KAKÚRAN-KAWAR YEESU KRISTU BI JOŊ LEENŢ BI KUL AJA 2:19 - KARÚK-PËRIM KAWALU Nouveau Testament

¹⁹ A Yeesu yank bukul aja: “Nda watan kato-kayëman ki, tsi ngënu ngëwaants ka n natsan kul.”

KAKÚRAN-KAWAR YEESU KRISTU BI JOŊ LEENŢ BI KUL AJA 2:19 ပူးပေါင်းရင်းမြစ်များ

MATEU 12:40

Par, bi Jonas ro bunk kënak këwaants, ni ngërëm ngëwaants di pëpës utsëb uwiak, unk buts di Abuk ñaan-najin kë ro run kënak këwaants ni ngërëm ngëwaants di utsia.

MATEU 16:21

Tsi uwal umënts wun, a Yeesu kur pëpiban bafetsul na ka pëtsëp Jerusalem, di nii unoor ri mak tsi bawiak Bajudeu, ni bawiak-bajakan, ni bapican-ulua, në fiŋaa, në natsee di pëcäts tsi unu uwaajantsan.

MATEU 27:40

koo ja: “Wi ni kan gari kato-kayëman, kë kakan kul ka niew tsi ngënu ngëwaants, buerani-e beenu! Uci bi m ci bank Abuk Nasien-batsi, welee di kruus!”

MATEU 27:63

a ba jaul: “Ajug! Wund ales natsupalar namënts un ro ja uwal wi na wama wi ci: ‘Upar ngënu ngëwaants, ka n natsee di pëcäts.’

MARKU 14:58

“Wund ate na ja: ‘Nji, mán gar kato-kayëman ki kañan ñaan-najin leemp kink; tsi ngënu ngëwaants ka niew kalon ki kañan ñaan-najin leempats ki.’”

MARKU 15:29

A biki kan par biki kë karul, a bu kë siints iyeen koo ja: “Yoo! Wi ni kan gari kato-kayëman, kë kakan kul ka niew tsi ngënu ngëwaants;

MARKU 8:31

A na kur pëjukan bukul a nuu ja: Abuk ñaan-najin aka pëtsua tsi unoor uwiak; bawiak Bajudeu, ni bawiak-bajakan, ni bapican-ngëtsua, bu ka fatsul ufets, në fiŋaa; a tsi unu uwaajantsan, në natsee di pëcӓts.

KAKÚRAN-KAWAR YEESU KRISTU BI JOŊ LEENŢ BI KUL AJA 11:25

A Yeesu jaul: “Nji n ci-un kanatsee-di-pëcäts, a nji n ci-un ubiira. Ñaan na waki tsi nji, ŋal ank na cäts, në ka aatsum ubiira.

KAKÚRAN-KAWAR YEESU KRISTU BI JOŊ LEENŢ BI KUL AJA 5:19

A Yeesu yank bukul aja: “Mán leents ind ucär: Abuk yëlaants përo ulon ko bërierul, ucits ba wi na win wi Asindo. Par ko wi Asin kë ro wi, Abuk buts, unk di nu ro run wul.

NGËRO 2:24

Maa Nasien-batsi natsaniul, bi na pacul bi mkorente pëcäts, par yilaatsa bëjaa pëcäts amobul a tsijëna.

NGËRO 2:32

Yeesu namëntsi, Nasien-batsi anatsaniul di pëcäts, a wund bëlieng aci ba maatir biki umënts wi.

NGËRO 3:15

A nda fiŋ Kantsijëna ubiira nul ni Nasien-batsi natsanii di bacäts, a wund ci bamaatir.

NGËRO 3:26

Unk, Nasien-batsi anatsani naleempul, a na yëliul bërun tsi ind, pii jaar ind ngëwar, uja kara ñaan tsi ind në cikësiul tsi ngëkoul ngi kawaraatsa.”

NGËRO 6:14

par wund ateul a nuu ja: Yeesu namëntsi, nul Kanpënë-ni-nasaret, ka gar kato-kayëman, në bëtan undimaan wi Moises wëlnjawi.”

ROOMA 4:24

maa aci buts undo n ja, ban tsuaa biki bamabal, n ja ba uwak biki tsi na natsani unk Yeesu, Ajug nja di bacäts;

ROOMA 6:4

Wul ka wun, ngë mooya ni nul tsi undo bëmijana pëcätsul, pa bi Këristu natsanee bunk di bacäts tsi përëmb Asin, unk buts di nja kë yandaar run buts tsi ubiira uwalu.

ROOMA 8:11

A uci Uwejats na natsani unk Yeesu di bacäts ci di ind, a nul na natsani unk Yeesu di bacäts ka tsu un buts ngëliaf ind ngan cats ngi, nga ka ubiira tsi Uwejatsul un ci wi di ind.

1 KORINTU 15:12

Uci përim leentsa ajaka Këristu anatsee di pëcäts, um di balon kë ja run tsi pëncuaf ind, kanatsee-di-pëcäts cits?

KOLOS 2:12

nda mooya ni nul tsi bëmijan, a nda natsee ni nul, undo nda wak tsi pëyëlan Nasien-batsi, pul pan tsuul pi a na natsee di bacäts.

1 PER 3:18

Këristu, nul anoor bëyaas bëloole baŋ pa ngëjuban, pa sandëndën, nul namabal pa bamabats, pa pëtsëpand ind di Nasien-batsi. Nul tsi uliaf, afiŋa; maa tsi Uwejats Nasien-batsi a na kak nayësal.