KAKÚRAN-KAWAR YEESU KRISTU BI JOŊ LEENŢ BI KUL AJA 17:3 - KARÚK-PËRIM KAWALU Nouveau Testament

³ A ubiira un dits wi ka ba, aci bukul pëmeu, wi rin Nasien-batsi nacär, ni Yeesu Këristu, nul ni m yëlii.

KAKÚRAN-KAWAR YEESU KRISTU BI JOŊ LEENŢ BI KUL AJA 17:3 ပူးပေါင်းရင်းမြစ်များ

MARKU 9:37

“Ñaan na welani nalon tsi upäts uties biki tsi katim nji, nji ni na welan un. A ñaan na welanini, cits nji ni na welan un, maa na yëliini.”

LÚKAS 9:48

na ja bukul: “Na welani napäts naties ni, tsi katim nji, awelanin. A na welanini, awelan na yëliini. Par, nan pei pëci ñaan naties tsi ind bëlieng, ci-un ñaan nawiak.”

KAKÚRAN-KAWAR YEESU KRISTU BI JOŊ LEENŢ BI KUL AJA 10:36

a ni Asin patsani a na yëliul tsi umundu, nul ni nda ja un: ‘Wi kë kar Nasien-batsi;’ undo bi n ja bank man ci Abuk Nasien-batsi-a?

KAKÚRAN-KAWAR YEESU KRISTU BI JOŊ LEENŢ BI KUL AJA 11:42

Ma me m ja m doon kuu cikëndënin. Maa, undo kandënd bañaan ba nats bikink afayin, wul ka wun nja ank, pa bukul pëfiaar u ci wi yëliin un.”

KAKÚRAN-KAWAR YEESU KRISTU BI JOŊ LEENŢ BI KUL AJA 14:26

Maa natsënk ka bi, nul Uwejats-ujënts, wi Asin nji kë wëtani wi tsi katim nji. Wul kee jukan ind wun ngëko bëlieng; u tsu ind pëles ngëko bëlieng ngnja ind ngi.

KAKÚRAN-KAWAR YEESU KRISTU BI JOŊ LEENŢ BI KUL AJA 17:18

Bi m yëliin bi tsi umundu, unk buts bi ndu n yël bun bukul tsi umundu.

KAKÚRAN-KAWAR YEESU KRISTU BI JOŊ LEENŢ BI KUL AJA 17:21

pa bukul bëlieng pëci baloole, bi m ci bi di nji, Paapa, a n ci di wi, bukul buts bu ka ci di nja. Unk, pa bañaan umundu pëfiaar u ci wi yëliin un.

KAKÚRAN-KAWAR YEESU KRISTU BI JOŊ LEENŢ BI KUL AJA 17:23

nji di bukul, wi di nji, pa bu ka ba pëci baloole, pa bañaan umundu pëme u ci wi yëliin un, a m ŋal bukul bi m ŋalin bi.

KAKÚRAN-KAWAR YEESU KRISTU BI JOŊ LEENŢ BI KUL AJA 17:25

Paapa, namabal, bañaan umundu meetsu, maa nji man meu; a biki me u ci wi yëliin un.

KAKÚRAN-KAWAR YEESU KRISTU BI JOŊ LEENŢ BI KUL AJA 17:8

Par, ma wël bukul irim i m wëlin yi, a ba yank yul; tsi ucär bë me ne, di wi di n pënë-ni run, a ba fiaar u ci wi yëliin un.

KAKÚRAN-KAWAR YEESU KRISTU BI JOŊ LEENŢ BI KUL AJA 3:17

Nasien-batsi yëlatsi Abukul tsi umundu pii wat bañaan umundu pëleents, maa pa bañaan umundu pëbueranaana tsi nul.

KAKÚRAN-KAWAR YEESU KRISTU BI JOŊ LEENŢ BI KUL AJA 3:34

Par, ni Nasien-batsi yëli unk, ka leents irim Nasien-batsi, par Nasien-batsi ka wëlul Uwejats te di ka niib.

KAKÚRAN-KAWAR YEESU KRISTU BI JOŊ LEENŢ BI KUL AJA 5:44

Um bi nda yëlan bun pëwak? Ba nda ja nan dooni nu yank Ubëdan tsi bacintsul, a nda ri ka tsas Përëmb pa pënë-ni pi tsi Nasien-batsi baŋ.

KAKÚRAN-KAWAR YEESU KRISTU BI JOŊ LEENŢ BI KUL AJA 6:57

Bi Asin nji nan kai ubiira yëliin bink, a nji buts a n kaana ubiira tsi Asin nji, unk buts, ñaan ni n ci barialaul, në ka ubiira tsi nji.

KAKÚRAN-KAWAR YEESU KRISTU BI JOŊ LEENŢ BI KUL AJA 7:29

Nji man meul, par man pënë-ni di nul, a nul yëliin un.”

KAKÚRAN-KAWAR YEESU KRISTU BI JOŊ LEENŢ BI KUL AJA 8:19

Din, a ba jaul: “Asinu, aci tsum?” A Yeesu yank bukul aja: “Nda meetsin, nin nda meets Asin nji. Uci nda ro mein, nda bi ka ro me buts Asin nji.”

1 KORINTU 15:34

Nda kakari ngëwejats butsëkal, ind tsë juban. Par balon netse ka ume Nasien-batsi; ma nja ko wan pa pëkawaran ind.

1 KORINTU 8:4

Tsi uleka kare ngëko nga n jakana ngi tsi icap, ngë me ne, pëcap bërier pul cits ko tsi umundu, a ngë me Nasien-batsi nalon cits, ucits ba naloole rin.

2 KORINTU 4:6

Par Nasien-batsi na njai: ufac fietsan tsi pëncuaf krëm; a nul bërierul fiets un di ngëwaas nja pa pëwël nja ufac ume përëmb Nasien-batsi tsi urostu Këristu.

FILIIPUS 3:10

Man ŋal pëme Këristu, ni pëyëlan pënatsa pi na natsee pi di pëcäts, ni kambof tsi unoor wi na noor wi ba kënoor, ka ruka n naam pi nul tsi pëcätsul,

FILIIPUS 3:8

Tsi ucär, man tsu ngëko bëlieng pi kaniaman-ko, undo ko un pe wi pëwara, un ci wi pëme Këristu Yeesu, Ajug nji. Tsi undoul a n niaman ngëko bëlieng. Man tsu ngul pi ngëtsopal ngan gutsaa ngi. Unk ka ka Këristu,

1 TESALONIKA 1:9

Par bukul bërier bukul, bë ci tsi pëñakanaan uleka wund, bi bu kë leents bi pëwelan pi nda welan wund pi, ni bi nda witsësa bi pa Nasien-batsi. A nda wëtan icap, pa pëleempar Nasien-batsi nayësal a na ciind nacär.

2 TESALONIKA 1:8

di bametsu kandiamënt bërua, në lukan ba meets biki Nasien-batsi, ni ban fetsats biki përim Upetsan-uwar Ajug nja Yeesu.

BAYEBËREU 3:1

Batsaar ni nji, bayëman, ind ban bof biki tsi karua batsi, nda teenan tsi Yeesu, nul Napostolu a na ciind Nan pei pëci nawiak-bajakan tsi uleka uwak nja wi ngë pets wi.

2 PER 1:2

Bëtseend ba watsësaan ind ni pëfac, ndë cum ni ume Nasien-batsi, ni wi Yeesu, Ajug inja.

2 PER 1:3

Pëyëlan Nasien-batsi awël nja ngë ko bëlieng, ngi kan tsu nja ngi pëka ubiira ni puu lënk Nasien-batsi, ni pëtsu nja pëme uwar nan duuri nja unk përëmbul ni kawara-uwaasul.

2 PER 1:8

Par uci ngëko ngëmënts ngi ci di ind, a nguu watsësar, ngë tsu ind përits ci barika-ro ko, ni ban dits biki ka buk mbuk, tsi ume Yeesu Këristu Ajug inja.

1 JOŊ 1:2

Ubiira apibandari, a wund win wul, wund leents uleka wul, aleents ind ubiira un dits wi ka ba; wul aro ci ni Asin, a wund pibana wul.

1 JOŊ 1:3

Ko wi wund win wi a wund teend, wul wi wund ci wun tsi pëleents ind buts, pa ind pëbof tsi manteelar ni wund. Te manteelar wund aci ni Asin, ni Yeesu Këristu Abukul.

1 JOŊ 2:23

Ñaan nan bëri ba këbër Abuk, kaats Asin. Na niirani Abuk, aka buts Asin.

1 JOŊ 4:6

Nja ngë ci biki Nasien-batsi. Na mei Nasien-batsi, ka cikëndën inja. Nan citsi ni Nasien-batsi, di ka cikëndën inja. Tsi ko wi, tsi ngë yëkëraan tsun uwejats ucär, ni uwejats kaguus-ko.

1 JOŊ 5:20

A ngë me Abuk Nasien-batsi bi, a na wël nja ume, pa n ja pëyëkëran Nacar nun. Nja ngë ci tsi Nacar nun, un ci wi, tsi Abukul, Yeesu Këristu. Namëntsi ci-un Nasien-batsi Nacar, ni ubiira un dits wi ka ba.