KAKÚRAN-KAWAR YEESU KRISTU BI JOŊ LEENŢ BI KUL AJA 14:12 - KARÚK-PËRIM KAWALU Nouveau Testament

¹² Mán leents ind ucär: Na waki tsi nji, ka ro buts ngëko ngi n du n do ngi, në roand ngan pe ngi ngul. Par nji, mán ya di Asin nji.

KAKÚRAN-KAWAR YEESU KRISTU BI JOŊ LEENŢ BI KUL AJA 14:12 ပူးပေါင်းရင်းမြစ်များ

MATEU 21:21

A Yeesu yank bukul, aja: “Mán leents ind ucär: Uci nda ka uwak a nda tsijënats ngëwejats ngëtëb, cits undola wink bufíigu bi wi ndë yëlan wun përo rin; maa ŋal ndë ja untunda wi: ‘dëtaan kë yër di bërëk,’ u roaa bi nda ja bi.

MARKU 11:13

Bi na win bi bufíigu ban tsij bi ito a ba lawanul, a na tsëp pëteen ne ka win ank mbuk tsi bul. Maa bi na band bi tsi bul winats ko, aci koon ito, par roots ci uwal mbuk mfíigu.

MARKU 16:17

A ngëpibanaani ngi, ka ci ngun ni ba Uwak biki: Tsi katim nji, bu koo ruak ngëcaay, bu koo ñakan mleents mwalu,

KAKÚRAN-KAWAR YEESU KRISTU BI JOŊ LEENŢ BI KUL AJA 14:28

Nda te ko wnja ind wi: Mán tsëp, ka witsee tsi ind. Uci nda ro ŋalin, nda bi ka lílandër bi n ja bank mán tsëp di Asin nji; par Asin nji apein.

KAKÚRAN-KAWAR YEESU KRISTU BI JOŊ LEENŢ BI KUL AJA 16:7

Maa mán leents ind ucär: Ko un pe wi pëkat pa ind, aci nji pëtsëp; par uci n tsëpats, natsënk di ka bi tsi ind. Maa uci n tsëp, kee wëtani ind nul.

KAKÚRAN-KAWAR YEESU KRISTU BI JOŊ LEENŢ BI KUL AJA 4:37

Par un jaka wink, aci ucär: ‘Nalon aci ni kan guri, a nacints nun ci ni kan cëti.’

KAKÚRAN-KAWAR YEESU KRISTU BI JOŊ LEENŢ BI KUL AJA 5:20

Par Asin aŋal Abuk, a na ja na roon në pibanul ngi nuu ro ngi bëlieng. Kee na pibanul ngan pe ngi ngi përëmb, pa ndë pikra.

KAKÚRAN-KAWAR YEESU KRISTU BI JOŊ LEENŢ BI KUL AJA 7:33

A Yeesu ja bukul: “Man wama ci ni ind ko uties, a uu ba, ka tsëp di na yëliini.

KAKÚRAN-KAWAR YEESU KRISTU BI JOŊ LEENŢ BI KUL AJA 7:39

Yeesu ja ko wan, uleka Uwejats-ujënts wi bawak tsi nul kii yank wi; par Uwejats-ujënts netse ro wëlaa, par Yeesu netse ro rëmbanaa.

NGËRO 10:46

Par, bë te bu kë ñakan mleents, a bu kë rëmban Nasien-batsi. Din a Per yjankema aja:

NGËRO 16:18

Aro ko umënts wun ngënu ngëcumal. Pol riabats, na witsësa a na ja ucaay umënts wun: “Tsi katim Yeesu Këristu, pënan tsi nul!” A tsi uyëk umënts wun, u pën.

NGËRO 19:12

a uja ngëlec oo ifalar iseenda in kërara yi uliaf Pol pafa tsi bamoj, din bu ka yësana mmaak bukul, ngëcaay ngëjuatsal kë pëni tsi bukul.

NGËRO 2:33

Nasien-batsi ariangul tsi kariirul, a na yank Uwejats-ujënts di Asin, undo wi watsana; na koŋi wul, bi nda win bink a nda teend.

NGËRO 2:41

A ba niiran biki përimul mijana; tsi unu umënts wun, bëruakan bañaan ngëmiil ngëwaants (3.000).

NGËRO 4:16

a ba ja: “We winja kë ro wun bañaan biki? Par bawitsa bi ba ro bink ameaa uwar tsi bañaan Jerusalem bëlieng, a ngë yëlants pëpok bukul.

NGËRO 4:33

Ni pëyëlan pëwiak, a bapostolu kë leents bi Yeesu, Ajug, natsee bi di pëcäts; a bëtseend bëwiak ro ci tsi bukul bëlieng.

NGËRO 4:4

Maa bacumal tsi ban te biki përim wak tsi Yeesu, a upinara bayënts ba uwak biki watsësar aruakan ngëmiil kañan (5.000).

NGËRO 5:15

a u tsu bañaan a bu kë tsëpand bamoj di ngërawa kee ru piintsan bukul tsi ikaab ni tsi iyoongia, pa uwal wi Per kë par wi, ulimëntsul ka kërara ŋal naloole rin tsi bukul.

NGËRO 6:7

Unk, a përim Nasien-batsi kë laar mak, ucumara bafets Yeesu kë pe këpe pëwatsësar di Jerusalem, a kandënd bajakan niiran uwak.

NGËRO 8:7

A ngëcaay ngëcumal, ngan niaj ngi bañaan, ja nga lië mak ngë pën tsi bukul; a balab bacumal ni bajënk yësana.

NGËRO 9:34

A Per jaul: “Eneeyas! Yeesu Këristu ka yësanu. Natsaan kë yecës bëkaabë, wi bërieru.” Tsi uyëk umënts wun, a na natsa.

NGËRO 9:40

Maa, Per cilandër bañaan bëlieng utsand, na jintëla añaan; a na witsësa mab puum, na ja: “Tabita, natsan!” A ŋaats teenan këkës, na win Per, a na tsoar.

ROOMA 15:19

tsi pëyëlan ngëpibanaani ni ngëko ngan pikra n ngi undo pëyëlan Uwejats Nasien-batsi; unk, a n leents Upetsan-uwar Këristu a n jëkëlan, pëpën tsi Jerusalem ni ngëcaak ngan fay ngi dul, te di Iliriku.