KAKÚRAN-KAWAR YEESU KRISTU BI JOŊ LEENŢ BI KUL AJA 13:14 - KARÚK-PËRIM KAWALU Nouveau Testament

¹⁴ Unk, uci n ñawës ind itsiim, nji nan ci Ajug a n ciind Najukan, ind buts nda ka puu ñawëlar itsiim.

KAKÚRAN-KAWAR YEESU KRISTU BI JOŊ LEENŢ BI KUL AJA 13:14 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 11:2

Maaria namëntsi, ci-un nan doi tular Ajug ulicar; ni uweelul a na faaul itsiim; ni ba tsaari, Lasaru ci-un na maaki.

NGËRO 20:35

Tsi ko un ci wi-ba këci, man piban ind, ngë ka pëleemp uleemp uñatsal pa pëtsënk ban fier biki, nja kë les irim Yeesu, Ajug, i na ja yi nul bërierul: ‘Ni ka wëli ape ni ka yanki pëci nanaakal.’”

ROOMA 12:10

Nda ŋalëlari di ngëwaas ind ni bëŋal mantsaalar, ndë ja ñaan, në rëmban acintsul.

ROOMA 12:16

Nda ciin baloole tsi nda ci tsi; ind tsuuts rëmbandar, maa nda túkari un ci wunk uties; ind tsë ja tsi iyeen ind nda ci bameko.

1 KORINTU 12:3

Wul ka wun ndu n tsu ind pëme ne, kaats ñaan ni ka ñakani tsi pëyëlan Uwejats Nasien-batsi, na ja: “Yeesu aci Anaatema;” a ñaan yëlants pëja kak: “Yeesu aci Ajug,” ucits ba tsi pëyëlan Uwejats ujënts.

1 KORINTU 8:13

Wul ka wun, uci kare-ko ka tsu kun ni wund tsaari na yër tsi ujuban, in katse ka n de uyamats yaas, pa nji përits ci ni kan tsui ni wund tsaari na yër tsi ujuban.

2 KORINTU 10:1

Nji Pol bërierin, man buara ind tsi kajuab-uwaas Këristu ni tsi karo-uwarul, nji nan tienkëtsani been nji uwal wi n ci wi tsi pëncuaf ind, maa a n yëkan tsi uleka ind, uwal wi n lawan wi.

2 KORINTU 8:9

Ind nda me bëtseend ban ci bi tsi Yeesu Këristu Ajug nja nul nan ci narëmb, a tsi undo ind na ruka ci naranj; pa nda ruka ci barëmb tsi bëranjul.

GALAASIA 5:13

Par ind, batsaar ni nji, nda ruree pëfacana; maa, ind tsë laabaraan pëfacana, a ndë niaj tsi karí-ko uliaf; maa, kara ñaan na ciin naleempar acintsul, tsi bëŋal.

FILIIPUS 2:11

A pëndiamënt pan ci pi-ba këci, pë pets ka ja, Yeesu Këristu ci-un Ajug, pa përëmb Nasien-batsi, Asin.

1 TIMOTEU 5:10

aka pëmeanda karo ngëwar: Uci na kus upätsul uwar, a na ci nawelan bañaan, a nuu ñaw bayëman itsiim, a nuu tsënk ban juatsan biki, a na ci na mobi tsi puu ro ko u wara wi-ba këwara përo.

BAYEBËREU 12:2

Nda ju ngë jutsan këkës tsi najuund uwak a na ciind natsu wul u ba pëci uwar, nul Yeesu. Abër ulílan un tsuaul wi tsi bërun, a na miira a cäts tsi kruus, tsuuts mkaw ko; a na tsoar tsi kariir pëtsoari Nasien-batsi pi pësien.

1 PER 4:1

A bi Këristu noor bunk tsi uliaf, ind buts nda yëlan pëtsij uwejats umënts wun. Par na noori tsi uliaf apatsësar ni ujuban.

1 PER 5:5

Unk buts ind batsasa, nda welani iyeen ind tsi bërun bajëŋal. A ind bëlieng, tsi manteelar ind, nda cuman ni kawelan-iyeen ind, par Nasien-batsi ka natsara bape-iyeen bukul; a nuu wël bëtseend pa ba welan biki iyeen bukul.