KAKÚRAN-KAWAR YEESU KRISTU BI JOŊ LEENŢ BI KUL AJA 14:17 - KARÚK-PËRIM KAWALU Nouveau Testament

¹⁷ nul Uwejats ucär, wi umundu yëlanats wi pëyank, par winats wul, te nin meets wul. Maa ind nda me wul, par wul aci ni ind, a uu ci di ind.

KAKÚRAN-KAWAR YEESU KRISTU BI JOŊ LEENŢ BI KUL AJA 14:17 ပူးပေါင်းရင်းမြစ်များ

MATEU 10:20

Par, cits ind ka ñakan bukun, maa Uwejats Asin ind ka ñakan wun tsi ind.

KAKÚRAN-KAWAR YEESU KRISTU BI JOŊ LEENŢ BI KUL AJA 14:16

Mán yep Asin nji, në wëli ind nalon natsënk, pa në ci ni ind pa sandëndën,

KAKÚRAN-KAWAR YEESU KRISTU BI JOŊ LEENŢ BI KUL AJA 14:23

A Yeesu yankul aja: “Uci ñaan ŋalin, në mob tsi përim nji, Asin nji ka ŋalul, wund ka bi tsi nul, wund ka ciina tsi nul.

KAKÚRAN-KAWAR YEESU KRISTU BI JOŊ LEENŢ BI KUL AJA 15:26

Ubi natsënk ni ndu n wëtani indi na pënëni tsi Asin nji, nul Uwejats ucär un pënëni wi di Asin nji, wul ka leents uleka nji.

KAKÚRAN-KAWAR YEESU KRISTU BI JOŊ LEENŢ BI KUL AJA 16:13

Maa, uwal wi Uwejats ucär baandi wi, u tsëpand ind tsi ucär un ci wi-ba këci. Par, di ka ñakandar uleka wul bërier wul, maa ka ñakan ngi u te ngi, u leents ind ngi kan bi ngi.

KAKÚRAN-KAWAR YEESU KRISTU BI JOŊ LEENŢ BI KUL AJA 6:40

Maa tsi ucär, bëŋal Asin nji ci bun bi: Ñaan na wini Abuk, a na wak tsi nul, në ka ubiira un dits wi ka ba. Nji, mee n natsaniul di pëcäts tsi unu utuami.”

1 KORINTU 14:15

Wee ndu ndo wun inkri? Mán ñaan tsi uwejats, maa mán ñaan buts tsi ume; mán ya tsi uwejats, maa mán ya buts tsi ume.

1 KORINTU 2:14

Maa, ñaan-najin di ka niiran ngëko Uwejats Nasien-batsi, par ngul aci bëfuur pa nul; di ka yëlan pëme ngul, par Uwejats ka piban wun ngul.

1 KORINTU 3:16

Nda meets nda ci kato-kayëman Nasien-batsi, a Uwejats Nasien-batsi ci di ind-a?

1 KORINTU 6:19

Ane nda meets uliaf ind ci kato-kayëman Uwejats-ujënts un ci wi di ind-a? Wi nda yank wi tsi Nasien-batsi, a cits wiic ind bërier ind.

2 KORINTU 13:5

Nda teenamani iyeen ind bërier ind, pa ind pëme ne nda wama ci ank tsi uwak. Nda wejatsari bërier ind. Nda yëkëranats bërier ind Yeesu Këristu ci ri ind-a? Ucits ank, nda ci ba yër biki tsi pëteenamana.

2 KORINTU 6:16

Kato-kayëman Nasien-batsi abof we ni icap? Par nja, ngë ci Kato-kayëman Nasien-batsi nayësal, bi nul Nasien-batsi bërierul ja bi: “Mán ciina tsi pëncuaf bukul, koo yandaar, ka ci Nasien-batsi bukul, bukul bu ka ci bañaan nji.”

GALAASIA 4:6

A undo bi nda ci bi babuk, a Nasien-batsi wëtani Uwejats Abukul di ngëwaas nja, a uu lie koo ja: “Aba, Paapa!”

EFEESU 2:22

A tsi nul, ind buts nduu ci tsi pëleempaa nda mobulana pa pëci tsëciini Nasien-batsi tsi Uwejats.

EFEESU 3:17

A tsi undo uwak, Këristu na ciin di ngëwaas ind pa ndë jab ibuul ndë liinc tsi bëŋal.

KOLOS 1:27

Bukul biki Nasien-batsi ŋal bukun ba me bëka ban ci bi ba këci, bi un doots wink mea, ni përëmb wul, tsi pëncuaf ban cits biki Bajudeu, un ci wi: Këristu tsi ind, ci-un uwats përëmb.

2 TIMOTEU 1:14

tsi bëtsënk Uwejats-ujënts, wul un ci wi di nja waayan bëgaang bëwar.

1 JOŊ 2:27

Maa ind, Uwejats ujënts wi Këristu tular ind wi, amob tsi pëci di ind, unk nda katse fier ñaan pëjukan ind; maa bi Uwejats jukan ind bunk uleka ngëko bëlieng, aci ucär, cits butsup. Nda moban tsi nul, bi na jukan ind bi.

1 JOŊ 3:24

Ñaan na mobi tsi ngëtsuaul, amob tsi pëci di Nasien-batsi, Nasien-batsi mob tsi pëci di nul. Tsi ko wi, tsi ngë meena tsun na mob tsi pëci di nja: undo Uwejats wi na wël nja wi.

1 JOŊ 4:4

Upats uties, ind nda ci biki Nasien-batsi, a nda gaañaar bayëlia batsup bamënts biki, par nan ci di ind, ape nan ci wunk di umundu.

1 JOŊ 4:6

Nja ngë ci biki Nasien-batsi. Na mei Nasien-batsi, ka cikëndën inja. Nan citsi ni Nasien-batsi, di ka cikëndën inja. Tsi ko wi, tsi ngë yëkëraan tsun uwejats ucär, ni uwejats kaguus-ko.

1 JOŊ 5:7

Par aka bawaants ba leents biki ko wi [di batsi: Asin, Përim, ni Uwejats ujënts. A bawaants bamënts biki ci baloole.

UPIBAN 2:17

Nan kai kabats, na tean ko wi Uwejats ci wi tsi pëja iriisia. Nakuk, mán wëlul na re manaa man beka mi. Máwëlandul pëlaak pëfaacal; katim kawalu apicanaa tsi pul, maa ñaan meets kul, aci koon na yanki pul.’”