JAKOB 1:17 - KARÚK-PËRIM KAWALU Nouveau Testament

¹⁷ ko bëtseend u wara wi, ni ko wi kan tseenda wi ñaan, un ba wi pëci uwar, aci ngan pëni ngi ruets, ngan pënë-ni ngi di Asin, nan doi ngëfac; nul di ka witsësar, kaats ulimënts wi kan buta-buta wi;

JAKOB 1:17 ပူးပေါင်းရင်းမြစ်များ

MATEU 7:11

Ind ba waraatsa biki, ande nda me aatsum pëwël upäts ind ngëko ngëwar; a nda me koon, Asin ind nan cii di batsi, ka wël biki ka yepul biki ngëwar!

LÚKAS 11:13

Bi u ci bank, uci ind ban juats bikink ngëwaas, a nda me aatsum pëwël upäts ind ngëko ngëwar, andes Asin ind nan ci di batsi, ba yepul biki Uwejats-ujënts, ka wël bukul wël.”

KAKÚRAN-KAWAR YEESU KRISTU BI JOŊ LEENŢ BI KUL AJA 1:9

Pul përim ci pun ufac ucär, wi kan fiets wi kara ñaan, ubi wul tsi umundu.

KAKÚRAN-KAWAR YEESU KRISTU BI JOŊ LEENŢ BI KUL AJA 3:27

A Joŋ yank bukul aja: “Ñaan yëlanats pëyank ko, ucits ba un pëni wi batsi a u wëlaul.

KAKÚRAN-KAWAR YEESU KRISTU BI JOŊ LEENŢ BI KUL AJA 3:3

A Yeesu yankul aja: “Mán leentsu ucär, ñaan nan bëkaatsee kabuka-kawalu, yëlanats pëwin Pësien Nasien-batsi.”

KAKÚRAN-KAWAR YEESU KRISTU BI JOŊ LEENŢ BI KUL AJA 8:12

A Yeesu kaka ñakanaan bukul aja: “Nji n ci-un ufac umundu; ñaan nan ci tsi pëfetsin, di ka yandaar tsi krëm, yaas; maa ka ka ufac ubiira.”

NGËRO 11:18

Bi ba te bi ko wan, a ba tsëkandar, bu kë rëmban Nasien-batsi koo ja: “Tsi ucär, Nasien-batsi awël ban cits biki Bajudeu kayaar-ibats, pa ba ka ubiira.”

NGËRO 5:31

Maa, a Nasien-batsi riangul tsi kariirul, pa na ci Nasien ni Nabuëran, pa pëwël Israel kayaar-ibats, ni pëjampësaa ngëjuban.

ROOMA 6:23

Par bëluk ujuban, aci pëcäts; maa utseend Nasien-batsi u lukaatsa wi, aci ubiira un dits wi ka ba, tsi Këristu Yeesu, nul Ajug nja.

1 KORINTU 4:7

Yën tsuu un pëpe balon? Wee m ka wun kalon, wi m wëlaatsa wi këwëla? A uci m wëla këwëla, we ka wun a kë riang beenu, pi m wëlaatsa këwëla?

2 KORINTU 4:6

Par Nasien-batsi na njai: ufac fietsan tsi pëncuaf krëm; a nul bërierul fiets un di ngëwaas nja pa pëwël nja ufac ume përëmb Nasien-batsi tsi urostu Këristu.

EFEESU 1:18

Nul na waantsan ind ngëwaas pa ind pëme uwats un ci wi tsi karuaul, ni bëka Përëmbul bi bayëmanul kë rukanda bi.

EFEESU 2:8

Par tsi bëtseend ka bun nda buer, tsi undo uwak ind. Umënts wan biinatsi tsi ind, aci ko wi Nasien-batsi wël wi;

FILIIPUS 1:29

Par nda wëla bëtseend, tsi undo Këristu. Cits pëwak tsi nul rin, maa buts pënoorarul.

1 TIMOTEU 6:16

Nul baŋ ci-un nan kaani karika-cats; aciina di ufac un tsënkanaatsa wi pëwokan; ñaan winats wul, a te ñaan yëlanats pëwin wul. Urispiitu, ni pëyëlan pan dits pi ka ba, aci pa nul. Ameen!

BAYEBËREU 13:8

Yeesu Këristu aci bi na ci bunk, taakal, ntsari, pa sandëndën.

JAKOB 1:5

Uci nalon tsi ind kaats kameko, na yepan kul Nasien-batsi, nul na njai na roon nuu wël unk bañaan bëlieng, te di ka leentsar ñaan. Na yepul kul, në wëlaa.

JAKOB 3:15

kameko kamënts ki, cits kan pënë-ni ki ruets; aci ki utsia, ki uŋal ñaan-najin, ki ngëcaay.

JAKOB 3:17

Maa, kameko kan pënë-ni ki batsi, acakësaan pëci kajëntsal, a ka ru ci kan tsiji ki pëfac, ni kajuab-uwaas, ni manteelar, ni pëcum ni kayëk-ipës, ni ngëwar ngan dola ngi; kul di ka kicës bañaan, kaats kanguungu.

1 JOŊ 1:5

Përim pi wund te pi tsi ulekaul a wund leents ind, ci pun pi: Nasien-batsi aci ufac, a nin karëm cits tsi nul.

1 JOŊ 4:10

Tsi ko wi, tsi bëŋal ciina tsun: cits pëjaa n ja ŋal bukun Nasien-batsi, maa nul ŋal nja un a na yëli Abukul, pa na ci bëjakan bi kan pënan bi ngëjuban inja.

UPIBAN 21:23

Përaasa pëmënts pun fierats nin unu, nin pëli pa pëfiets pul, par përëmb Nasien-batsi ci pun tsi pëfiets pul, a Ubuk-unkaanel ci ulamp pul.

UPIBAN 22:5

Bërëm katse ka ci; ufietsar ulamp di ka fieraa, nin ufietsar unu. Par Ajug, nul Nasien-batsi, ka fiets un tsi ruets bukul. A bu kë sien, pa sandëndën.