GALAASIA 6:2 - KARÚK-PËRIM KAWALU Nouveau Testament

² Nda tsënkëlëri ni myunts tsi nda ci tsi, unk ndë ro ko wi ulua Këristu ja wi.

GALAASIA 6:2 ပူးပေါင်းရင်းမြစ်များ

MATEU 8:17

Unk, a u roaa bi Isaaya nayëlia ro bi ja; iink di na ja run: “Nul bërierul jej un basal nja a na yankar nja mmoj.”

LÚKAS 11:46

Maa, Yeesu ja: “Cay ind buts bajukan-ulua! Par, nda ja nda roon nduu yuuntsan bañaan pëyunts pan dits pi pëyunts; maa ind bërier ind, nda ri ka kërara pëyunts pëmënts, ŋal ni pëlon pëkuanj tsi ikuanj ind.

KAKÚRAN-KAWAR YEESU KRISTU BI JOŊ LEENŢ BI KUL AJA 13:34

Mán wël ind utsua uwalu: Nda ŋalëlari; bi n ŋal ind bunk, nda ŋalëlari buts.

KAKÚRAN-KAWAR YEESU KRISTU BI JOŊ LEENŢ BI KUL AJA 15:12

Utsua nji ci wun wi: Nda ŋalëlari, bi n ŋal ind bi.

ROOMA 15:1

Nja ban ci biki baliincal, ngë ka puu miira ban daf bukunk, tsi bërafal bukul, nja ka wët puu ro u líl nja wi.

ROOMA 8:2

Par ngëtsua Uwejats, wi ka wël wi ubiira tsi Këristu Yeesu, afacanu tsi ngëtsua ujuban ni wi pëcäts.

1 KORINTU 9:21

Pa ban kaats bukun ulua, a nduka n ci pi bukul, pa pëgaañaar ban kaats bukun ulua; cits pëjaa nji n mobats tsi ulua Nasien-batsi, maa man mob tsi ulua Këristu.

GALAASIA 6:5

Par kara ñaan ka yuntsl pëyuntsul bërierul.

1 TESALONIKA 5:14

A wund kë buara ind, ind batsaar ni wund, nda leentsari batsuunk-uleemp, nda liinc-liincani ngëwaas baraf-katsëb, nda tsënkan ban ci biki barafal, nda miiraan bañaan bëlieng.

JAKOB 1:25

Maa nan kaŋani këkësul tsi ulua un ba wi pëci uwar, wi kan bueran wi, a na liincandar, a cits nacikëndan ni ka fini, maa a namob tsi puu ro ko wi u ja wi, namënts un ka naak tsi ngi nuu ro ngi.

JAKOB 2:12

Nda ñakani, ndë ro, pi bañaan ban ka biki pëwata pëleents bi ulua wi kan bueran wi tsu bi.

JAKOB 2:8

Tsi ucär, uci nda ro ko wi ulua pësie n ja wi, bi u picana bink aja: “Ŋalan acintsu pi m ŋal pi beenu,” ndë ro uwar.

1 PER 2:24

Nul na yuuntsi ngëjuban nja tsi uliaful bërierul di ruets pëmul, pa n ja pëcäts pa ngëjuban, nja ka kak koo yafënts tsi bëmabal. A mlupiul mi nda yësanaana mun.

2 PER 2:21

Par, aro mat bukul përoots me bëga bëmabal yaas, ni pëjaa bu me bul a uu ba, a ba ru wëtan utsua uyëman wi ba wëla wi.

2 PER 3:2

pa ind pëles irim i bayëlia bayëman ro yi leents, ndë lesand irim utsua Ajug, nul Nabueran, i bapostolu ind kë jukan yi.

1 JOŊ 4:21

Këristu awël nja utsua wi: Ñaan na ŋali Nasien-batsi, na ŋalan buts ni ba tsaari.