JAKOB 2:19 - KARÚK-PËRIM KAWALU Nouveau Testament

¹⁹ M wak tsi pëja, Nasien-batsi aci naloole baŋ; m do uwar. Ngëcaay awak buts tsi ko wan, a nguu lënk bak-bak.

JAKOB 2:19 ပူးပေါင်းရင်းမြစ်များ

MATEU 8:29

Din a balieaja: “Wee wund kaar wun ni wi, Abuk Nasien-batsi? M bi pëpikaar wund, tsini uwal ruka ka band a?”

MARKU 1:24

“Yeesu, Kanpënë-ni-nasaret, we wi wund kaaraan wun ni wi? M bi pii cok-cokan wund-a? Ma me ne m cii: Najënts Nasien-batsi!”

MARKU 12:29

A Yeesu yank aja: “Wi ci wun uwiak: ‘Cíkëndani, Israel! Ajug, Nasien-batsi nja ci-un Ajug, nul naloole;

MARKU 5:7

a na lië mak aja: “Wee m kaaraan wun ni nji, wi Yeesu Abuk Nasien-batsi Kanpe pëci di ruets? Man ñaanu tsi katim Nasien-batsi, cӓts luekanin.”

MARKU 7:9

A na kaka ja bukul: “Nda yil-bëro a nda bër utsua Nasien-batsi, a nda mob tsi përo undimaan ind.

LÚKAS 4:34

“Wi ko-e! Wee m ŋal wun ni wund, wi Yeesu, Kanpënë-ni-nasaret? M bi pa pëniaman wund-a? Wi, man me ni m ci; wi ci-un nayëman, nan pënë-nii tsi Nasien-batsi.”

KAKÚRAN-KAWAR YEESU KRISTU BI JOŊ LEENŢ BI KUL AJA 17:3

A ubiira un dits wi ka ba, aci bukul pëmeu, wi rin Nasien-batsi nacär, ni Yeesu Këristu, nul ni m yëlii.

NGËRO 16:17

A nuu fets Pol ni wund, a nuu lië koo ja: “Bañaan biki, bë ci baleemp Nasien-batsi kanpe pëci di ruëts, a bu kë leents ind bëga pëbuër.”

NGËRO 19:15

Maa ulon unu, ucaay jankma bukul aja: “Yeesu, man meul; a me uleka Pol. Maa ind, nda ci yën?”

NGËRO 24:25

Bi Pol ci bi tsi pëñakan tsi uleka bëmabal, ni butsëkal, ni kawat-pëleents ki kan bi ki, a Felikës lënk a na ja: “Tsi inkri m yil pëtsëp, mán yaa njala, ka ruiu.”

ROOMA 3:30

par tsi ucär, Nasien-batsi aci naloole baŋ, a nul ka tsu un ba wela biki kambac ba ciina bamabal tsi uwak; nul ka tsu un buts ba welaatsa biki kambac ba ciina bamabal tsi undo uwak.

1 KORINTU 8:4

Tsi uleka kare ngëko nga n jakana ngi tsi icap, ngë me ne, pëcap bërier pul cits ko tsi umundu, a ngë me Nasien-batsi nalon cits, ucits ba naloole rin.

1 KORINTU 8:6

maa pa n ja, naloole rin ci-un Nasien-batsi, un ci wi Asin; nan kaanee ngëko bëlieng, a ngë ci ban ci biki pa nul. A naloole rin ci-un Ajug, un ci wi Yeesu Këristu nul nan kaanee ngëko bëlieng, a ngë ci buts pa nul.

GALAASIA 3:20

A natsu-manteelar di ka ci ni naloole rin, maa Nasien-batsi aci naloole.

1 TIMOTEU 2:5

Par, Nasien-batsi naloole baŋ ci-un, a natsu-manteelar tsi Nasien-batsi ni bañaan-bajin ci buts naloole baŋ, ci-un Këristu Yeesu, nul ñaan-najin;

JAKOB 2:8

Tsi ucär, uci nda ro ko wi ulua pësie n ja wi, bi u picana bink aja: “Ŋalan acintsu pi m ŋal pi beenu,” ndë ro uwar.

JÚDAS 1:4

Par balon bañaan, biki ulaci bukul jon wi ki u pica ki, bu yuembi ee niaj tsi pëncuaf ind. Bukul bë ci bameets-nasien-batsi, a ba witsës bëtseend Nasien-batsi nja pa puu ro ngëko katuk-ufuts. A ba bër Yeesu Këristu, nul Najukan nja naloole baŋ, a na ci Ajug.

JÚDAS 1:6

A ngëwaanju ngan tsuunkarats ngi ko wi nga ci wi, maa nga bër tsi nga ro tsi ciina, Nasien-batsi agaang ngul di bametsu karëm, a nga ricara sandëndën, pa Unu uwiak, wi kawat-pëleents.

UPIBAN 20:10

A Ujabël, wul un daac wi bukul tsi kafal, gutsaa di pëwal bërua ni ucof, di un jar ci ri ba, wul ni nayëlia natsup; bu ka ci tsi unoor uwiak, pënak ni bërëm, pa sandëndën.