JAKOB 3:14 - KARÚK-PËRIM KAWALU Nouveau Testament

¹⁴ Maa, uci ngëwaas ind cum ni mñibula mwiak, ni pëŋal ngëko bëlieng pëci ngiic ind, ind tsë guukandër, ind tsë pok ko un ci wi ucär;

JAKOB 3:14 ပူးပေါင်းရင်းမြစ်များ

MATEU 27:18

Par nul ame u ci-undo mankocar ka wun ba gutsariul Yeesu.

KAKÚRAN-KAWAR YEESU KRISTU BI JOŊ LEENŢ BI KUL AJA 16:2

Bu ka pënan ind di ito-ijúki. Maa uwal ka bi, uja ñaan fiŋ ind, në ja ne aci tsi pëleempar Nasien-batsi.

NGËRO 13:45

Maa, Bajudeu kë win indënd bañaan, ba cum ni mankocar, bu kë ñakan irim ikar koo pok ko wi Pol kë ja wi.

NGËRO 26:9

Tsi ucär, man do ja ne man ka përo ngëko ngëcumal pa pëkaman katim Yeesu, nul Kanpënë-ni-nasaret.

NGËRO 5:17

Maa, nan pei pëci nawiak-bajakan, ni ban ci biki ni nul bëlieng, ban ci bkii ban bofëna biki di bëjukan Basaduseu, cum ni mankocar;

NGËRO 7:9

A basin nja ñíbëla Juse, a ba waapul bañaan Ejipët; maa Nasien-batsi ro ci ni nul,

ROOMA 1:29

A ba cum ni kamabats kan ci ki ba këci, ni kawaraatsa, nikariisan-ko, ni kajuats-uwaas; bu cum ni mankocar, manfiŋar, mŋom, maniamëlan, ni karo ngëwutsëtsuel. Bu ci bakuetar,

ROOMA 13:13

Nda ju ngë yandaar tsi bëmabal, pi ñaan ni ka yandaari tsi pënak ndakaŋ; ind tsë mob tsi buwaamal ni ukuj, nin ind tsë mob tsi mampiintsandar ni karika-kawa, nin ind tsë mob tsi pëŋom ni mankocar.

ROOMA 2:17

Maa u ci wi ni kanduee Najudeu, a m watsaraan tsi ngëtsua, wi ni kan bëndandari tsi Nasien-batsi;

ROOMA 2:8

Maa uriab ni ukulëñ ka ci tsi baŋal ngëko bëlieng pëci ngiic bukul, a bu mobats tsi ucär, bu kë fets kamabats.

1 KORINTU 13:4

Bëŋal aci umiira, aci uwar. Bëŋal di ka koc, di ka píc, di ka rëmbandar,

1 KORINTU 3:3

par nda wama ci pi bañaan umundu. Bi nda wama bink a tsij mankocëlar ni pëŋom tsi pëncuaf ind, pibanats nda wama ci pi bañaan umundu, a nduu yandaar pi bañaan-bajin kë yandaar pi-a?

1 KORINTU 5:2

Nda ci tsi mguukandar a nda juatsanats! Ñaan nando ank ko wan na pënanaan tsi pëncuaf ind.

1 KORINTU 5:6

Upíc ind waraatsa. Nda meets bëko-bëlëtsatsaani bëties kë lëntsëntsan ifar bëlieng-a?

2 KORINTU 12:20

Maa ko wi lënk wi, nji përits tsënk ind bi n ŋal bi, ubaandi nji; a ind buts pëwinin, tsi ko un pats wi ni wi nda ŋal wi. Ko wan ka tsiji pëŋom tsi pëncuaf ind, mankocar, uriab, mankicësar, ka jaar bañaan ngëwutsëtsuel, mankuetar, manguukandër, kangusëlar.

GALAASIA 5:15

Maa, uci nduu rumëlar a nduu yoorëlar tsi nda ci tsi, nda rukan ibats pa nda rits baalar.

GALAASIA 5:20

ni kajintëla icap, ni pëkaalam, ni mañaasëlër, ni katamb-ulats, ni pëyëkandar ko pëci wiicu, ni uriab, ni ukam, ni pëŋom, ni mankicësar,

GALAASIA 5:21

ni mankocar, ni ukuj, ni buwaamal. A ngëko pi ngëmënts ngi, ma n ja ind, bi do bi car aleents ind, ban mob biki tsi përo ngul, bu ri ka rukanda pësien Nasien-batsi.

GALAASIA 5:26

Nja tsuuts rëmbandar, pa puu tsu bañaan ba riabatsar bacints bukul, ni pëja bañaan, bu ka koc bacints bukul.

GALAASIA 6:13

Par ŋal ba welana biki kambac, bu mobats tsi ko wi ulua ja wi; maa bu ŋal ind pëwelana kambac, pa tsi ngëliaf ind, bu kë rëmbandar.

FILIIPUS 1:15

Tsi ucär, aci-undo mankocar ni mampícëlër ka wun balon kë leents uleka Këristu, maa aka biki kan do biki umënts wun ni uŋal uwar.

FILIIPUS 2:3

Ind tsë ro ko, pa pëpícëlër, nin pa pëpibandar; maa tsi kawelan-been, nan ci na moban bacintsul pi bu peul.

1 TIMOTEU 2:4

nul na ŋali bañaan bëlieng buer, bu ka tsënkan pëme ucär.

1 TIMOTEU 6:4

ñaan namënts un aci ni mguukandër kuelëtsani, a te meets ko. Yësats koon këyës, par mantotëlër ni mŋom mi na ciina mun. Ci wun ko wi kan tsiji wi karí-ko, pëŋom, ikar, ma njafar ma waraatsa mi,

TIITU 3:3

Par nja buts, tsi uwal ujon, ngë ro ci uunk: bafuur, barika-ro ko un jaka wi, ba niamana biki, a ngëkoraar uŋal ni ngëkoraar ulílal ro tsu nja a ngë ci baluek. Ngë ro mob tsi kajuats-iyeen, ni tsi karí-ko. Ngë ñaasaa, a ngë ñaasëlër.

JAKOB 1:18

abukëni nja përim ucär, tsi uŋalul, pa nja ka yëlan përo pi ngë ci bacäk tsi ngëkoul ngi na leemp ngi.

JAKOB 3:16

Par tsi mñibula ci tsi, a tsi pëŋal ngëko bëlieng pëci ngiic ind ci tsi, din kagusëlën ngëko ka ci tsul, ni karo ngëwutsëtsuel ngan ci ngi ba këci.

JAKOB 5:19

Batsaar ni nji! Uci nalon tsi ind niam alawan ucär, a nalon kakaniul tsi wul,