KAKÚRAN-KAWAR YEESU KRISTU BI JOŊ LEENŢ BI KUL AJA 17:6 - KARÚK-PËRIM KAWALU Nouveau Testament

⁶ Bañaan biki m pënani biki di umundu a m wëlin, man tsu bukul a ba me katimu. Bu ro ci bayiicu, a m wëlin bukul, a ba mob tsi përimu.

KAKÚRAN-KAWAR YEESU KRISTU BI JOŊ LEENŢ BI KUL AJA 17:6 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 1:18

Ñaan winats Nasien-batsi, yaas. Maa Nasin-batsi, nul Kambuka koorul, nan ci tsi Asin, piban nja un nul.”

KAKÚRAN-KAWAR YEESU KRISTU BI JOŊ LEENŢ BI KUL AJA 12:28

Paapa, dëmbani katimu.” Din, a përim pëni di batsi, a pa ja: “Man dëmban ba kul, a ndu n dëmban kul kak.”

KAKÚRAN-KAWAR YEESU KRISTU BI JOŊ LEENŢ BI KUL AJA 15:19

Uci nda ro ci biki umundu, umundu ka ro ŋal ko un ci wi wiic wul. Bi nda cits bi biki umundu, maa ndul di n datëni ind run, wul ka wun umundu ñaas ind.

KAKÚRAN-KAWAR YEESU KRISTU BI JOŊ LEENŢ BI KUL AJA 15:3

Ind nda jënts ba, undo përim pnja ind pi.

KAKÚRAN-KAWAR YEESU KRISTU BI JOŊ LEENŢ BI KUL AJA 15:7

Uci nda mob tsi pëci tsi nji, a irim nji mob tsi pëci tsi ind, nda yepan ko wi nda ŋal wi ba këŋal, u rolaa pa ind.

KAKÚRAN-KAWAR YEESU KRISTU BI JOŊ LEENŢ BI KUL AJA 17:12

Bi n do bi n ci ni bukul, man waay bukul tsi katimu ki m wëlin ki; man waay bukul, a nin naloole tsi bukul niamats, ucits ba nan bukaree pëniam, pa u ci bi Bëpica n ja bi.

KAKÚRAN-KAWAR YEESU KRISTU BI JOŊ LEENŢ BI KUL AJA 17:14

Man wël bukul përimu, a bañaan umundu ñaas bukul, par bë cits biki umundu, bi n cits bi ni umundu.

KAKÚRAN-KAWAR YEESU KRISTU BI JOŊ LEENŢ BI KUL AJA 17:16

Bukul bë cits biki umundu, bi n cits bi ni umundu.

KAKÚRAN-KAWAR YEESU KRISTU BI JOŊ LEENŢ BI KUL AJA 17:2

bi m wëlul bunk pëyëlan tsi ruëts bañaan-bajin bëlieng, pa na wël ubiira un dits wi ka ba, pa biki m wëlul biki bëlieng.

KAKÚRAN-KAWAR YEESU KRISTU BI JOŊ LEENŢ BI KUL AJA 17:24

Paapa, ma ŋal tsi n ci tsi, biki m wëlin biki ka ci buts tsul ni nji, pa bukul pëwin përëmb nji pi m wëlin pi. Par, umundu ruka ka leempa, a m ŋalin.

KAKÚRAN-KAWAR YEESU KRISTU BI JOŊ LEENŢ BI KUL AJA 17:26

Man tsu bukul a ba me katimu; mán tsu bukul bu kë pe këpe pëme kul. Unk, bëŋal bi m ŋalin bi ka ci di bukul, nji buts ka ci di bukul.”

KAKÚRAN-KAWAR YEESU KRISTU BI JOŊ LEENŢ BI KUL AJA 17:7

Inkri, bë me ne, ngëko bëlieng ngi m wëlin ngi apënë-ni tsi wi.

KAKÚRAN-KAWAR YEESU KRISTU BI JOŊ LEENŢ BI KUL AJA 18:9

Aja ank, pa pëbandan përim pa n ja pi: “Nin naloole tsi biki m wëlin biki niamënatsin.”

KAKÚRAN-KAWAR YEESU KRISTU BI JOŊ LEENŢ BI KUL AJA 6:37

Bañaan biki Asin nji wëlin biki bëlieng, bu ka bi tsi nji; a nan bii tsi nji, yaas a ka gutsarul utsand.

KAKÚRAN-KAWAR YEESU KRISTU BI JOŊ LEENŢ BI KUL AJA 6:39

A uŋal na yëliini ci wun wi: Pa nin naloole tsi biki na wëlin biki bëlieng tsë niamënin, maa nji pënatsani bukul di pëcäts, tsi unu utuami.

KAKÚRAN-KAWAR YEESU KRISTU BI JOŊ LEENŢ BI KUL AJA 8:51

Mán leents ind ucär: Uci ñaan mob tsi përim nji, di ka win pëcäts pa sandëndën.”

KAKÚRAN-KAWAR YEESU KRISTU BI JOŊ LEENŢ BI KUL AJA 8:52

A Bajudeu jaul: “Inkri, wund ame m niaja ucaay. Abraam a cäts, ŋal bayëlia buts; a wi, m ja: ‘Uci ñaan mob tsi irim nji, di ka teenaman pëcäts, pa sandëndën.’

NGËRO 13:48

A ban cits biki Bajudeu kë te ko wan, ba lílan a ba ci tsi përëmban përim Ajug; a ban do biki jaakara ubiira un dits wi ka ba, wak bëlieng.

ROOMA 11:2

Nasien-batsi bërats bañaanul, biki na me biki ki uwal ujon. Ane nda meets ko wi Bëpica n ja wi tsi uleka Eliyas, bi nu ñakanaan bi Nasien-batsi, a na natsara Israel a nuu ja:

2 KORINTU 4:6

Par Nasien-batsi na njai: ufac fietsan tsi pëncuaf krëm; a nul bërierul fiets un di ngëwaas nja pa pëwël nja ufac ume përëmb Nasien-batsi tsi urostu Këristu.

KOLOS 3:16

Përim Këristu, ni bëka pul bëlieng, pa ciin tsi ind. Ni kameko bëlieng, nda ciin tsi puu jukan, ni tsi puu tseendar ibats. tsi ngëwaas ind, nda yaan Nasien-batsi iya ubëndan, ni iya-ubaran, ni iya tsi Uwejats-ujënts.

2 TIMOTEU 1:13

Teenëni irim iwar i n leents yunk a m te; liincandari ni uwak ni bëŋal tsi Këristu Yeesu.

BAYEBËREU 2:12

bi na ja bunk: “Mán leents batsaar ni nji katimu; mán yau iya ubëndan tsi pëncuaf bëjúk.”

BAYEBËREU 3:6

Maa Këristu amob tsi përim, undo bi na ci bi Abuk a na tsijëna kato Nasien-batsi. A kato kamënts, n ja ci bukun kul, uci ngë mob aliincan tsi bëyeentsal ni upícëni tsi uwats.

1 PER 1:1

Per, Napostolu Yeesu Këristu, pa biki Nasien-batsi rat biki, bukul ban garandar biki ee ci batsooŋ di Pontus, ni di Galaasia, ni di Kapadoosia, ni di Aasia, ni di Bitíinia.

1 JOŊ 5:20

A ngë me Abuk Nasien-batsi bi, a na wël nja ume, pa n ja pëyëkëran Nacar nun. Nja ngë ci tsi Nacar nun, un ci wi, tsi Abukul, Yeesu Këristu. Namëntsi ci-un Nasien-batsi Nacar, ni ubiira un dits wi ka ba.

UPIBAN 2:13

‘Ma me tsi m ciina tsi: tsul tsi pëtsoari-pësien Useetaani ci tsun. Maa, m mob tsi katim nji m liincan, a m wëtaants uwak nji, ŋal uwal wi Antipas fiŋa wi, nul nan ci namaatir-ngëmiñ, na mobi tsi ngul; afiŋa tsi pëncuaf ind, tsul tsi Useetaani ciina tsi.

UPIBAN 3:10

Undo m mob tsi përim umiira nji, nji buts mán dandanu uler wi pëteenamana kë baandë-ni wi umundu upëban, pa pëteenaman ban ciina biki umundu.

UPIBAN 3:8

‘Ma me ngi m ja ngi m doon kuu ro. Teenan-e! Man tsu tsi bërunu pëlëman pa waantsa pi, pi ñaan yëlaants pi përíc. Ma me m tienkëts pëyëlan, maa m mob tsi përim nji a m wëtaants katim nji.