KAKÚRAN-KAWAR YEESU KRISTU BI JOŊ LEENŢ BI KUL AJA 10:28 - KARÚK-PËRIM KAWALU Nouveau Testament

²⁸ Nji, mán wël ngul ubiira un dits wi ka ba; ngul di ka niaman yaas; nin ñaan di ka waj ngul tsi kañan nji.

KAKÚRAN-KAWAR YEESU KRISTU BI JOŊ LEENŢ BI KUL AJA 10:28 ပူးပေါင်းရင်းမြစ်များ

MARKU 13:22

Par barata batsup, ni bayëlia batsup, bu ka natsa, bu kë ro ngëpibanaani, ni ngëko ngan pikran ngi, pa puu falëna bañaan, te ŋal ban data biki, uci u yëla bëro.

LÚKAS 23:46

A Yeesu lië mak, aja: “Paapa, man wëtandaru uyafënts nji.” Ubaul pëja përim pan, a na juab.

KAKÚRAN-KAWAR YEESU KRISTU BI JOŊ LEENŢ BI KUL AJA 10:29

Asin nji na wëlini ngul, ape ngëko bëlieng; nin ñaan cits na yëlani pëwaj ngul tsi kañan Asin nji.

KAKÚRAN-KAWAR YEESU KRISTU BI JOŊ LEENŢ BI KUL AJA 11:25

A Yeesu jaul: “Nji n ci-un kanatsee-di-pëcäts, a nji n ci-un ubiira. Ñaan na waki tsi nji, ŋal ank na cäts, në ka aatsum ubiira.

KAKÚRAN-KAWAR YEESU KRISTU BI JOŊ LEENŢ BI KUL AJA 14:19

tsini ko uties, umundu di ka winin kak; maa ind nduu winin, par nji man ci nayësal, a nda ci buts bayësal.

KAKÚRAN-KAWAR YEESU KRISTU BI JOŊ LEENŢ BI KUL AJA 17:2

bi m wëlul bunk pëyëlan tsi ruëts bañaan-bajin bëlieng, pa na wël ubiira un dits wi ka ba, pa biki m wëlul biki bëlieng.

KAKÚRAN-KAWAR YEESU KRISTU BI JOŊ LEENŢ BI KUL AJA 18:9

Aja ank, pa pëbandan përim pa n ja pi: “Nin naloole tsi biki m wëlin biki niamënatsin.”

KAKÚRAN-KAWAR YEESU KRISTU BI JOŊ LEENŢ BI KUL AJA 3:36

Na waki tsi Abuk, aka ubiira un dits wi ka ba; maa na wakatsi tsi Abuk, di ka win ubiira, maa uriab Nasien-batsi ka ci tsi nul pa sandëndën.”

KAKÚRAN-KAWAR YEESU KRISTU BI JOŊ LEENŢ BI KUL AJA 4:14

maa ñaan daan mlik mi ndu wëlul mi, di ka lofënts yaas; par mlik mi ndu wëlul mi ka witsa man ci ukëpës tsi nul, wi kan këpësi wi mlik pa ubiira un dits wi ka ba.”

KAKÚRAN-KAWAR YEESU KRISTU BI JOŊ LEENŢ BI KUL AJA 5:24

Mán leents ind ucär: Nan tei përim nji a na wak tsi na yëliini, aka ubiira un dits wi ka ba; di ka wata pëleents, apar ba tsi pëcäts pa ubiira.

KAKÚRAN-KAWAR YEESU KRISTU BI JOŊ LEENŢ BI KUL AJA 6:27

Ind tsë leempar bariala bi kan coka bi, maa nda leempari bariala bi kan ci bi pa ubiira un dits wi ka ba, bul bi Abuk ñaan-najin kë wël ind bi. Par, nul ni Nasien-batsi, Asin, markaar un ni tampoŋul.”

KAKÚRAN-KAWAR YEESU KRISTU BI JOŊ LEENŢ BI KUL AJA 6:37

Bañaan biki Asin nji wëlin biki bëlieng, bu ka bi tsi nji; a nan bii tsi nji, yaas a ka gutsarul utsand.

KAKÚRAN-KAWAR YEESU KRISTU BI JOŊ LEENŢ BI KUL AJA 6:47

Mán leents ind ucär: Na waki tsi nji, aka ubiira un dits wi ka ba.

KAKÚRAN-KAWAR YEESU KRISTU BI JOŊ LEENŢ BI KUL AJA 6:68

A Simon Per yankul aja: “Ajug, di yën di wund kë ya run? Wi ka un irim i ka wël yi ubiira un dits wi ka ba.

NGËRO 7:59

Bi bu kë tap bi Estefan ni ilaak, a na ñaan aja: “Yeesu Ajug! Yankan uwejats nji.”

ROOMA 5:17

Par uci tsi ulaci ñaan naloole baŋ, pëcäts sienëna tsi undo ñaan namënts un, um bi ban cum biki bëtseend apar-paran, a ba wëla utseend pëci bamabal dits run ka sien tsi ubiira, undo ñaan naloole baŋ, nul Yeesu Këristu.

ROOMA 5:2

A tsi uwak tsi Yeesu Këristu tsuuna nja tsun pëtsënkan bëtseend bi ngë mobëna bink aliincan; a tsi bul tsi ngë tsuuna tsun mbëndandar nja tsi uwats përëmb Nasien-batsi.

ROOMA 5:21

a bi ujuban sienëna bunk pëcäts, unk buts, tsi Yeesu Këristu Ajug nja di bëtseend sienëna run bamabal pa ubiira un dits wi ka ba.

ROOMA 5:9

A tsi inkri bi pëñaakul tsunjabink bamabal, andes nul pëbuerani nja uriab Nasien-batsi.

ROOMA 6:23

Par bëluk ujuban, aci pëcäts; maa utseend Nasien-batsi u lukaatsa wi, aci ubiira un dits wi ka ba, tsi Këristu Yeesu, nul Ajug nja.

ROOMA 8:1

tsi inkri, nin pëlon pëlacana cits pa ban ci biki tsi Këristu Yeesu.

ROOMA 8:29

Par biki na me biki ki ujuundi, a na car ayecis bukul buts pa ba ci pi bënaam Abukul, nul në ci bajan tsi biki ba tsaar biki bacumal.

FILIIPUS 1:6

Man wak koon ko wi: Nan kur unk përo ko uwar tsi ind, ka mob tsi përo wul na ba, te tsi unu Këristu Yeesu.

2 TESALONIKA 2:13

Batsaar ni wund, ind biki Ajug ŋal biki, wund aka pëbaran Nasien-batsi tsi uleka ind, tsi ngëwal bëlieng. Par ki ujuundi, Nasien-batsi aratar ind pëbuer. Nul aparanaan ko wan tsi Uwejats wi ka yëman wi, ni tsi pëwak tsi ucär.

1 TIMOTEU 1:16

Maa wul ka wun n yëkara ipës, pa Këristu Yeesu ka piban umiiraul bëlieng tsi nji nan pei pëci najuban, u ci upibanaani pa biki kee wak biki tsi nul, din bu ka ka pëyës pan dits pi ka ba.

2 TIMOTEU 1:12

A wul ka wun n ci tsi unoor tsi ngëmënts ngi. Maa nji kawaraatsa ngul, par man me ni n tsuuni uwak, a n fiaar koon na yëlan pëwaay ko wi n gaangana wi, te Unu umënts wan.

BAYEBËREU 7:25

Wul ka wun, biki kan biini tsi Yeesu abaandi tsi Nasien-batsi, nul Yeesu ayëlan pëbueran bukul, te ko di ka ruka; par nul aci nayësal tsi ngëwal bëlieng, pa pëñaandar bukul.

1 PER 1:5

A tsi undo uwak ind, nda gaanga tsi pëyëlan Nasien-batsi, pa pëbuer pan yecisa pi pëpibana tsi uwal utuami.

1 JOŊ 1:2

Ubiira apibandari, a wund win wul, wund leents uleka wul, aleents ind ubiira un dits wi ka ba; wul aro ci ni Asin, a wund pibana wul.

1 JOŊ 2:19

Bukul bë pënëna tsi pëncuaf nja maa bë cits bayiic inja; par uci ba ro ci bayiic nja bu ka ro mob tsi pëci ni inja. Maa bë pën atsëp, a u piban, bukul bëlieng bë cits bayiic inja.

1 JOŊ 2:25

Wi ci-un uwatsan wi na watsán nja wi: ubiira un dits wi ka ba.

1 JOŊ 5:11

A ko wi na leents wi ci wun wi: Nasien-batsi awël nja ubiira un dits wi ka ba; a ubiira umënts wi ciina tsi Abukul.

JÚDAS 1:1

Júdas, naluek Yeesu Këristu, a na ci buts nan tsaari ni Jakob; pa bandua biki, biki Nasien-batsi Asin ŋal biki, a ba waaya tsi Yeesu Këristu.

JÚDAS 1:21

Nda tambandari pëci tsi bëŋal Nasien-batsi, ndë ci tsi pëlip kayëk-ipës Yeesu Këristu, Ajug nja pa ubiira un dits wi ka ba.

JÚDAS 1:24

Nasien-batsi ka un pëyëlan përandan ind pëyër pan ci pi-ba këci, ni pëtsu ind pëci ban kaats biki ulaci tsi bërun përëmbul, ni ulílan.