Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JAKOB 4:11 - KARÚK-PËRIM KAWALU Nouveau Testament

11 Batsaar ni nji! Ind tsuu tsë jaarlar nga waraatsa ngi. Na n jai u waraatsa wi pa acintsul, oo na wati acintsul pëleents, aja ko u waraatsa wi pa ulua, a na wat ulua pëleents. A uci m ci tsi pëwat ulua pëleents, ande m cits naro ko wi u ja wi, maa m ci nawat wul pëleents.

အခန်းကိုကြည့်ပါ။ ကော်ပီ




JAKOB 4:11
24 ပူးပေါင်းရင်းမြစ်များ  

Ind tsë wat ñaan pëleents, nda ritsii wata pëleents. Ind tsë lacan ñaan, nda ritsii lacana. Nda jampësaan, ndii jampësaa.


Bi u ci bank, wi ñaan-najin ni m ci ba këci, a kë wat pëleents, m da n jats ulaci; par bi kë wat bunk balon pëleents, m ci tsi pëlacandar bërieru, par wi ni ka wat unk pëleents, m ja m doon këro ngëmënts ngun.


Par cits bacikëndën ngëtsua ci bukun bamabal tsi bërun Nasien-batsi; maa aci ba mob biki tsi përo ko wi ngëtsua ja wi, ci bukun bamabal tsi bërun Nasien-batsi.


A we wnja kë ja wun inkri? Wël ngëtsua aci ujuban-a? Nin-a! Maa nji man meena ujuban tsi ngëtsua; unk nji n bitse ka me ko un ci wi karí-ko, uci ngëtsua roots ja: “M di kë rí ko ñaan.”


Bi u ci bank, ind tsë wat pëleents te uwal netse band, aa Ajug ka tsënkëna ka baandi; ngëko nga beka ngi, ngi karëm, nul ka pënani un ngul tsi pënak ndakaŋ, në piban buts ngëtsaag ngan ci ngi di ngëwaas bañaan. Din, kara ñaan, Nasien-batsi ka bëndanul bi na ka bi pëbëndana.


Maa ko wi lënk wi, nji përits tsënk ind bi n ŋal bi, ubaandi nji; a ind buts pëwinin, tsi ko un pats wi ni wi nda ŋal wi. Ko wan ka tsiji pëŋom tsi pëncuaf ind, mankocar, uriab, mankicësar, ka jaar bañaan ngëwutsëtsuel, mankuetar, manguukandër, kangusëlar.


Kajuats-uwaas, ni uriab, ni ukulëñ, ni ma njanësar, ni mankarar ni kawaraatsa, ngan bëlieng nga pënanaan tsi ind.


A bakaats buts, bu ka pëci bañaan-urispiitu, barika-ja ko u waraatsa wi tsi uleka ñaan; bu ka pëci baliingëlën-ko, bamab tsi ngëko bëlieng.


batamb-ngëwaas, bayëkarats ñaan ipës, baja ngëwutsëtsuel tsi uleka ñaan, batsëkats, bapayi, baŋalats-uwar,


Unk buts, jaan bakaats batsafal, ba ci bacär tsi ngi ba ciina ngi. Bukul tsë ci nin baja ngëwutsëtsuel tsi uleka ñaan, nin batsu ibats tsi karaan-pëwät mak, maa ba jukani ko u wara wi.


Batsaar ni nji, ind biki n ŋal biki! Ind tsë fal iyeen ind;


Batsaar ni nji, ind biki n ŋal biki! Nda moban ko wi tsi ibats: Ñaan, në cësara puu cikëndan, në tsëkandar a në rura ñakan, në wët pëcar uriab.


Maa nan kaŋani këkësul tsi ulua un ba wi pëci uwar, wi kan bueran wi, a na liincandar, a cits nacikëndan ni ka fini, maa a namob tsi puu ro ko wi u ja wi, namënts un ka naak tsi ngi nuu ro ngi.


Tsi ucär, uci nda ro ko wi ulua pësie n ja wi, bi u picana bink aja: “Ŋalan acintsu pi m ŋal pi beenu,” ndë ro uwar.


Batsaar ni nji! Nda teenëni bayëlia ba ñakan biki tsi katim Ajug, umiira wi ba miira wi tsi unoor wi ba noor wi.


Batsaar ni nji! Bi u ci bank, nda miiraan, aa Ajug ka baandi. Nda teenan-e! Najaar aja na roon në lip mjaarnaul man buk mbuk mwar; a nuu miira mak tsi pëlip mul, aa në tsënkëne ka win usubal ucäk, ni utuami.


Batsaar ni nji! Ind tsuu tsë ŋëmŋëm tsi uleka acints ind, pa nda rits wata pëleents. Nda teenan-e! Nawat-pëleents nats ink ba tsi pëlëman.


Wul ka wun, nda bëran kawaraatsa kan ci ki ba këci, ni bëlipal maniamëlan ban ci ba këci, ni kanguungu kan ci ki ba këci, ni mankocar, ni kajaar bañaan ngëwutsëtsuel kan ci ki ba këci.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ