JAKOB 3:17 - KARÚK-PËRIM KAWALU Nouveau Testament

¹⁷ Maa, kameko kan pënë-ni ki batsi, acakësaan pëci kajëntsal, a ka ru ci kan tsiji ki pëfac, ni kajuab-uwaas, ni manteelar, ni pëcum ni kayëk-ipës, ni ngëwar ngan dola ngi; kul di ka kicës bañaan, kaats kanguungu.

JAKOB 3:17 ပူးပေါင်းရင်းမြစ်များ

MATEU 23:28

Ind buts, nda ja bañaan teen ind, ndë ci bamabal tsi këkës bukul; maa di bametsu, nda cum kanguungu ni ngëko-kamabats.

MATEU 5:8

Bu naak, ban ci biki bajënts ngëwaas, par bu kee win Nasien-batsi!

MATEU 5:9

Bë naak, ban ci biki batsu pëjoabuts tsi bañaan, par bu kee ru jakaa babuk Nasien-batsi!

LÚKAS 21:15

Par nji, mán wël ind irim ni kameko, pa nin naloole tsi babër ind tsë yëlan pëliincandër, nin pëpok ni irim.

LÚKAS 6:36

Nda ciin bayëk-ipës, pi Asin ind ci pi nayëk-ipës.

KAKÚRAN-KAWAR YEESU KRISTU BI JOŊ LEENŢ BI KUL AJA 1:14

A Përim witsësar aci ñaan-najin; a na ciina tsi pëncuaf nja acum ni bëtseend ni ucär. Ngë win përëmbul, aci pi përëmb Kanbuka koorul baŋ tsi Asinul.

KAKÚRAN-KAWAR YEESU KRISTU BI JOŊ LEENŢ BI KUL AJA 1:47

A Yeesu win Natanael kë bi tsi nul, a na ñakandar ulekaul aja: “Nul ni, naisrael nacär, nan kaatsi kanguungu.”

NGËRO 11:24

Par aci niints na waree, na cum Uwejats-ujënts, ni uwak. A kandënd bañaan kawiak ruka ci ni Ajug.

NGËRO 9:36

A u ro ka nalon nafets Yeesu ŋaats di Jope, ni ka n jakee Tabita, uci wi Dorkas, un ci wi ubaca; nul acum ni karo-ngëwar, ni kawël-bëtseend.

ROOMA 12:18

uci u yëla bëro, nda ciin tsi pëfac ni bañaan bëlieng; aruka rukëna tsi ind.

ROOMA 12:9

Bëŋal, ba ciin ban tsijats bi kanguungu. Nda bëran ko u waraatsa wi, ndë mob u wara wi.

ROOMA 15:14

Batsaar ni nji, nji bërierin man niiran nda cum ni karo-uwar, a nda cum ni ume un ci wi-ba këci, pa ind puu tseendëlar ibats.

1 KORINTU 12:8

Par Uwejats, ka wël nalon përim kameko; Uwejats uloole umënts wun ka wël nacints përim ume;

2 KORINTU 10:1

Nji Pol bërierin, man buara ind tsi kajuab-uwaas Këristu ni tsi karo-uwarul, nji nan tienkëtsani been nji uwal wi n ci wi tsi pëncuaf ind, maa a n yëkan tsi uleka ind, uwal wi n lawan wi.

2 KORINTU 6:6

ni tsi bëjëntsal, ni tsi kameko, ni tsi umiira, ni tsi kawara-ngëwaas, ni tsi Uwejats-ujënts, ni tsi bëŋal ban kaats bi kanguungu,

2 KORINTU 7:11

Par nda teenan-e ko wi pëjuatsan pan pënë-ni pi tsi Nasien-batsi, tsiji ind wi! Ko wi nda tukar wi pëpiban ko wi nda ci wi! Ko wi nda ci wi ban kawarana biki! Ko wi nda ci wi balënk-Nasien-batsi; Ko wi nda tsij wi uŋal! Ko wi nda tsij wi uŋal karo-ko! Ko wi tsij wi uŋal pëtucan naro-ngëwutsëtsuel! Tsi ngëmënts ngan bëlieng, nda piban nda ci ban jënts biki tsi ko wan.

2 KORINTU 9:10

A ni ka wëli bagúur ucapi, a nuu wëland bukul pëpom pa barialaul, ka wël ind buts ucapi në watsës wul, në tsu mbuk bëmabal ind muu wiaka.

EFEESU 5:9

par ko wi ufac kë buk wi aci karo-uwar kan ci ki ba këci, ni bëmabal ban ci bi ba këci, ni ucär un ciwi-ba këci.

FILIIPUS 1:11

Unk ndë cum ni ko wi bëmabal kë buk wi, wi kan pënë-ni wi tsi Yeesu Këristu, pa përëmb Nasien-batsi ni ubëndanul.

FILIIPUS 4:8

Pëtuamës, ind batsaar ni nji, ko un ci wi-ba këci ucär, ko un ci wi-ba këci wi urispiitu, ko un ci wi-ba këci umabal, ko un ci wi-ba këci ujëntsal, ko un ci wi-ba këci-un ka wi pëŋalaa, ko un ci wi-ba këci-un ka wi pëbëndanaa – uci ko ci a u buer pëwara, oo a u tsënkan pëjaa abëndanaa —nda tsuun ibats tsi ngëko pi ngëmënts ngun.

KOLOS 1:10

Unk, nduu yandaar tsi ko u mab wi tsi Ajug, tsi puu ro ko u lílul wi ba këlíl; nduu ka bëkat tsi ko wi nduu ro wi ba këro, u wara wi, nduu ya këya bërun tsi ume Nasien-batsi.

1 TESALONIKA 2:7

Bi wund ci bink bapostolu Këristu, wund aro yëlan aatsum pëci pëyunts pa ind. Maa wund ajuab ngëwaas mak tsi pëncuaf ind, bi ŋaats-nambukari ja bunk na roon nuu këmand upätsul.

1 TIMOTEU 5:21

A te nji ka n leentsu ank tsi bërun Nasien-batsi ni Këristu Yeesu, ni ngëwaanju ngan data ngi: Moban tsi puu ro ngëmënts ngun; cats lacan ñaan te m meets bërun uwar bi u ci bi, a te cats cikara uleka ñaan.

2 TIMOTEU 2:24

A te, naleemp Ajug kaats puu ŋom ni ñaan, maa aka pëci ñaan nan juabi uwaas tsi uleka bañaan bëlieng, në yël bëjukan, nuu miira,

TIITU 1:15

Pa bajëntsal, ngëko bëlieng ajënts. Maa pa batsopal, bawakats, kaats ko un jënts wi, par uwejats bukul ni ume-kabats bukul atsop;

TIITU 3:2

Bukul tsë ja uwutsëtsuel tsi uleka ñaan, ba ciin barika-tsas ukam, bajuab-ngëwaas, bu kë piban kajuab-uwaas tsi uleka bañaan bëlieng.

BAYEBËREU 12:11

Pëcikësa pan ci pi-ba këci, aja pa roon tsi uwal umënts wun di ka naam ko u líl wi, maa un juats wi. Maa tsi bërun, pë bëkar biki pa kus biki, ko un tsiji wi pëfac ni bëmabal.

BAYEBËREU 12:14

Nda tsasan pëfac pëci tsi ind ni bañaan bëlieng, ndë tsasand puu ci ni ubiira ujëntsal; par ucits ba ubiira ujëntsal, nin ñaan di ka win Ajug.

JAKOB 1:17

ko bëtseend u wara wi, ni ko wi kan tseenda wi ñaan, un ba wi pëci uwar, aci ngan pëni ngi ruets, ngan pënë-ni ngi di Asin, nan doi ngëfac; nul di ka witsësar, kaats ulimënts wi kan buta-buta wi;

JAKOB 1:5

Uci nalon tsi ind kaats kameko, na yepan kul Nasien-batsi, nul na njai na roon nuu wël unk bañaan bëlieng, te di ka leentsar ñaan. Na yepul kul, në wëlaa.

JAKOB 2:13

Par, nandootsi ka yëkar bañaan ipës, di ka yëkara ipës tsi kawata-pëleents. Kayëk-ipës ka gaañar kun kawata-pëleents.

JAKOB 2:4

nda cits këci tsi pëkicës bañaan tsi pëncuaf ind-a? A cits unk di nda ci run bawat-pëleents ban tsij biki ngëwejats nga waraatsa ngi-a?

JAKOB 3:15

kameko kamënts ki, cits kan pënë-ni ki ruets; aci ki utsia, ki uŋal ñaan-najin, ki ngëcaay.

JAKOB 4:8

Nda gige wokan Nasien-batsi, din në wokan ind. Nda ñawan iñan ind, ind baro-ngëjuban; nda jëntsani ngëwaas ind, ind ba tsijëna ngëwejats ngëtëb.

1 PER 1:22

Bi nda jëntsan bink ngëwaas ind, tsi undo bi nda mob bi tsi ucär, pa ind pëka bëŋal ban kaats bi kanguungu tsi nda tsaar tsi, nda tambandari pëŋalëlar ni ngëwaas ngan jënts ngi.

1 PER 2:1

Wul ka wun, nda bëran kawaraatsa kan ci ki ba këci, ni bëlipal maniamëlan ban ci ba këci, ni kanguungu kan ci ki ba këci, ni mankocar, ni kajaar bañaan ngëwutsëtsuel kan ci ki ba këci.

1 PER 2:18

Ind baluek, nda welani iyeen ind tsi puu lënk mak bawiak ind; cits pa bawara-ngëwaas rin ni ban bula biki, maa pa bajuats-ngëwaas buts.

1 JOŊ 3:18

Upats uties, n ja tsuuts ŋalëna përim ni pëndiamënt rin, maa ngë ŋalëna karo-ko, ni ucär.

1 JOŊ 3:3

A nan kai ba këka uwats umënts wi, na jëntsandari bërierul, bi Këristu ci bi najënts.