KAKÚRAN-KAWAR YEESU KRISTU BI JOŊ LEENŢ BI KUL AJA 15:16 - KARÚK-PËRIM KAWALU Nouveau Testament

¹⁶ Cits ind ratin bukun; maa man dat ind, a n tsu ind nda tsëp, ndë tsij mbuk, mbuk ind kë cirin. Pa ko wi nda yep wi ba këyep Asin tsi katim nji, në wël ind wul.

KAKÚRAN-KAWAR YEESU KRISTU BI JOŊ LEENŢ BI KUL AJA 15:16 ပူးပေါင်းရင်းမြစ်များ

MATEU 21:22

Ko wi nda yep wi ba këyep tsi bëñaan, a nda mob tsi uwak, ndë wëlaa.”

MATEU 7:7

Nda yepan, ndë wëla; nda tsasan, ndë win; nda kob-kobani, pëlëman ka waantsa ind.

LÚKAS 6:13

Ujënts unu, na rui bafetsul, na rat untaaja ni batëb tsi bukul, na tsu bukul pëci bapostolu:

KAKÚRAN-KAWAR YEESU KRISTU BI JOŊ LEENŢ BI KUL AJA 13:18

Nji n ñakanaanats uleka ind bëlieng, par man me biki n dat biki. Maa aci pa pëbandan ko wi Bëpica n ja wi: ‘Nan ci tsi përe pëpom nji, ariang pësuanjul pëkamanin.’

KAKÚRAN-KAWAR YEESU KRISTU BI JOŊ LEENŢ BI KUL AJA 15:19

Uci nda ro ci biki umundu, umundu ka ro ŋal ko un ci wi wiic wul. Bi nda cits bi biki umundu, maa ndul di n datëni ind run, wul ka wun umundu ñaas ind.

KAKÚRAN-KAWAR YEESU KRISTU BI JOŊ LEENŢ BI KUL AJA 15:5

Nji n ci un bëbiiñu, a nda ci ina. Na mobi tsi pëci tsi nji, a n mob tsi pëci tsi nul, në tsij mbuk mcumal. Par ucits ba ni nji, nda yëlanats përo ko.

KAKÚRAN-KAWAR YEESU KRISTU BI JOŊ LEENŢ BI KUL AJA 6:70

A Yeesu yank bukul aja: “Ind untaaja ni batëb, cits iink nji n dat ind un-a? Maa nalon tsi ind aci Ujabël.”

NGËRO 1:24

A ba ñaan aja: “Wi Ajug, na mei ngëwaas bañaan bëlieng, pibani ni m dati tsi batëb biki,

NGËRO 1:8

Maa ndu yank pëyëlan, uwelee Uwejats-ujënts tsi ind, din ndë ci bamaatir ngëmíñ, di Jerusalem, unk buts di Judeeya bëlieng, ni di Samaaria, te di ngëntsañi umundu.”

NGËRO 10:41

cits bañaan bëlieng winul bukun, maa bamaatir, biki Nasien-batsi ro biki car arat, un ci wi, wund ban diala biki ni nul, a wund raan tsëloole, bi na natsee bi di bacäts.

NGËRO 22:14

Na ja: ‘Nasien-batsi basin nja acar aratu pa pëme bëŋalul, ni pëwin bëmabalul, ni pëte përimul bërierul.

NGËRO 9:15

Maa, Ajug jaul: “Tsëpan, par namëntsi, aci kaŋí ki n dat ki pa pëtsëpand katim nji tsi bërun ban cits biki Bajudeu, ni basien, ni babuk Israel.

ROOMA 1:13

Batsaar ni nji, in ŋalats ind pëmeets ne, ngëyaas ngëcumal ngi n yecis ngi pëbi di ind, pii ka buts këlon këbuk tsi ind, bi n ka bi buts tsi ban cits biki Bajudeu; maa te inkri a n laaŋa.

ROOMA 1:5

A tsi nul, tsi wund yankëna tsun bëtseend ni pëci bapostolu, pa pëtsu ban cits biki Bajudeu bëlieng ba niiran uwak tsi katimul;

ROOMA 15:4

Par un do wi picana ba bëlieng uwal ujon, apicandara pëjukan nja pa nja ka ka uwats, tsi undo umiira ni kaliinc-liincan uwaas ki Bëpican wël ki.

ROOMA 9:21

Ane naniew iliiki kaats na roon, në jej bëni bëloole bun, na niewuna pëlon pëliiki pa ko un ka wi bëkat, ni pëcints pa ko un kaats wi bëkat-a?

1 KORINTU 10:11

Ngëko ngi abaandë-ni bukul, pa nga ci upibanaani inkri; a nga picana, pa pëcar pëleentsi nja nja biki uwal utuami kë tsënki biki.

GALAASIA 1:15

Maa bi u líl bi Nasien-batsi, nul nan patsanini ki wam ki di pëpës anin nji, a na ruin tsi bëtseendul,

EFEESU 2:10

Par ngë ci ko wi Nasien-batsi leemp wi. Aleemp nja tsi Yeesu Këristu pa ngëwar ngi na ro ngi yecis ba, pa n ja pëci tsi përo ngul.

KOLOS 1:23

Maa nda ka nda roon ndë liincandar tsi uwak, ndë ci tsi ujuundi ndë liincand; pa përits pënanaa tsi uwats Upetsan-uwar wi nda te wi, wul u leentsaa wi ajëk bañaan umundu bëlieng tsi utsia batsi, a wul wi n duka wun n ci naleempar, nji Pol.

KOLOS 1:6

un baandi wi tsi ind. A bi u buk bunk a uu ya këya bërun tsi umundu bëlieng, unk di u ci run tsi përo tsi pëncuaf ind, ki unu wi nda te wunk uleka bëtseend Nasien-batsi a nda me bul tsi ucär.

1 TIMOTEU 2:7

undo un pibana wink, ka wun n tsua pëci naleents përim ni Napostolu – nji n tsupats, man leents ucär – a n tsuunda pëci najukan bañaan ban cits biki Bajudeu ko un ci wi uwak, ni ucär.

2 TIMOTEU 1:11

Undo Upetsan-uwar wi, ka wun n tsua pëci naleents-përim, ni Napostolu, ni najukan.

2 TIMOTEU 2:2

A ko wi n leents wi tsi bërun bacumal ba maatir biki a m te, tergaari wul bañaan ba mob biki tsi uwak, biki kan yëlan biki buts pëjukan wul balon.

TIITU 1:5

Man duku di Këreeta, undo ko wi: pa wi pëtuam pënatsan nganduka ngi a baats pënatsana, ni pëja di kara përaasa kë tsu bajëŋal, bi tsuu bi përo:

BAYEBËREU 11:4

Uwak, wi Abel wëlëna wun Nasien-batsi bëjakan ban pe bi bi Kain. Undo wul a na jaka aci namabal, uwal wi Nasien-batsi ñakan wunk uwar tsi uleka ngi nul Abel wël ngi. A uwak ka wun na wama ka ñakan, ŋal bi na cäts bi.

JAKOB 3:18

Batsas pëfac pa ci, bu ka ro ngëko bëmabal tsi pëfac.

1 PER 3:15

maa nda yëmani Këristu di ngëwaas ind, nul nan ci Ajug. Nda ciin ban bayecisër ngënu bëlieng, pa pëyankës na yepar indi ba këyepar, uleka uwats un ci wi tsi ind.

1 PER 3:2

Par bu ka win bëci ind bujënts, ba rispitaara bi.

1 JOŊ 4:10

Tsi ko wi, tsi bëŋal ciina tsun: cits pëjaa n ja ŋal bukun Nasien-batsi, maa nul ŋal nja un a na yëli Abukul, pa na ci bëjakan bi kan pënan bi ngëjuban inja.

1 JOŊ 4:19

Nja ngë ka bëŋal, par Nasien-batsi ŋal nja un bërun.