yankul aja: “Nacäk.” A Yeesu ja bukul: “Mán leents ind ucär: Bayep bëluk-uraasa, ni bakaats batúk-ufuts, bu ka yër ind bërun pëniaj pësien Nasien-batsi.

MATEU 5:18

Mán leents ind ucär: Tsini batsi ni utsia këpar, ŋal upic un pe wi pëtienkëts, nin ujopat upic tsi ulua, di ka niaman, te ngëko bëlieng ka roaa.

MARKU 10:14

A Yeesu win ko wan, a u reanul uwaas na ja bukul: “Nda wëtan upäts ba bi tsi nji; ind tsë laaŋ bukul, par pësien Nasien-batsi aci pa ba naam biki pi bukul.

MARKU 9:47

A uci pëkësu ka tsuu pun kë juban, kuatësi pul. Amat pëjaa m niaj pësien Nasien-batsi ni pëkës pëloole, ni pëjaa m gutsara nfeernu ni këkës këtëb;

KAKÚRAN-KAWAR YEESU KRISTU BI JOŊ LEENŢ BI KUL AJA 1:13

bukul, bë bukënaatsa tsi pëñaak, nin tsi uŋal uyamats, nin tsi uŋal niints, maa tsi uŋal Nasien-batsi.

KAKÚRAN-KAWAR YEESU KRISTU BI JOŊ LEENŢ BI KUL AJA 1:5

A ufac fiets tsi krëm, maa krëm kaats kape tsi wul.

KAKÚRAN-KAWAR YEESU KRISTU BI JOŊ LEENŢ BI KUL AJA 1:51

A na kaka jaul: “Mán leents ind ucär, Ndii win batsi waantsar, ngëwaanju Nasien-batsi kë paya, nguu welee tsi Abuk ñaan-najin.”

KAKÚRAN-KAWAR YEESU KRISTU BI JOŊ LEENŢ BI KUL AJA 12:40

“Akuelëtsan këkës bukul, a na tamban ngëwaas bukul, pa ba rits win ni këkës, ba rits me tsi ngëwaas, pa ba rits witsësee, ka yësan bukul.”

KAKÚRAN-KAWAR YEESU KRISTU BI JOŊ LEENŢ BI KUL AJA 3:4

A Nikodemus jaul: “Ñaan nan ci natsafal, um bi na yëlan bun pëbuka kak? Ane a yëlan pëniaj pëpës aninul uyaas utëbantsan, në bukee-a?”

2 KORINTU 4:4

pa ban fiaarats biki; biki nasien-batsi umundu wi kuelëtsan biki uwejats, pa bukul tsë win ufietsar Upetsan-uwar përëmb Këristu, nul nan ci bënaam Nasien-batsi.

2 KORINTU 5:17

Unk, uci ñaan ci tsi Këristu, nul aci ñaan nawalu; ngëjon apar, a ngëwalu ruka ngink aci.

GALAASIA 6:15

Par, nin kawela-kambac, nin kawelaatsa-kambac cits ulon ko; maa un ka wi bëkat, aci pëci ñaan nawalu.

EFEESU 2:1

A ind bando biki cats tsi undo ngëlaci ind ni tsi ngëjuban,

TIITU 3:5

a na bueran inja; cits undo ngi ngë ro ngi bërier nja tsi bëmabal, maa aci-undo kayëk-ipësul. Abueranaani nja tsi pëñawa pan ci pi pi kabëka-kawalu, a pa ciind pi pëwitsa nawalu pi Uwejats-ujënts kë wíts pi ñaan.

JAKOB 3:17

Maa, kameko kan pënë-ni ki batsi, acakësaan pëci kajëntsal, a ka ru ci kan tsiji ki pëfac, ni kajuab-uwaas, ni manteelar, ni pëcum ni kayëk-ipës, ni ngëwar ngan dola ngi; kul di ka kicës bañaan, kaats kanguungu.

1 PER 1:3

Nasien-batsi na bundanaan, nul Asin Yeesu Këristu Ajug inja. Atsu nja ngë bëka uyaas ucints undo kayëk-ipësul mak, pa ja pëka uwats un tsij wi ubiira, tsi bi Yeesu Këristu natsee bi di bacäts;

1 JOŊ 2:29

Uci nda me na ci namabal, ndë niiran buts ne, ñaan nandoi ba këro ko u mab wi, abukënaa tsi nul.

1 JOŊ 3:9

Ñaan nan bukee ba këbuka tsi Nasien-batsi, di ka mob tsi përo ujuban, par pëcapi Nasien-batsi amob tsi pëci di nul; di ka yëlan pëci tsi ujuban, par abëka tsi Nasien-batsi.

1 JOŊ 5:1

Ñaan na waki ba këwak u ci Yeesu ci-un Këristu, abukëna tsi Nasien-batsi. A ñaan na ŋali Asin, aŋal buts Abukul.

1 JOŊ 5:18

Ngë me ne, ñaan nan bukee ba këbuka tsi Nasien-batsi di ka ci tsi ujuban, maa Abuk Nasien-batsi ka waayul, a Naro-ngëko-kawaraatsa di ka këraraul.

1 JOŊ 5:4

par nan bukee ba këbuka tsi Nasien-batsi, ape umundu. A kape kan peki umundu, aci uwak inja.

UPIBAN 3:14

Picari uwaanju Ngëriisia ngan ci ngunk di Laodiseeya, ja: “Kanci-ameen, nul Namaatir na mobi tsi uwak a na ciind nacӓr, nul nan ci nawiak ko wi Nasien-batsi leemp wi, pi ci pun pi na ja pi: