KAKÚRAN-KAWAR YEESU KRISTU BI JOŊ LEENŢ BI KUL AJA 14:27 - KARÚK-PËRIM KAWALU Nouveau Testament

²⁷ Mán dukar ind pëfac; pëfac nji, mán wël ind pul. In di ka wël bi umundu kë wël bi. Ngëwaas ind tsë coka, te ind tsë ci ni bëlal.

KAKÚRAN-KAWAR YEESU KRISTU BI JOŊ LEENŢ BI KUL AJA 14:27 ပူးပေါင်းရင်းမြစ်များ

MATEU 10:26

Wul ka wun, ind tsë lal bukul; par kaats ko un kunda wi, un dits wi ka kundësa, nin un beka wi, un dits wi ka mea.

LÚKAS 1:79

pa pëfiets ban ci biki tsi karëm, a pëcäts límtsan kul, pa pëkaŋan iyots nja tsi bëga bi kan tsij nja bi tsi pëfac.”

LÚKAS 10:5

Kato ki ndu niaj ki, nda jaan bërun: ‘Pëfac, pa ciin tsi kato ki.’

LÚKAS 12:4

“Ifetsar nji, ma n ja ind: Ind tsë lal biki ka fiŋ biki uliaf a uu ba, bë katse ka yëlan përo ulon ko kak.

LÚKAS 2:14

“Përëmb pa ciin pa Nasien-batsi di tsëko tsan pe tsi pëci di ruets, a pëfac pa ciin tsi bañaan biki na lílandër biki tsi umundu.”

KAKÚRAN-KAWAR YEESU KRISTU BI JOŊ LEENŢ BI KUL AJA 14:1

A Yeesu ja kak: “Ngëwaas ind tsë coka. Nda wak tsi Nasien-batsi, nda wakan buts tsi nji.

KAKÚRAN-KAWAR YEESU KRISTU BI JOŊ LEENŢ BI KUL AJA 16:33

Man ja ind ngëmënts ngan, pa nda ka pëfac tsi nji. Nduu ka unoor tsi umundu; maa nda kaan katsëb, man gaañaar umundu ukam.”

KAKÚRAN-KAWAR YEESU KRISTU BI JOŊ LEENŢ BI KUL AJA 20:19

tsi uyër pëcaal unu umënts wun, un ci wi unu ucäk kanëm, a ilëman tsëko tsi bafets ci tsi nigana, undo bë lal Bajudeu. A Yeesu baandi ee nats tsi pëncuaf bukul, a na ja bukul: “Pëfac pa ciin ni ind!”

KAKÚRAN-KAWAR YEESU KRISTU BI JOŊ LEENŢ BI KUL AJA 20:21

A Yeesu kaka ja bukul: “Pëfac pa ciin ni ind! Bi Asin nji yëliin bink, unk buts di n du n yël ind run.”

KAKÚRAN-KAWAR YEESU KRISTU BI JOŊ LEENŢ BI KUL AJA 20:26

A u par ngënu këwas, a bafetsul kaka ci di bametsu, a Tomaas ci ni bukul. Ŋal bi ilëman nigana bi, a Yeesu baandi ee nats tsi pëncuaf bukul, a na ja: “Pëfac pa ciin ni ind!”

NGËRO 10:36

Awëtani përimul pa babuk Israel, pa pëleents bukul Upetsan-uwar pëfac tsi Yeesu Këristu. Namëntsi ci-un Ajug bañaan bëlieng.

NGËRO 18:9

Bëlon bërëm, a Ajug ja Pol tsi bëwinal: “Cats lal; maa ñakani, cats yëŋandar.

ROOMA 1:7

Ind bëlieng biki Nasien-batsi ŋal biki, ban ci biki di Rooma, a nduu rua bayëman, bëtseend ba wëlaan ind ni pëfac pan pënë-ni pi tsi Nasien-batsi, Asin nja ni tsi Yeesu Këristu Ajug.

ROOMA 15:13

Nasien-batsi uwats, na cumani ind ulílan un ci wi-ba këci, ni pëfac, tsi uwak; pa ind pëka uwats uwiak tsi pëyëlan Uwejats-ujënts.

ROOMA 5:1

Inkri, bi ngë tsua bink bamabal tsi uwak, ngë kaana pëfac tsi Nasien-batsi undo Ajug nja Yeesu Këristu.

ROOMA 5:10

Par uci bi ngë ro bi ci iñaasar Nasien-batsi, a pëcäts Abukul tsu nja a ngë kak ateelar ni nul, andes, bi ngë kak bink ateelar ni nul, ubiiraul ka bueran inja.

ROOMA 8:6

Par ko wi uŋal uliaf kë yimpara wi, aci pëcäts; a ko wi Uwejats kë yimpara wi, aci ubiira ni pëfac.

1 KORINTU 1:3

Bëtseend ba ciin ni ind, ni pëfac Nasien-batsi Asin nja ni pi Yeesu Këristu, Ajug.

GALAASIA 1:3

Pëfac Nasien-batsi Asin, ni pi Yeesu Këristu Ajugnjapa ciin tsi ind;

GALAASIA 5:22

Maa ko wi Uwejats Nasien-batsi kë buk wi aci: bëŋal, ni ulílan, ni pëfac, ni umiira, ni karo uwar, ni kawara-uwaas, ni kamob-tsi-uwak,

GALAASIA 6:16

Bañaan bëlieng biki ka yandaar biki tsi utsua umënts wi, pëfac pa ciin ni kayëk-ipës tsi bukul, ni tsi Israel Nasien-batsi.

FILIIPUS 4:7

Unk, pëfac Nasien-batsi, pul pan pe pi ko un yëlan wi pëmeaa, pë gaang ngëwaas ind ni ngëwejats ind tsi Këristu Yeesu.

KOLOS 1:2

pa bayëman ban ciina biki Kolos, batsaar ni wund, ban mob biki tsi Këristu. Bëtseend ba wëlaan ind ni pëfac, pëpën-ni tsi Nasien-batsi, Asin nja.

KOLOS 1:20

a na tsu ngëko bëlieng nga teelaraan ni nul tsi Abuk, uci ank ngan ci ngi tsi utsia oo ngan ci ngi di batsi; bi na tsu bi pëfac a pa ci, undo pëñaakul pi kruusul.

KOLOS 3:15

Pëfac pan ci pi pi Këristu, pa ciin pan tsijëna pi ngëwaas ind, undo nda ruee tsi pul pa pëci uliaf uloole baŋ. Nda ciin babaran.

2 TESALONIKA 1:2

Bëtseend ba wëlaan ind ni pëfac, pëpën-ni tsi Nasien-batsi, Asin, ni tsi Yeesu Këristu, Ajug.

2 TESALONIKA 3:16

Ajug pëfac, nul bërierul na wëlan ind pëfac, pa sandëndën, bi u ci bi ba këci. Ajug na ciin ni ind bëlieng.

2 TIMOTEU 1:7

Par, cits uwejats bëlal wi Nasien-batsi wël nja wun, maa uwejats kayëlan-ko, ni bëŋal, ni butsëkal.

BAYEBËREU 13:20

Nasien-batsi kankaana pëfac, nul nan katii nayafan ngënkaanel nawiak di bacäts, un ci wi Ajug nja Yeesu, undo pëñaak karo-pëloole kan dits ki ka ba.

BAYEBËREU 7:2

Abraam wëlul kafa kaloole tsi ifa untaaja tsi ngëko bëlieng. Ucak, ko wi katimul pac wi, aci nasien bëmabal, a ko wi nasien Salem pac wi, aci nasien pëfac.

UPIBAN 1:4

Joŋ, pa iriisia paaj yun ni ngëlon, di Aasia: Bëtseend ba wëlaan ind ni pëfac, pëpën-ni tsi nan ci, a na ro ci, a nuu bi; ni pëpën-ni tsi Ngëwejats paaj ngun ni ulon ngan ci ngunk tsi bërun pëtsoariul pi pësien;

UPIBAN 2:10

Cats lal nin ko tsi ngi kë ciina ngi tsi unoor. Teenan-e! Ujabël ka guts balon tsi ind di ukalabus, pa ndë teenamana. Ndu noor-noorana te ngënu untaaja. Moban tsi uwak, te tsi pëcäts, din kee wëlu ucape-pësien, wi ubiira.

UPIBAN 21:8

Maa balal, ni ba mobats biki tsi uwak, ni bañutsanuel, ni bafiŋ-bañaan, ni baro ngëko katúk-ufuts, ni baro ngëko bëpene, ni bajintëla-icap, ni ban ci biki bëlieng batsup, tsëko bukul, ka ci bametsu pëwal pi ka yëk punk bërua ni ucof. Ci wun pëcäts pëtëbantsan.”