JAKOB 2:18 - KARÚK-PËRIM KAWALU Nouveau Testament

¹⁸ Maa nalon ka ja: “Wi, m ka uwak, a nji man ka ngëwar ngi n do ngi.” Pibanin-e uwaku, wul un kaats wi ngëwar; a nji, ngëwar ngi n du n pibanaanu ngun uwak nji.

JAKOB 2:18 ပူးပေါင်းရင်းမြစ်များ

ROOMA 14:23

Maa nan tsiji ngëwejats ngëtëb a na re, alacana, par ko wi na ro wi pënënatsi tsi uwak; a ko un pënënatsi wi ba këpënë-ni tsi uwak, aci ujuban.

ROOMA 3:28

Par ngë win u ci uwak ka tsu wun ñaan-najin në ci namabal, cits ngi ngëtsua tsu ngi përo.

ROOMA 4:6

Unk buts di Dawid leents run uleka pënaak ñaan-najin ni Nasien-batsi tsuunatsi namabal tsi ngëko ngi nuu ro ngi. Iink di na ja run:

ROOMA 8:1

tsi inkri, nin pëlon pëlacana cits pa ban ci biki tsi Këristu Yeesu.

ROOMA 9:19

Maa, wi kë jain: “We ka wun a na wama ka lacan bañaan? Par yën tambandar un tsi pëpok uŋalul-i?”

1 KORINTU 13:2

Ŋal ka tsij utseend pa pëleents u meaatsa wi, a me bëlieng ngëtsaag ngan doots ngi meaa, a meend ngëko bëlieng; ŋal ka tsij uwak awiak pa pëkikës ngëntunda, maa uci n kaats bëŋal, in di ka n ci ko.

2 KORINTU 5:17

Unk, uci ñaan ci tsi Këristu, nul aci ñaan nawalu; ngëjon apar, a ngëwalu ruka ngink aci.

2 KORINTU 7:1

Bamiñ ba ŋal biki, bi ngë ka bink ngëwatsan ngan liing ngink, ngë jëntsandar bërier nja tsi bëtsopal uyamats, ni bi uwejats; ngë tuamës mjëntsandar tsi pëlënk Nasien-batsi.

GALAASIA 5:6

Par tsi Këristu Yeesu, nin kawela-kambac, nin kawelaatsa-kambac kaats bëlon bëkat; maa un ka wi bëkat, aci uwak wi ka leemp wi bi bëŋal.

1 TIMOTEU 1:5

Ko un ka wi n tsuu përo ank, aci pa pëpiban bëŋal ban pëni bi di uwaas un jënts wi, ni di ume-kabats un fac wi, ni di uwak un kaats wi kanguungu.

TIITU 2:7

Tsi ngëko bëlieng, pibani tsi wi bërieru m ci ñaan ni bañaan kë teenëni tsi karo ngëwar: tsi bëjukan, pibani bëjëntsal, ni urispiitu,

BAYEBËREU 11:31

Uwak tsu wun a Raab, nul natúk-ufuts, fiŋaatsa, uwal wi baroots ko un jaka wi kë fiŋaa wi. Par bajuunkats, awelan bukul ni pëfac.

BAYEBËREU 11:33

Bukul, bu kamanaan uwak a ba yank msien, ba tsu bëmabal a buu rolaa, ba yank nga watsana ngi, a ba ruman ngëlioŋ itum,

BAYEBËREU 11:6

Ucits ba tsi uwak, kaats bi Nasien-batsi kë lílandër bi ñaan. Par, ni ka woki Nasien-batsi aka pë wak Nasien-batsi ci, a na ciind naluk ban tsu biki ibats tsi pëtsasul.

JAKOB 2:14

Batsaar ni nji! We kat wun kalon ñaan pëja aka uwak, maa a di ka ro ngëko ngëwar? Uwak wan a yëlan pëbuera nul-a?

JAKOB 3:13

Naom tsi ind ci-un nameko ni nalipal? Tsi bëroorul, na pibani ngëko ngi nuu ro ngi ci ngëwar, a nuu ro ngul tsi kawelan-beenul kan piban ki na ci nameko.