KAKÚRAN-KAWAR YEESU KRISTU BI JOŊ LEENŢ BI KUL AJA 3:15 - KARÚK-PËRIM KAWALU Nouveau Testament

¹⁵ pa ñaan na waki tsi nul, në ka ubiira un dits wi ka ba.

KAKÚRAN-KAWAR YEESU KRISTU BI JOŊ LEENŢ BI KUL AJA 3:15 ပူးပေါင်းရင်းမြစ်များ

MATEU 18:10

Nda rukan ibats! Ind tsë be nalon tsi baties biki; par man ja ind, ngëwaanju bukul di batsi aci tsi puu win urostu Asin nji, nan cii di batsi.

MATEU 25:46

Unk, bamënts biki ka tsëp pa pëpikaara pan dits pi ka ba; maa bamabal ka tsëp pa ubiira un dits wi ka ba.”

MARKU 16:16

Ñaan na Uwaki a na mijana, në buerana. Maa na Uwakatsi, në lacana.

LÚKAS 19:10

Par Abuk ñaan-najin, abi pëtsas ba niam biki, në bueran bukul.”

KAKÚRAN-KAWAR YEESU KRISTU BI JOŊ LEENŢ BI KUL AJA 1:12

Maa bañaan bëlieng, ba yank biki pul, ba uwak biki tsi katim pul, pul awël bukul pëtsënkan përuka ci upäts Nasien-batsi;

KAKÚRAN-KAWAR YEESU KRISTU BI JOŊ LEENŢ BI KUL AJA 16:33

Man ja ind ngëmënts ngan, pa nda ka pëfac tsi nji. Nduu ka unoor tsi umundu; maa nda kaan katsëb, man gaañaar umundu ukam.”

KAKÚRAN-KAWAR YEESU KRISTU BI JOŊ LEENŢ BI KUL AJA 20:31

Maa, ngëko ngi apicanaa, pa ind pëfiaar u ci Yeesu ci-un Mesia, Abuk Nasien-batsi, pa uwal wi nda ci wi tsi pëwak, ndë ka ubiira tsi katimul.

KAKÚRAN-KAWAR YEESU KRISTU BI JOŊ LEENŢ BI KUL AJA 3:16

Par, Nasien-batsi aŋal bañaan umundu mak, a na tsënkëne wël Abukul, naloole baŋ, pa na waki ba këwak tsi nul, di ka niaman, maa në ka ubiira un dits wi ka ba.

KAKÚRAN-KAWAR YEESU KRISTU BI JOŊ LEENŢ BI KUL AJA 3:36

Na waki tsi Abuk, aka ubiira un dits wi ka ba; maa na wakatsi tsi Abuk, di ka win ubiira, maa uriab Nasien-batsi ka ci tsi nul pa sandëndën.”

KAKÚRAN-KAWAR YEESU KRISTU BI JOŊ LEENŢ BI KUL AJA 5:24

Mán leents ind ucär: Nan tei përim nji a na wak tsi na yëliini, aka ubiira un dits wi ka ba; di ka wata pëleents, apar ba tsi pëcäts pa ubiira.

KAKÚRAN-KAWAR YEESU KRISTU BI JOŊ LEENŢ BI KUL AJA 6:27

Ind tsë leempar bariala bi kan coka bi, maa nda leempari bariala bi kan ci bi pa ubiira un dits wi ka ba, bul bi Abuk ñaan-najin kë wël ind bi. Par, nul ni Nasien-batsi, Asin, markaar un ni tampoŋul.”

KAKÚRAN-KAWAR YEESU KRISTU BI JOŊ LEENŢ BI KUL AJA 6:40

Maa tsi ucär, bëŋal Asin nji ci bun bi: Ñaan na wini Abuk, a na wak tsi nul, në ka ubiira un dits wi ka ba. Nji, mee n natsaniul di pëcäts tsi unu utuami.”

KAKÚRAN-KAWAR YEESU KRISTU BI JOŊ LEENŢ BI KUL AJA 6:47

Mán leents ind ucär: Na waki tsi nji, aka ubiira un dits wi ka ba.

NGËRO 13:41

‘Nda teenan-e, ind batsuuts-ñaan-ko! Nda pikraan, nda niaman! Par tsi ngënu ind, mándo uleemp, uleemp wi nda rits wi ka fiaar, uci ñaan leents ind.’”

NGËRO 8:36

Ba repa bëga pëtsëp, a ba band tsëlon tsëko tsan tsij tsi mlik, a niints nan kasa unk ja: “Teenan-e, mlik mi! We ka laaŋin wun pëmijana?” [

ROOMA 5:21

a bi ujuban sienëna bunk pëcäts, unk buts, tsi Yeesu Këristu Ajug nja di bëtseend sienëna run bamabal pa ubiira un dits wi ka ba.

1 KORINTU 1:18

Tsi ucär, përim kruus aci bëfuur pa biki ka niam biki, maa pa n ja ban buer biki, aci pëyëlan Nasien-batsi.

2 KORINTU 4:3

A uci Upetsan-uwar wund wama kunda, akundaa pa biki ka niam biki,

GALAASIA 2:16

Wund ame ne, cits përo ko wi ulua tsu wi ka tsu wun ñaan pëci namabal, maa pëka uwak tsi Këristu Yeesu ka tsu pun ñaan pëci namabal; a wund wak buts tsi Këristu Yeesu, pa wund pëtsua bamabal, tsi undo uwak wund tsi Këristu; cits pëjaa përo ko wi ulua tsu wi, tsu wund wun pëci bamabal, par përo ko wi ulua tsu wi di ka tsu ñaan pëci namabal.

GALAASIA 2:20

Nji man yafënts, maa katse ci nji ka n yafënts un, aci Këristu ka yafëntsun di nji; a ubiira wi n ciina wink inkri tsi uliaf, mán tsijëna wul tsi uwak wi n ka wi tsi Abuk Nasien-batsi, nul na ŋalini, a na wël beenul bërierul undo nji.

BAYEBËREU 10:39

Maa n ja, ngë bofats tsi kafats ufets pa pëniam, maa ngë bof tsi uwak pa ngëwaas buer.

BAYEBËREU 7:25

Wul ka wun, biki kan biini tsi Yeesu abaandi tsi Nasien-batsi, nul Yeesu ayëlan pëbueran bukul, te ko di ka ruka; par nul aci nayësal tsi ngëwal bëlieng, pa pëñaandar bukul.

1 JOŊ 2:25

Wi ci-un uwatsan wi na watsán nja wi: ubiira un dits wi ka ba.

1 JOŊ 5:1

Ñaan na waki ba këwak u ci Yeesu ci-un Këristu, abukëna tsi Nasien-batsi. A ñaan na ŋali Asin, aŋal buts Abukul.

1 JOŊ 5:20

A ngë me Abuk Nasien-batsi bi, a na wël nja ume, pa n ja pëyëkëran Nacar nun. Nja ngë ci tsi Nacar nun, un ci wi, tsi Abukul, Yeesu Këristu. Namëntsi ci-un Nasien-batsi Nacar, ni ubiira un dits wi ka ba.