KAKÚRAN-KAWAR YEESU KRISTU BI JOŊ LEENŢ BI KUL AJA 14:26 - KARÚK-PËRIM KAWALU Nouveau Testament

²⁶ Maa natsënk ka bi, nul Uwejats-ujënts, wi Asin nji kë wëtani wi tsi katim nji. Wul kee jukan ind wun ngëko bëlieng; u tsu ind pëles ngëko bëlieng ngnja ind ngi.

KAKÚRAN-KAWAR YEESU KRISTU BI JOŊ LEENŢ BI KUL AJA 14:26 ပူးပေါင်းရင်းမြစ်များ

MATEU 1:18

Ubukara Yeesu, iink di u ci run: Maaria aninul aci nampëli Juse; maa bë netse ka tsoar a na mob pëpës tsi pëyëlan Uwejats-ujënts.

MATEU 1:20

Maa bi nu wejats bi përo ko wan, a u ka uwaanju Ajug un cili wi tsi nul tsi utsaafi, a u jaul: “Juse abuk Dawid! Tsë lënk pëyank Maaria, aaru. Par amob pëpës maa aci ko un biini wi tsi Uwejats-ujënts.

MATEU 28:19

Bi u ci bank, nda tsëpan, ndë tsu bañaan ban cits biki Bajudeu bëlieng pëci bafetsin; nda mijani bukul di katim Asin, ki Abuk, ni ki Uwejats-ujënts;

MATEU 3:11

Nji, man ci tsi pëmijan ind di mlik, pa pëpibanaan nda yaar ibats. Maa ni kan bii tsi ufets nji, apein pëyëlan-ko. Nul kee mijan ind un di Uwejats-ujënts ni bërua. Nji n tsënkaants pëjaa mán tsijarul iraala.

MARKU 12:36

Dawid bërierul, Uwejats-ujënts atsuul a na ja: ‘Ajug aja Ajug nji: Tsoaran tsi kariir nji aa ka tsu babëru tsi utsia iyotsu.’

MARKU 13:11

Uci ba tsëpand ind ee gutsar bukul, ind tsë wejats ko wi nda ka wi pëja. Maa, ko wi nda a wi pëja tsi uwal umënts wun, nda jaan; par cits ind ka ñakan bukun, maa Uwejats-ujënts.

LÚKAS 1:15

Par ka ci ñaan nawiak tsi bërun Ajug. Di ka raan ubiiñu, nin pëwat pëyëk. Ka wama ci di pëpës aninul, Uwejats ujënts ka cumul.

LÚKAS 1:35

Uwaanju jaul: “Uwejats-ujënts ka welee tsi wi; pëyëlan Kanpe pëci di ruets ka límtsanu. Wul ka wun, nayëman ni kan kee koo jaka, Abuk Nasien-batsi.

LÚKAS 1:41

Elisabet kë te Maaria wël mboos, napäts raŋar di pëpësul; Elisabet cum ni Uwejats-ujënts.

LÚKAS 1:67

Sakaria, asin napäts, cum ni Uwejats ujënts, na car aleents përim, aja:

LÚKAS 11:13

Bi u ci bank, uci ind ban juats bikink ngëwaas, a nda me aatsum pëwël upäts ind ngëko ngëwar, andes Asin ind nan ci di batsi, ba yepul biki Uwejats-ujënts, ka wël bukul wël.”

LÚKAS 2:25

A u ka nalon ñaan di Jerusalem, katimul Simeon; aci namabal, na lënk Nasien-batsi, nuu lip kajuabëtsana-uwaas Israel; Uwejats ujënts ci tsi nul.

LÚKAS 24:49

Nda teenan-e, mán wëtani ind ko wi Asin nji watsan wi. Maa ind, nda rukaan tsi përaasa tsi, te ndë tsënkëna ka tiemana pëyëlan pi kan pëni pi ruets.”

LÚKAS 3:22

Uwejats-ujënts welee tsi nul, anaami unk utuuba. Përim pëni di batsi, pa ja: “Wi ci-un Abuk nji na ŋalee; man lílandëru mak.”

KAKÚRAN-KAWAR YEESU KRISTU BI JOŊ LEENŢ BI KUL AJA 1:33

Nji n doots n meul, maa na yëliini pii mijan di mlik, nul jain un: ‘Ni m wini Uwejats welee ee jut tsi nul, nul ci-un ni ka mijan indi di Uwejats-ujënts.’

KAKÚRAN-KAWAR YEESU KRISTU BI JOŊ LEENŢ BI KUL AJA 12:16

Tsi ujuundi, bafets Yeesu meets ko wi ngëmënts ngan pac wi; maa uwal wi Yeesu rëmbana wi, din a ba les ngëmënts ngan ro picana tsi ulekaul, a ngul ngi na rolaa ngun.

KAKÚRAN-KAWAR YEESU KRISTU BI JOŊ LEENŢ BI KUL AJA 14:16

Mán yep Asin nji, në wëli ind nalon natsënk, pa në ci ni ind pa sandëndën,

KAKÚRAN-KAWAR YEESU KRISTU BI JOŊ LEENŢ BI KUL AJA 14:25

Man ja ind ko wi, bi n wama bink a n ci ni ind.

KAKÚRAN-KAWAR YEESU KRISTU BI JOŊ LEENŢ BI KUL AJA 15:26

Ubi natsënk ni ndu n wëtani indi na pënëni tsi Asin nji, nul Uwejats ucär un pënëni wi di Asin nji, wul ka leents uleka nji.

KAKÚRAN-KAWAR YEESU KRISTU BI JOŊ LEENŢ BI KUL AJA 16:7

Maa mán leents ind ucär: Ko un pe wi pëkat pa ind, aci nji pëtsëp; par uci n tsëpats, natsënk di ka bi tsi ind. Maa uci n tsëp, kee wëtani ind nul.

KAKÚRAN-KAWAR YEESU KRISTU BI JOŊ LEENŢ BI KUL AJA 2:22

A bi Yeesu natsee bi di pëcäts, a bafetsul les na ro ñakanaan bukul ko wi, a ba uwak tsi Bëpican, ni tsi përim pi na ja pi bukul.

KAKÚRAN-KAWAR YEESU KRISTU BI JOŊ LEENŢ BI KUL AJA 20:22

Bi na ba bi pëja ko wan, a na futsar bukul, na ja bukul: “Nda yankan Uwejats-ujënts.

KAKÚRAN-KAWAR YEESU KRISTU BI JOŊ LEENŢ BI KUL AJA 6:45

Iink ri u picana run di ulibëru bayëlia: ‘Bu ka ci bëlieng biki Nasien-batsi jukan biki.’ Wul ka wun, ñaan nan cikëndëni Asin nji, a na niiran bëjukanul, ka bi tsi nji.

KAKÚRAN-KAWAR YEESU KRISTU BI JOŊ LEENŢ BI KUL AJA 7:39

Yeesu ja ko wan, uleka Uwejats-ujënts wi bawak tsi nul kii yank wi; par Uwejats-ujënts netse ro wëlaa, par Yeesu netse ro rëmbanaa.

NGËRO 1:2

te unu wi na tsëpanda wi batsi, bi na ba bi pëwël bapostolu ngëtsua tsi pëyëlan Uwejats-ujënts, bukul biki na rat biki.

NGËRO 1:4

Bi na ci bi tsi bariala ni bukul, na ja bukul: “Ind tsë pën tsi Jerusalem; nda lipan ko wi Asin watsan wi, a nda te wul tsi mtum nji.

NGËRO 1:8

Maa ndu yank pëyëlan, uwelee Uwejats-ujënts tsi ind, din ndë ci bamaatir ngëmíñ, di Jerusalem, unk buts di Judeeya bëlieng, ni di Samaaria, te di ngëntsañi umundu.”

NGËRO 11:16

Din, a les përim Ajug bi na ja bi: ‘Tsi ucär, Joŋ amijanaan mlik, maa ind ndu mijanaana Uwejats-ujënts.’

NGËRO 13:2

Bi ba ci bi tsi përëmban Ajug a ba bërand mlik, Uwejats-ujënts ja: “Nda patsandi Barnabas, ni Sol, pa uleemp wi duuri wi bukul.”

NGËRO 13:4

A Uwejats-ujënts yël bukul, a ba tsëp Seleusia. Dul, a ba paat alutar Cipëri.

NGËRO 15:28

Uwejats-ujënts, ni wund bërier wund, wund abaar pëloole pa përits tsu ind pëlon pëyunts, ucits ba ngëko ngan ka ngi përolaa.

NGËRO 15:8

A Nasien-batsi, na mei ngëwaas bañaan, na piban na lílandër bukul bi na wël bi bukul Uwejats-ujënts buts pinja;

NGËRO 16:6

A Pol ni Silas yaana Friijia ni pëboos Galaasia, par Uwejats-ujënts apok bukul pëleents përim di Aasia.

NGËRO 2:33

Nasien-batsi ariangul tsi kariirul, a na yank Uwejats-ujënts di Asin, undo wi watsana; na koŋi wul, bi nda win bink a nda teend.

NGËRO 2:4

A ba cum bëlieng Uwejats-ujënts, a ba ci tsi pëñakan mlon mleents, bi Uwejats tsu bi bukul pëyëlan pë ñakan.

NGËRO 20:28

Nda tsuunkari iyeen ind bërier ind, ndë tsuunkar pëtan ngënkaanel pi Uwejats-ujënts tsu ind pi pëci bawaay, pa nda yafan Ngëriisia Nasien-batsi ngi na weelëna ngi pëñaakul bërierul.

NGËRO 20:35

Tsi ko un ci wi-ba këci, man piban ind, ngë ka pëleemp uleemp uñatsal pa pëtsënk ban fier biki, nja kë les irim Yeesu, Ajug, i na ja yi nul bërierul: ‘Ni ka wëli ape ni ka yanki pëci nanaakal.’”

NGËRO 28:25

A ba patsësar. A bu kë garandar, a Pol ja bukul përim pi: “Uwejats-ujënts añakanaan basin ind uwar, tsi mtum Isaaya, nayëlia, aja:

NGËRO 5:3

Din, a Per ja: “Ananias, we ka wun a m wët Useetaani a u cumu uwaas? M tsupar Uwejats-ujënts, m bek ko tsi uncaam wi m waapar wi bëka.

NGËRO 7:51

Baliinc-iyeen, batamb-ngëwaas, ni ibats in dits yi ka te! Kara bëyaas ndë natsar pëkaman Uwejats-ujënts; bi basin ind ro bi ka ro, unk buts di nda ro run.

NGËRO 7:55

Maa, Estefan cum Uwejats-ujënts, na kaŋan këkës di batsi, a na win përëmb Nasien-batsi, a Yeesu nats tsi kariir Nasien-batsi.

ROOMA 14:17

par Pësien Nasien-batsi cits bariala ni përaan, maa aci bëmabal ni pëfac ni ulílan tsi Uwejats-ujënts.

ROOMA 15:13

Nasien-batsi uwats, na cumani ind ulílan un ci wi-ba këci, ni pëfac, tsi uwak; pa ind pëka uwats uwiak tsi pëyëlan Uwejats-ujënts.

ROOMA 15:16

pa nji pëci naleempar Këristu Yeesu tsi pëncuaf ban cits biki Bajudeu, pa nji puu leents Upetsan-uwar Nasien-batsi, pa ban cits biki Bajudeu pëci bëtseend ba líl bi Nasien-batsi, bul ban jëntsanaana bi Uwejats-ujënts.

ROOMA 5:5

A wul uwats di ka fal ñaan, par Uwejats-ujënts wi ngë wëla wi, atular bëŋal Nasien-batsi di ngëwaas inja.

1 KORINTU 12:3

Wul ka wun ndu n tsu ind pëme ne, kaats ñaan ni ka ñakani tsi pëyëlan Uwejats Nasien-batsi, na ja: “Yeesu aci Anaatema;” a ñaan yëlants pëja kak: “Yeesu aci Ajug,” ucits ba tsi pëyëlan Uwejats ujënts.

1 KORINTU 6:19

Ane nda meets uliaf ind ci kato-kayëman Uwejats-ujënts un ci wi di ind-a? Wi nda yank wi tsi Nasien-batsi, a cits wiic ind bërier ind.

2 KORINTU 6:6

ni tsi bëjëntsal, ni tsi kameko, ni tsi umiira, ni tsi kawara-ngëwaas, ni tsi Uwejats-ujënts, ni tsi bëŋal ban kaats bi kanguungu,

EFEESU 1:13

tsi nul, ind buts, uwal wi nda te wi përim ucär, un ci wi Upetsan-uwar pëbuer ind, a nda wak tsi Këristu, nda tsua umarëka Uwejats-ujënts u watsana wi,

EFEESU 1:17

Nasien-batsi Yeesu Këristu Ajug nja nul Asin, nan dëmbanee, na wëlan ind uwejats kameko ni upiban, u tsu ind ndë meul.

EFEESU 4:30

Ind tsë tsu Uwejats-ujënts Nasien-batsi u juatsan, wul wi nda markaaraana wi pa unu kaluk-pëbuer.

1 TESALONIKA 4:8

Unk, nan bëri ko wan, cits ñaan-najin ni na bër un, maa Nasien-batsi ni na bër un, nul ni ka wëli indi Uwejatsul Uyëman.

2 TIMOTEU 1:14

tsi bëtsënk Uwejats-ujënts, wul un ci wi di nja waayan bëgaang bëwar.

TIITU 3:5

a na bueran inja; cits undo ngi ngë ro ngi bërier nja tsi bëmabal, maa aci-undo kayëk-ipësul. Abueranaani nja tsi pëñawa pan ci pi pi kabëka-kawalu, a pa ciind pi pëwitsa nawalu pi Uwejats-ujënts kë wíts pi ñaan.

BAYEBËREU 10:15

Uwejats-ujënts buts, aleents nja uleka ko umënts wun. Par wul aja bërun:

BAYEBËREU 2:4

A Nasien-batsi kë piban pul tsi ngëpibanaani, ni tsi ngëko ngan pikra n ngi, ni tsi ngëko bawitsa ngan ci ngi ba këci, ni tsi ngëtseend Uwejats-ujënts, ngan faa ngi bi na ŋal bi ja.

BAYEBËREU 3:7

Wul ka wun, bi Uwejats-ujënts ja bi: “Ntsari, uci nda te përimul,

BAYEBËREU 9:8

Unk, Uwejats ujënts apiban ne, bëga pëniaj Tsëko tsan pe tsunk pëci tsëyëman netse ro waantsaa, par unkundan ucak wun awama ro nats.

1 PER 1:12

Bukul bu pibana u cits pa bukul bërier bukul, maa ind biki ba leempar bukun ngëko ngi nda leentsa ngi inkri; a baleents Upetsan-uwar leentsëna ind ngul tsi pëyëlan Uwejats-ujënts u wëtanee wi di batsi. Ngëko ngëmënts ngi, ngi ngëwaanju ŋal ngun pëjuunkats.

2 PER 1:21

par yaas a përim pi bayëlia leents pi ka pënë-ni tsi uŋal ñaan-najin, maa Uwejats-ujënts tsu wun bañaan a ba ñakan uleka Nasien-batsi.

1 JOŊ 2:20

Maa ind, Nasien-batsi atular ind Uwejats-ujënts, a nda me bëlieng.

1 JOŊ 2:27

Maa ind, Uwejats ujënts wi Këristu tular ind wi, amob tsi pëci di ind, unk nda katse fier ñaan pëjukan ind; maa bi Uwejats jukan ind bunk uleka ngëko bëlieng, aci ucär, cits butsup. Nda moban tsi nul, bi na jukan ind bi.

1 JOŊ 5:7

Par aka bawaants ba leents biki ko wi [di batsi: Asin, Përim, ni Uwejats ujënts. A bawaants bamënts biki ci baloole.

JÚDAS 1:20

Maa ind ba ŋala biki, nda liinc-liincandari mak tsi uwak ind uyëman, nduu ñaan tsi Uwejats-ujënts.

UPIBAN 2:11

Nan kai kabats, na tean ko wi Uwejats ci wi tsi pëja iriisia. Nakuk, yaas a pëcäts pëtëbantsan ka roul ko.’”