KAKÚRAN-KAWAR YEESU KRISTU BI JOŊ LEENŢ BI KUL AJA 12:48 - KARÚK-PËRIM KAWALU Nouveau Testament

⁴⁸ Ñaan nan bërini, a niiranats irim nji, nul, aka ni ka watuli pëleents; përim pi n leents pi, pul ka watul pun pëleents, tsi unu utuami.

KAKÚRAN-KAWAR YEESU KRISTU BI JOŊ LEENŢ BI KUL AJA 12:48 ပူးပေါင်းရင်းမြစ်များ

MATEU 10:15

Mán leents ind ucär: Tsi unu kawat-pëleents, Sodooma ni Gomoora ka matar përaasa pëmënts pëjuatsan.

MATEU 21:42

A Yeesu ja bukul: “Nda jukats koon këjúk ko un picana wink-a? ‘Pëlaak pi baniew bër pi, pul bi ci pëcap pëniew. Ko wan, aci Ajug ro un. Pa n ja, aci ko un par wi pëjaa.’

MATEU 25:31

Uwal wi Abuk ñaan-najin kë bi wi di përëmbul, ni ngëwaanju bëlieng, në tsoar tsi pëtsoari-pësien, pi përëmbul.

MARKU 12:10

Nda layirëts përim pi tsi Bëpican-a? Iink di pa ja run: ‘Pëlaak pi baniew bër pi, pul bi ci pa liincan pi pëniew;

MARKU 16:16

Ñaan na Uwaki a na mijana, në buerana. Maa na Uwakatsi, në lacana.

MARKU 8:31

A na kur pëjukan bukul a nuu ja: Abuk ñaan-najin aka pëtsua tsi unoor uwiak; bawiak Bajudeu, ni bawiak-bajakan, ni bapican-ngëtsua, bu ka fatsul ufets, në fiŋaa; a tsi unu uwaajantsan, në natsee di pëcӓts.

LÚKAS 10:16

Ñaan nan cikëndënindi, acikëndënin. A ñaan nan bër indi, abërin; a nan bërini, abër na yëliini.”

LÚKAS 17:25

Maa, aka pënoor bërun tsi ngëko ngëcumal, bañaan ntsari ka bërul.

LÚKAS 20:17

Maa, Yeesu kaŋan bukul këkës, a na ja bukul: “Përim pan picana pink, wee pa piban wun? Pëlaak pi baniew bër pi, pul bi ci pa liincan pi pëniew.

LÚKAS 7:30

Maa Bafariseu ni bajukan-ulua, bë bër ko wi Nasien-batsi ŋalar wi bukul, undo bë mijanaatsa bëmijan Joŋ.

LÚKAS 9:22

Na ja bukul kak: “Abuk ñaan-najin aka pëtsua tsi unoor uwiak. Bawiak Bajudeu, ni bawiak-bajakan, ni bapican-ulua, bu ka fatsul ufets, në fiŋa, a uu ba, në natsee di pëcäts tsi unu uwaajantsan.”

LÚKAS 9:26

Par, ñaan nan kawee tsi undo nji ni irim nji, Abuk ñaan-najin kee kawa tsi undoul, ubiul ni përëmbul, ni pi Asin, ni pi ngëwaanju ngëyëman.

KAKÚRAN-KAWAR YEESU KRISTU BI JOŊ LEENŢ BI KUL AJA 11:24

Maarta jaul: “Ma me nii natsee di pëcäts tsi unu utuami.”

KAKÚRAN-KAWAR YEESU KRISTU BI JOŊ LEENŢ BI KUL AJA 5:45

Ind tsë ja ne mán tumtsar ind tsi bërun Asin nji; ni kan tumtsar indi aci Moises, ni nda watsaraani.

KAKÚRAN-KAWAR YEESU KRISTU BI JOŊ LEENŢ BI KUL AJA 6:39

A uŋal na yëliini ci wun wi: Pa nin naloole tsi biki na wëlin biki bëlieng tsë niamënin, maa nji pënatsani bukul di pëcäts, tsi unu utuami.

KAKÚRAN-KAWAR YEESU KRISTU BI JOŊ LEENŢ BI KUL AJA 8:47

Nan ci ñaan Nasien-batsi, ka cikëndën irim Nasien-batsi. Maa ind nda ri ka cikëndën, par nda cits biki Nasien-batsi.”

NGËRO 17:31

Par, atsu unu, wi nu wat wi umundu pëleents tsi bëmabal, tsi niints nalon ni na rati; a na wël bañaan bëlieng upibanaani u ciul, bi na tsuul bi na natsee di bacäts.”

NGËRO 3:23

A ñaan nan cikëndënatsi nayëlia namënts un, ka pënana tsi këkës bañaan.’

ROOMA 2:16

a tsi Upetsan-uwar wi ndu n leents wi, unk di wii ci run, unu wi Nasien-batsi kë watëna wi bañaan-bajin pëleents tsi Yeesu Këristu, tsi ngëko kambeku bukul.

2 KORINTU 4:3

A uci Upetsan-uwar wund wama kunda, akundaa pa biki ka niam biki,

2 TESALONIKA 1:8

di bametsu kandiamënt bërua, në lukan ba meets biki Nasien-batsi, ni ban fetsats biki përim Upetsan-uwar Ajug nja Yeesu.

BAYEBËREU 10:25

Nja tsë wëtan puu júk, bi balon wakëtsa bi përo; maa nda ju ngë liinc-liincandar ngëwaas, par ind win bukunk Unu kë wokani.

BAYEBËREU 12:25

Nda katan ibats, ind përits pok pëte nan ci tsi pëñakan. Par uci bi ba buerats bunk, uwal wi ba pok wunk pëte nan cari leents bukul tsi umundu, andes n ja, ngë ri ka buer buts uci ngë letësa nan car ink koo leentsi nja di batsi.

BAYEBËREU 2:3

um bi ngë yil bun pëbuer, uci ngë tsuunkarats pëbuer pëwiak mak pëmënts pi? Pëbuer pëmënts pi, Ajug cakës un pëleents pul, a uu ba, a ban te biki pul kaka leents nja pul.

BAYEBËREU 4:12

Par, përim Nasien-batsi aka ubiira a pa kaand pëyëlan; pul are ape ulaac un de wi ngëjara ngëtëb. Aja pa roon pë niaj te pë kicës uwaas ni uwejats, ngësúk uliaf ni pëluŋ; a pa yëlan pëyëkëran ngi uwaas ciina ngi, ni ngi u wejats ngi.

1 PER 1:5

A tsi undo uwak ind, nda gaanga tsi pëyëlan Nasien-batsi, pa pëbuer pan yecisa pi pëpibana tsi uwal utuami.

2 PER 3:3

Ucak ko, nda ka pëme ne, tsi ngënu ngëtuami, bariat-ko ka cili bu kë yandaar tsi karí-ko bukul bërier bukul,

2 PER 3:7

Maa batsi ni utsia ngul ngan ci ngink inkri, përim Nasien-batsi pëloole pëmënts pun, ayecis ngul pa bërua, a pa gaangar ngul Unu kawat-pëleents, ni pëniam bameets-nasien-batsi.