KAKÚRAN-KAWAR YEESU KRISTU BI JOŊ LEENŢ BI KUL AJA 17:23 - KARÚK-PËRIM KAWALU Nouveau Testament

²³ nji di bukul, wi di nji, pa bu ka ba pëci baloole, pa bañaan umundu pëme u ci wi yëliin un, a m ŋal bukul bi m ŋalin bi.

KAKÚRAN-KAWAR YEESU KRISTU BI JOŊ LEENŢ BI KUL AJA 17:23 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 10:38

Maa uci n do ngul, ŋal bi nda wakats bi tsi nji, nda wakan tsi nga dola ngi, pa ind pëme, ndë yëkëran Asin nji ci di nji, a n ci di Asin nji.”

KAKÚRAN-KAWAR YEESU KRISTU BI JOŊ LEENŢ BI KUL AJA 13:35

Uci nda ŋalëlar, tsul tsi bañaan bëlieng kë meena tsun nda ci bafetsin.”

KAKÚRAN-KAWAR YEESU KRISTU BI JOŊ LEENŢ BI KUL AJA 14:10

M fiaarats n ci di Asin nji, a Asin nji ci di nji-a? Irim in ci yi tsi pëja ind, cits nji bërierin n tsuar un pëja yul. Maa Asin nji, nul nan ci di nji, ci-un tsi përo ngiicul.

KAKÚRAN-KAWAR YEESU KRISTU BI JOŊ LEENŢ BI KUL AJA 14:23

A Yeesu yankul aja: “Uci ñaan ŋalin, në mob tsi përim nji, Asin nji ka ŋalul, wund ka bi tsi nul, wund ka ciina tsi nul.

KAKÚRAN-KAWAR YEESU KRISTU BI JOŊ LEENŢ BI KUL AJA 15:9

Bi Asin nji ŋalin bunk, nji buts ma ŋal ind; nda moban tsi pëci tsi bëŋal nji.

KAKÚRAN-KAWAR YEESU KRISTU BI JOŊ LEENŢ BI KUL AJA 16:27

Par, Asin bërierul aŋal ind, undo nda ŋalin a nda fiaar n pënë-ni di Nasien-batsi.

KAKÚRAN-KAWAR YEESU KRISTU BI JOŊ LEENŢ BI KUL AJA 17:11

Nji n katse ink a n ci tsi umundu, maa, bukul bë wam tsi wul; a nji mán bi di wi. Paapa, kanpatsana, waayan bukul tsi katimu ki m wëlin ki, pa bukul pëci baloole, pinja.

KAKÚRAN-KAWAR YEESU KRISTU BI JOŊ LEENŢ BI KUL AJA 17:21

pa bukul bëlieng pëci baloole, bi m ci bi di nji, Paapa, a n ci di wi, bukul buts bu ka ci di nja. Unk, pa bañaan umundu pëfiaar u ci wi yëliin un.

KAKÚRAN-KAWAR YEESU KRISTU BI JOŊ LEENŢ BI KUL AJA 17:24

Paapa, ma ŋal tsi n ci tsi, biki m wëlin biki ka ci buts tsul ni nji, pa bukul pëwin përëmb nji pi m wëlin pi. Par, umundu ruka ka leempa, a m ŋalin.

KAKÚRAN-KAWAR YEESU KRISTU BI JOŊ LEENŢ BI KUL AJA 17:26

Man tsu bukul a ba me katimu; mán tsu bukul bu kë pe këpe pëme kul. Unk, bëŋal bi m ŋalin bi ka ci di bukul, nji buts ka ci di bukul.”

KAKÚRAN-KAWAR YEESU KRISTU BI JOŊ LEENŢ BI KUL AJA 17:3

A ubiira un dits wi ka ba, aci bukul pëmeu, wi rin Nasien-batsi nacär, ni Yeesu Këristu, nul ni m yëlii.

KAKÚRAN-KAWAR YEESU KRISTU BI JOŊ LEENŢ BI KUL AJA 17:8

Par, ma wël bukul irim i m wëlin yi, a ba yank yul; tsi ucär bë me ne, di wi di n pënë-ni run, a ba fiaar u ci wi yëliin un.

KAKÚRAN-KAWAR YEESU KRISTU BI JOŊ LEENŢ BI KUL AJA 3:17

Nasien-batsi yëlatsi Abukul tsi umundu pii wat bañaan umundu pëleents, maa pa bañaan umundu pëbueranaana tsi nul.

KAKÚRAN-KAWAR YEESU KRISTU BI JOŊ LEENŢ BI KUL AJA 6:56

Nan dei uliaf nji a na raan pëñaak nji, ka mob tsi pëci tsi nji, a nji mán mob tsi pëci tsi nul.

1 KORINTU 1:30

Maa ind nda ci bayiicul tsi Këristu Yeesu, nul nan dukee ciir nja ka meko kan pënë-ni ki tsi Nasien-batsi, ni bëmabal, ni uyëman, ni kaluk-pëbuer.

2 KORINTU 5:21

Nul Këristu nan kaatsi ujuban, Nasien-batsi tsul a na ci ujuban; pa tsi nul, nja ka ci bëmabal Nasien-batsi.

GALAASIA 3:28

Unk, katse ka Najudeu nin nagërek; katse ka naluek nin nafacal; katse ka niints nin ŋaats; par ind bëlieng nda ci baloole tsi Këristu Yeesu.

FILIIPUS 3:15

Bi u ci bank, n ja bëlieng ban jëŋ biki, nda ju ngë tsij uwejats umënts wun. A uci ko ci, wi nda pats wi buwejatsar tsi wul, Nasien-batsi kee jëntsan ind wul buts.

KOLOS 1:28

Nul Këristu, nul ni wund ci-un tsi pëleents bañaan; uja kara ñaan në car ka leentsa, kara ñaan nuu jukana tsi kameko bëlieng, pa kara ñaan wund ka bandanul na ba pëjëŋ tsi Këristu.

KOLOS 2:2

Unk bu ka liinc-liincana ngëwaas, bu ka ci baloole tsi bëŋal. Din tsi bëka ban ci bi ba këci, bu ka tsënkan pëcum ni bëlipal, pëme wi Nasien-batsi undoots wunk mea, un ci wi Këristu;

KOLOS 3:14

A tsi ruets ngëmënts ngan bëlieng, nda tiemaan bëŋal, un ci wi, ko wi ka mobulan wi ngul bëlieng tsi pëba pëwara.

1 PER 5:10

Maa Nasien-batsi nul Ajug bëtseend ban ci bi ba këci, nandui indi tsi Këristu pa përëmbul pan dits pi ka ba, nul ka natsan ind un bërierul uwal wi nda par wi tsi unoor. Në liincan ind, në liinc-liincan ind ngëwaas, në tsu ind përits lëga-lëga.

1 JOŊ 1:3

Ko wi wund win wi a wund teend, wul wi wund ci wun tsi pëleents ind buts, pa ind pëbof tsi manteelar ni wund. Te manteelar wund aci ni Asin, ni Yeesu Këristu Abukul.

1 JOŊ 3:1

Nda teenan bëŋal bëwiak bi Asin wël nja bi, a u tsënkëna‎ tsu nja puu jakaa upäts Nasien-batsi. Tsi ucär ngë ci upäts Nasien-batsi. Wul ka wun bañaan umundu meetsi nja par bu meetsul.

1 JOŊ 4:19

Nja ngë ka bëŋal, par Nasien-batsi ŋal nja un bërun.

UPIBAN 3:9

Teenan-e! Mán wëlu balon bañaan, biki kato-kajúki Useetaani, bukul ban ja biki bërier bukul bë ci Bajudeu te bë cits, par bu tsup. Nji ka n tsu ink bukul ba bi, bu ka lëm ngërostu tsi bërun itsiimu, din bu ka me n ŋalu.