KAKÚRAN-KAWAR YEESU KRISTU BI JOŊ LEENŢ BI KUL AJA 15:27 - KARÚK-PËRIM KAWALU Nouveau Testament

²⁷ Ind buts nduu leents, par nda ci ni nji ki ujuundi.

KAKÚRAN-KAWAR YEESU KRISTU BI JOŊ LEENŢ BI KUL AJA 15:27 ပူးပေါင်းရင်းမြစ်များ

MARKU 1:1

Ujuundi Upetsan-uwar Yeesu Këristu nul Abuk Nasien-batsi.

LÚKAS 24:48

Nda ci ba maatir biki ngëmënts ngi.

KAKÚRAN-KAWAR YEESU KRISTU BI JOŊ LEENŢ BI KUL AJA 19:35

Na winuli, aleents ko un par wi; a ko wi na leents wi, aci ucär. Nul ame ko wi na ja wi ci ucär, pa ind pëwak buts.

KAKÚRAN-KAWAR YEESU KRISTU BI JOŊ LEENŢ BI KUL AJA 21:24

Nafets namëntsi, ci-un ni ka leents ink uleka ngëko ngi, a nul pican un ngul. A wund me, ko wi na leents wi aci ucär.

NGËRO 1:8

Maa ndu yank pëyëlan, uwelee Uwejats-ujënts tsi ind, din ndë ci bamaatir ngëmíñ, di Jerusalem, unk buts di Judeeya bëlieng, ni di Samaaria, te di ngëntsañi umundu.”

NGËRO 13:31

a ban do bukunk ci ni nul di Galileeya pa Jerusalem, winul ngënu ngëcumal; a inkri, tsi bërun bañaan, bukul ci bukun ba maatir biki ngiicul pa pëleents bañaan.

NGËRO 18:5

Bi Silas ni Timoteu pëni bi Masedoonia abaandi, Pol baar tsi kaleents-përim a nuu piban Bajudeu u ci Yeesu ci-un Këristu.

NGËRO 23:11

Tsi bërëm ban neki bi, Ajug pibandar tsi bërun Pol a na ja: “Liincandari! Par, bi m leents bunk uleka nji di Jerusalem, unk di m ka run pëleents buts uleka nji di Rooma.”

NGËRO 3:15

A nda fiŋ Kantsijëna ubiira nul ni Nasien-batsi natsanii di bacäts, a wund ci bamaatir.

NGËRO 4:20

Par wund yëlants pëwët pëñakanaan bañaan tsi ko wi wund win wi, a wund teend.”

NGËRO 4:33

Ni pëyëlan pëwiak, a bapostolu kë leents bi Yeesu, Ajug, natsee bi di pëcäts; a bëtseend bëwiak ro ci tsi bukul bëlieng.

1 PER 5:1

Mán liinc-liincan ngëwaas bajëŋal ban ci biki tsi ind, nji nan ci najëŋal pi bukul, a n ci namaatir ngënoor Këristu; a n bofëna tsi përëmb pan ka pi pëpibana.

1 PER 5:12

Aci Silwaanu, nul natsaar ni ind na mobi tsi uwak, ni fiaari, nul tsënkin un a n picandëri ind uletar uties wi, pa pëliinc-liincan ind ngëwaas, ni pëleents ind u ci tsi bëtseend Nasien-batsi bëcär, bi nda ciina bun.

1 JOŊ 4:14

Wund awin, a wund leents Asin yëli Abukul pa pëci Nabueran umundu.

UPIBAN 1:2

a Joŋ leents ko wi na win wi ba këwin, un ci wi, përim Nasien-batsi ni ko wi Yeesu Këristu maatir wi a na leents.

UPIBAN 1:9

Nji Joŋ, nan tsaari ni ind, acints ind tsi unoor, ni tsi pësien, ni tsi pëtambandar tsi Yeesu, man ci di unjiu Patëmos, undo përim Nasien-batsi ni pëleents uleka Yeesu.